المشاركة الأصلية كتبت بواسطة سعد المهداني (المشاركة 371452)

المشاركة الأصلية كتبت بواسطة سعد علي (المشاركة 334905)

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
آه ياعين تولاها السهر واشقاها=وآه ياهاجوسي الخافي وياوجداني
إن طرالي هاجسي قمت أنتقي معناها=والقصايد برق صيفٍ هل بالامزاني
نظرتي فوق السحاب وفكرتي تحداها=وأتجنب كلمةٍ تاتي بلا برهاني
كل مجروحٍ يداوي علته بدواها=يعرض الحاله على الدكتور والشيخاني
فيا محمد يانظر عيني ويارجواها=هاك مكتوبي بلا رقمٍ ولا عنواني
أخذها مني على وضح النقا مبداها=كلمةٍ في خاطري ترجمتها بلساني
المشاعر صادقه والشارده ما أبغاها =إسمع العلم . أحفظه ياشمعة الاعياني
الحياة ادروس والرجال ماينساها=والدليل من الهروج يرجح الميزاني
المهونه للرجال اللي تجر إخطاها=بين ردهات الخطا مايدري إنه مهاني
لاتهين النفس مهما كان مهما جاها=ولاتنطحها الصفا ولا تجي وحداني
والمواقف للرجال اللي على مبداها=ماتغيرها ظروف الوقت مهما كاني
والعروض اتصونها والناس لا تقفاها=وراعي الاحسان مايجزى بغير احساني
الرجال اهل القلوب الدالهه عفناها=مايعرف المقبله والمدبره كوباني
الزمان ايدور والساعه على مجراها=والسعاده كلها في طاعة الرحماني
ذي نصيحه يانظر عيني وياسلواها=قلتها من هاجسي والقلب والوجداني [/poem]