أرررررررررررحب ياشارب الفناجيل
بيض الله وجهك يا كحيلان على حميتك ولاهوب غريب عليك الطيب
أول شي ونعم بقبيلة سبيع الغلباء قروم وشجعان وفرسان وأهل أبل وخيل .
وما يقوم به سفهائهم ينطبق عليه المثل : [ القافلة تسير والكلاب تنبح !!!!!!! ] .

بالنسبة لمعارك قحطان مع سبيع كثيره جداً جداً جداً جداً جداً
فيه مغازي للجحادر سوى مجتمعين على سبيع
وفيه مغازي لعبيده سوى مجتمعين على سبيع
وفيه مغازي لآل عاطف والخنافر وآل سعد وآل سويدان وآل مسعود وآل الجرو والفهر والمسارده على قبائل سبيع خصوصاً قبائل السوده والقريشات والقبائل المتواجده في عرق سبيع المعروف.
وهذه المعارك قتل فيها من قتل من قحطان وسبيع .

وحصر هذه المعارك صعب في هذا الموضوع لكن بعطيك بعضاً منها
:1) معركة بين آل عاطف ضد السوده والقريشات من سبيع في عرق سبيع باتجاه نجد وقتل فيها أحد شيوخ القريشات من سبيع وهذه المعركة بقيادة الشيخ الفارس مناحي بن جرمان بن سعيدان والشيخ الفارس مسفر بن هادي بن سعيدان وأخذوا آل عاطف أبل قبيلة سبيع وضموا ضايعهم كله .
2) معركة في نجد بين آل عاطف والسوده من سبيع وهذه المعركة بقيادة الشيخ الفارس مسفر بن هادي بن سعيدان والعقيد الفارس علي بن راجح بن القينه العطافا آل شريم آل عاطف وانتصروا آل عاطف والسوده بقيادة الشيخ الفارس الفديع بن باحص شيخ السوده ..
3) معركة بين الخنافر والسوده من سبيع والخنافر بقيادة الشيخ الفارس حسن بن ناصر بن سفران والشيخ الفارس ذياب بن فرج بن سفران وقتل فيها أحد شيوخ السوده واللي ذبحه هو الشيخ الفارس ذياب بن فرج بن سفران وانتصروا الخنافر على سبيع.
4) معركة بين الخنافر وآل عاطف ضد السوده من سبيع وانتصروا الخنافر وآل عاطف وهذه المعركة بقيادة آل سفران شيوخ الخنافر وآل سعيدان شيوخ آل عاطف
5) معركة بين الفهر وسبيع وانتصروا الفهر بقيادة الشيخ الفارس عشق بن زيد بن شفلوت وعقرت ذاك اليوم الكثير من خيل سبيع .
6) معركة صفا الشيوخ بين عبيده وسبيع وقتل فيها العديد من شيوخ سبيع وسمي هذا المكان بصفاء الشيوخ .
7) معركة بين آل مسعود وسبيع وانتصروا آل مسعود بقيادة الشيخ الفارس سلطان بن عرار بن منيس بن عبود .
8) معركة بين آل مخثلة آل سعد وآل سعيدان آل عاطف غزو على بني ثور سبيع وخذوا ابلهم ودارت بينهم مناوشات شرسه.
9) معركة بين المسارده و السوده وفي هذه المعركة قتل الشيخ الفارس فيحان بن فيحان بن باحص .
10) معركة بين الجحادر وسبيع وانتصروا الجحادر وقتل فيها الشيخ الفارس محمد بن ضاري واللي ذبحه الفارس مسعود بن قاتله آل روق .

11) هناك معارك للخنافر وآل مسعود على سبيع وانتصروا قحطان على سبيع .
وغيرها من المعارك وهذا اللي يحضرني فيما يخص انتصار قحطان وإالا فيه مغازي يحتمون سبيع ابلهم وحلالهم ودارت معارك شرسه تنتهي باحتماء سبيع لحلالهم ولكن أكثر المغازي قبيلة قحطان هي اللي تغزي على قبيلة سبيع .


