رد : العب ياعبدالله .. بكره خميس.................
 

لاهنت يابو عايض

وتراي تعبت على الرد وطرحته قبل ادري انك استاذنت ولاعاد انحذف :)

بيض الله وجهك .. ووجه من حضر وشارك معنا

لاهنتو جميع .. وتصبحون على خير

.

رد : العب ياعبدالله .. بكره خميس.................
 

صح الله لسانك يابو عبدالله


ولاهنتو جميع


الرد ما أنحذف اكيد عندك مشكله في الصلاحيات خلني احذفه من عندي :)

رد : العب ياعبدالله .. بكره خميس.................
 

اقول هات المعكاز

الربع سرو

وانا في الصف

رد : العب ياعبدالله .. بكره خميس.................
 

يالا الا يلا يلا يلا

شكلهم سروا صدق

رد : العب ياعبدالله .. بكره خميس.................
 

[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]

سعد القحاني
سلام والمعنى مابين النجم الابيض والقمر = ياصحابنا اللي ماتوانو .. في سبيل الأوله
العب ياعبدالله وبنط في حجر واسبح بحر =جنب ثقيل العلم والا يابو نـواف اشتلـه

عبدالله الفهري

يا مرحبا بك وانت ما بين الخطيّـه والعـذر = والحاشي الجافل نبي بأمـر المعـزّب نعقلـه
بلعب واشوش وينطنخ راسي فرح مدري سطر = مير انتبه لا تبتدي ثم تنتهـي فـي مشكلـه

سعد القحطاني
السالفه سيف وعلم والمقبله علـم وخبـر = ماهي بدراج الدداسن بين صفوى والجلـه
العب لكن إن جات في صابرك ماعندك صبر = يمكن تموت الصبح موتة غاديٍ ضيع هلـه

عبدالله الفهري

بطلّعك فالبرحه اللي ما ظهر فيها شجـر = واطرّدك بالددسن اللي ما تكسّـر دنقلـه
المره اللي قبل هاذي فزت انا خمسه صفر = والظاهر ان الحال واحد مطلعه مع مدخله

سعد القحطاني

ياليلك الاقشر يابن عمي وقافيـك الفجـر =إن جبت لك علم وانا ماستقبله ولا ارسله
سرحت مبسوطٍ لكن امسيت حاشرك القهر =مير السبب من عمك اللي ناولك بالقنبلـه

عبدالله الفهري
ثوبك يا شاعر تالي الليل انكمش مدري شمر =مدري حشاك ابليس ولاّ الخوف حالك حلحله
نصيحتي يا صاحبي خل القشر لهل القشـر = من قبل ما ياتي لعشرك في البراري جلجلـه

سعد القحطاني

ارتاح يارجال من الاهوال .. خذ واحد حجر =والنوم الذ احيان من كثر القـرق والبلبلـه
لو النصايح فادتك ماصحت من حر الجمـر = ياللي لو تشوف الخطر قدمك تجي وتقبّلـه

عبدالله الفهري

حنا لنا الكمبودي اللي ينسفط للي حضـر =يوم انت راسك بهذله كثر المعسل بهذلـه
يكفيك من حد القديمي شبر واقصر من شبر =والعارف العرف انقذه والجاهل اهلكه اجهله

سعد القحطاني

ياغصن ياللي مال من صلف الهبايب وانهصر = ماعاد باقي به ورق والسـرو قيـل بأسفلـه
يدوّخك ضربه من سوط دون جسمك ماقصـر = وشلون في الضلما سريت وسالفتك مطولـه


عبدالله الفهري

عود هديرك للرغى . واللي سواتك لا انحشـر =ضاعت علومه . ثم قرده الله من اسباب اعمله
ارفعك لاكن تنحني يـا سلـك بللـك المطـر =لا شك انا بحشم هبيل القلب من حشمة هلـه


سعد القحطاني

لوإن مابـه هـم غيـرك يابشـر ولا بشـر = كان استراح الفارس اللي تعب حصانه واجمله
لكن خزّن ماتبقـا مـن درر جـوف الكمـر =اسمع حليم .. ينصح الغـاوي قبـل لايقتلـه
[/poem]


ابو سليمان ،،،،، ابو نواف

صح السنتكم جميع

على الطاروق الكايف


شعار كبار ومبدعين


.