رد : عتيبي من عتابه كبار الاسامي // الطارف مصافحه اولى
 

والله من طيب راسك يابو عساف انت وابو علي


ملفات وفايلات ومدري وشو



اقوووول يا حبني لكم يا ثنين


لاهنتوا ولا وهان كل من مر هنا وشارك وبيض الله وجه ذيب ولكم تحياتي

رد : عتيبي من عتابه كبار الاسامي // الطارف مصافحه اولى
 

صح الله لسانك ياوجه بني شداد

صح لسانك يالمقاطي

رد : عتيبي من عتابه كبار الاسامي // الطارف مصافحه اولى
 

[frame="9 80"][poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ذيب المقاطي
سلامي سلامً يستحق التراحيـب=مثل مرحبا يالي ترد السلامـي
انا اليوم ضيفً عندكم يالمعازيب=عتيبي من عتابه كبار الاسامـي
عبدالله المهداني
هلا مرحبا يا راعي المدح والطيب =عدد ما يهز الرعد طور الغمامـي
بحل قحطان أهل الكرم والمواجيب =رجالٍ منازلهـم رفيـع المقامـي



ذيب المقاطي

يدوم البقا ياذيب ياذيـب ياذيـب=ولا هي غريبه يابعيـد المرامـي
ابنشدك عن علمً له اليال ماشيب=نطحت الولد ثم ضاق منك الزلامي

عبدالله المهداني
ليا من بغيت العلم هات المكاتيب = وأنا اقول لك حاظر وخلك أمامي
تنشد وخلك فوق روس المراقيب = وخل الزلامي في محله ينامـي




ذيب المقاطي

يبين القمر والناس ماتعلـم الغيـب=ونور القمر وضاح يجـلا الضلامـي
لو ان العمي يرمي مثل زيد ويصيب=ماراحت خساره من رصاص الحزامي
عبدالله المهداني
تبان العلوم وتظهر الشمس وتغيب =وتفقه دهاليز القصـص والكلامـي
لو ان البصير يشوف ما حافه حديب =ولا طاح في جرفٍ هيـالٍ هدامـي


ذيب المقاطي


تراقب علومي مار شكً معـا ريـب=تسوق المطيه غرب والبرق شامـي
لك الله دقن صاحبك مكسي من الشيب=ولامن وردنا عـد ماجيـت ضامـي

عبدالله المهداني
أخيل البروق ولا صفت لك مشاريب = قطعت الاشاره في الطريق النظامي
يا شايب حرام الدم ما فيه ترتيـب = ومن كلمتك تبغا تشيـل الوسامـي




ذيب المقاطي

وردتو وردوكم طوال الاشانيب=ولاذقتو الجمه على الحرامـي
تدور الدبا واتدور فيك الدواليب=ويرجع شدادي فوقها والخطامي

عبدالله المهداني
وردنا وحن يا ذيب حماية النيـب = وفرضنا علومٍ شيبـت بالغلامـي
وخذنا بها بين العدا والاصاحيـب =وقسمك من الاقسام راس السنامي



ذيب المقاطي


لو ان البكا يامطير يحيي تراحيب=بكيتو على قبره ثلاثيـن عامـي
ياجساس رمحك كيف ترميه لكليب=نشدته علامك قال مدري علامـي
عبدالله المهداني

اقلطه في المجلس وعود على السيب = وش العلم يا بن الناس جاك الملامي
تعاجيب يا ذيب العتيبـي تعاجيـب = معي لا تدور ورح لطلعـه وسامـي

ذيب المقاطي
مزوح الخوان اعرف ترى مابها عيب=ولن عـودة للجـد مثلـك حزامـي
نشدتك ولا رديت لصويحبـك ذيـب=وهذي تعرضـك الخـلا والمضامـي

عبدالله المهداني
ضمير البنادم يبدي علوم ويجيب = وبعض الرجال تعوم بحر الغرامي
على كيفك وخلك موضف مناديب = ولك فائق اشواقي وجل احترامي

ذيب المقاطي

انا ماني موضف عليك التلابيب=انا ذيب لاتكت طبول العسامـي
وفرصه سعيده ياقوي المقاضيب=وصح الله الساني وعلمك تمامي[/poem][/frame]

رد : عتيبي من عتابه كبار الاسامي // الطارف مصافحه اولى
 

السلام عليكم ورحمة الله وبركاته

أرررررررررررررررررررحب

الله يوفقكم

وااااالى الامام

رد : عتيبي من عتابه كبار الاسامي // الطارف مصافحه اولى
 

اخوي الشاعر :: عبدالله المهداني

اشكرك كل الشكر على التنسيق في اللعبه الطيب

مع فائق الاحترام ..

............

فارس ال فرس

ارحب تراحيب المطر

سعيدين بتواجدكــــ


اخوكـــــــــ ::

رد : عتيبي من عتابه كبار الاسامي // الطارف مصافحه اولى
 

محاورة تمنيت ان احضرها

مع خالص التحايا للجميع

رد : عتيبي من عتابه كبار الاسامي // الطارف مصافحه اولى
 

ابو عياف

يامرحبا والله ومسهلا فيكــ

وابدن مافات غير الخير والخير جاي فاطريق

اشكرك على المرور الفذ

رد : عتيبي من عتابه كبار الاسامي // الطارف مصافحه اولى
 

ياسلام علي المحاوره الرائعه تسلم يمناك يابوسعود

رد : عتيبي من عتابه كبار الاسامي // الطارف مصافحه اولى
 

صحت السنتكم

وارحبوا جميع


الله يسعدكم

مبدعين

رد : عتيبي من عتابه كبار الاسامي // الطارف مصافحه اولى
 

والله انه شاش راسي يا ابو سعود والله ولو تلعب محاوره ثانيه ولا ترسل رساله على الخاص
تبلغني ان ازعل عليك


والله ان اسوق الصفوف طوابير يالمهداني


ويسلم راسك يا عصابة راسي