أما ياشارب الفناجيل ما يخص معركة عقيلان فهي على النحو التالي :
##اسم الوقعة : [ وقعة عقيلان].
##مكان الوقعة : [ في أطراف بيشه ] .
##اطراف الوقعة: [ من قحطان آل مسعود ومعهم قليل من آل الجرو ومن عتيبه قبائل برق ومعهم سبيع ا] .
##قادة الوقعة: [ آل مسعود شيخهم الشيخ الفارس جعفر بن منيس بن عبود وآل الجرو الشيخ الفارس ضويحي بن عبيد الله بن عريج وقبيلة عتيبه شيخهم الشيخ الفارس محمد بن هندي بن حميد و ومنة معه من سبيع ].
كانوا آل مسعود مربعين بأبلهم حول عقيلان بزعامة الشيخ الفارس جعفر بن منيس بن عبود شيخ آل مسعود وكانوا آل الجرو مربعين بأبلهم بزعامة الشيخ الفارس ضويحي بن عبيدالله بن عريج حولهم مابه بعد في هذه الأثناء كانت قبيلة عتيبه بزعامة الشيخ الفارس محمد بن هندي بن حميد قريبة منهم ومربعين بأبلهم في مكان يبعد عن مكان آل مسعود وآل الجرو مسافة يوم كامل .
في هذا الأثناء كان مع عتيبه واحد ٍ من عبيده [ يا هاجري وإلا فهري ] وكان قصير ٍ لهم .
المهم في هذا الوقت قرر الشيخ الفارس محمد بن هندي بن حميد إنه يغزي على آل مسعود وآل الجرو المهم سمع هذا الرجال كلام الشيخ محمد بن هندي بن حميد لربعه إن بيغزى فسرى من ليله ويوم وصل لآل الجرو وعلمهم بنية ابن هندي بالمغزى قاله الشيخ ضويحي بن عبيدالله بن عريج :
[ عن آل مسعود على عقيلان رح وعلمهم بنية ابن هندي ] .
المهم استعدوا آل الجرو وآل مسعود لابن هندي وربعه .
قال الفارس ضويحي بن عبيدالله بن عريج آل الجرو للشيخ جعفر بن منيس بن عبود شيخ آل مسعود : [ يابو ذيب أنا يا ضويحي بتيّه بكاري على عقيلان واستدرج العتبان لين جاوا يبون الأبل دخلنا عليهم صفين حنا يآل الجرو وانتم يآل مسعود من يمين ومن يسار وخيالة ٍ يجون متفرقين يباغتونهم فجاءة ].
المهم بعدما وصلو العتبان لعقيلان ودارت المعركة الشرسه بين الطريفين وقتل خلق كثير من الحمده وغيرهم من عتيبه حتى تركوا عتيبه عقيلان ولاذوا بالفرار من الوقعة وانتهت المعركة بانتصار قحطان على عتيبه .
في الحقيقه برز في هذه المعركة فرسان واجد بان لهم فعل ٍ طيب ذاك اليوم ومنهم :
1)الشيخ الفارس جعفر بن منيس بن عبود شيخ آل مسعود.
2) الشيخ الفارس ضويحي بن عبيدالله بن عريج آل الجرو.
3) الفارس عروان بن منيشط آل جاهل آل مسعود.
المهم بعد هذه المعركة قال الشاعر عبدالهادي بن شعواء آل سبعان الخنافر هذه القصيده يذكر فيها ماجرى في وقعة عقيلان يقول ابن شعواء:
[poem=font="Times New Roman,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

حر ٍ شهر من صوب نجد مطاره=نوى المطار وقرّب الفطر الشيب.

ثوّر من الصخة تقّطع شراره = يتلاه من برقا أسوات العياسيب .

وعلى عقيلان نوانا بغاره = وعما علينا مدنا من الأقاريب

قلط حشيفان يدور سباره = متعليٍ في نايفات المراقيب .

كانوا علينا والدبش بنت شاره =لاد الكريزي ميبسين المشاريب.

لحقوا قحاطين أسوات النماره =والكل منهم لفها بالعراقيب.

ابشلف ٍ مظاربها أسوات الحجاره = ترعى بها العرّا ويرقى بها الطيب

عاداتنا في الجلب ننقي خياره =ثلاثة الجذعان غصبٍ بلا طيب .

اللي شرد خلّى الحويا ايساره =واللي نصا رنية يدور معازيب .

عز الله إنها حجة ٍ بعتماره =نطاحت الوكحا انجوم المغاييب .

يا مسوي الفنجال كثّر بهاره=وعدّه على عروان واثنه لابو ذيب.

وعدّه على الشاوي متيه بكاره=ضويحي ياشوق البني الرعابيب.[/poem]