|
اقتباس:
يحيى القريشي اررررحب حييت يالغالي , جعلني ما اعدم شرواك الاجـــــــــــــــابه • الحال بخير جعلك في خير بشرني عنك وعن ربعك • سئلت نفس السؤال واجبت , لكن اعيده على شانك القصايد القويه واجد والله يوفق اهلها ويزيدهم من فضله • البيت اللي اردده دايم بعض الرجاجيل ما اسجل تلفونه من خوف لا احتجت ما يطري على بالي *انشر حاليا في مجلتي فوارس الكويتيه , وفي ليلة خميس وهناك مشاركات تلفزونيه سوف ترى النور قريبا وبتعجبكم ان شاء الله وسلامتك |
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين الاخ العزيز ابو عبدالرحمن الصراحة انا من الناس اللي معجبين بك وبقصائدك الجميلة واتمنى لك المزيد من النجاح في الدنيا والاخرة اخوك ابوسعيد (ابن مطارد) |
اقتباس:
الغالي ابراهيم بن مريع ارررحب تراحيب الحياء وشلونك يا عساك بخير , لا هنت على تواصلك يا ابو مريع الاجـــــــــــــــــــــــابه • تعتبر المنتديات الشعريه احدى الطرق لانتشار الشاعر لكنها مكملة لاشياء اخرى لا بد ان تتوفر في الشاعر المبدع وانت ما يخفاك هذا الشيء التواجد ماهوب كل شي لا بد من الانتاج الجيد اللي يستحق المتابعه • والله يا بو مريع هناك قصايد واجد والانسان طماع وده انها له , لكن على كل حال ما ياخذ الرجال الا نصيبه • اوقات الكتابه وما ادراك ما اوقات الكتابه ؟؟؟؟ سألوني واجد ما ادري هل هناك شعار لهم وقت معين ما يكتبون الا في اوقات وتحت تأثيرات وانور وما ادري وشلون .... لكن انا واعوذ بالله من كلمة انا اكتب في كل حزه ولله الحمد خاصه اذا كان هناك هيض والا الفيض واجد وسلامتك يا ابو مريع واااااسف على اللبس لكن الكامل وجه الله المعذره من شخصك الكريم ؟؟ محبك ومغليك |
ونعم والله بشاعرنا الكبير ...... وانا اشهد ان قصيدته قحطان العريبه ..... قصيده تاريخيه // ومفخره لنا
الله يجزاكم الخير اخوكم سيف.....، |
مرحبا ومسهلا ياعوض وفرصه ثمنيه للتواصل والسلام حبيت امر واشارك والشباب ماقصروا ... وفوا وكفوا ومشاركتي ... هي أعجاب بك كشخص ومن ثم كشاعر قصيدك عند البحر له طعم خاص واسمح لي طال عمرك أن أطلق عليك لقب ((( سنام الشعر ))) وتستاهله يابو عبدالرحمن ولاهنت يابن غفره دايم متميز في مواضيعك لاهنتوا وتقبلوا من البحر احر التحايا |
اقتباس:
الغالي : ال معمر اررررحب بك وابني عمك ال معمر كلهم , ولاهنت على هذا التواصل الجميل الاجـــــــــــــابه **عمري الشعري يقارب العشر سنوات **والله يا خوك ما ادري بالنسبه للمتلقي ما اجمل القصايد عنده , لاني احصل واحد معجبته قصيده والثاني معجبته قصيده غير , وهكذا . والا انا عندي كل القصايد مثل بعضها يجوز ان قصيدة قحطان استانست من ردود الفعل تجاهها , واسعدني تفاعل الجمهور معها في اكثر من امسيه , والتوفيق من عند الله يا سنايدي .. **القصيده المميزه عندي ؟؟؟؟ كلها يا خوك عندي مميزه وما اتخير فيها الا على حسب الموقف التي سوف تقال فيه والا هي كلها وسط حشاشة جوفي . ** آخر قصيدة رثاء كانت في الوالد رحمه الله وتغمده بواسع رحمته , والله يبقي القارئ والسامع . **بالفعل شبكة قحطان قدمت للشعراء , وكذلك الشعراء قدموا للشبكه الكثير , فالشبكه قدمت الشعراء للجمهور وكل المتابعين لاي شاعر يجدون جديده من خلال الشبكه , اذا هي مجال للشهره والتواصل المستمر مع الجمهور الغالي , والشعراء مثلوا موقعهم خير تمثيل من خلال الطرح المميز والاخلاق العاليه في التعامل مع المتابع , وعدم الاسفاف بالامور مثل ما نشاهد في بعض المنتيات الاخرى . **كلمــــــــــة لشبكة قحطان : ويش اقول ؟؟؟ اللي اقوله الله يبيض وجيه القائمين على هذا المنتدى , على ما يقدمون من المجهودات الراقيه , والاسلوب الجميل في التعامل . ولهم مني كل الشكر والعرفان ومن كافة الاعضاء والمشرفين والزوار وكل المنتمين لهذه القبيله العريقه في جذور التاريخ , فالاسم الذي يحمله احدنا عز لابد يفاخر به , وتحياتي لك يا ال معمر |
اقتباس:
الغالي : السيف النادر اررررحب ولاهنت على تواصلك ومرورك العذب الاجــــــــــابه **الشخص الذي ادين له في موهبتي الشعريه ؟؟ الوالد ( رحمه الله ) فعلى يده تعلمت ماذا اقول ومتى اقول ؟ وقد شجعني منذ وقت مبكر على حفظ القصايد المطوله لشعراء الرعيل الاول مثل الشريف بركات والشريف محمد بن عون , وغيرهم , حتى انه لم يسمح لي بكتابة الشعر حتى حفظت اكثر من الفين بيت شعر , بعد ذلك شجعني على الكتابه وكان يسمع كل قصيده اقولها على انها من شعر البدايات الذي لا يخلو من الشوائب **قصيدة مدح اهديها للشيخ بداح بن سحيم ال سعد , لان هذا الرجال يستاهل المدح ويرفض ان يقال امامه , اما قصيدة الذم يا السيف النادر فأعفني يا سنايدي والله هذي زنقه عاد ؟؟؟ ** الشعر الفصيح ؟؟ عبر شبكة قحطان ؟ اعلن ان لدي الكثير من الشعر الفصيح من دراستي الجامعيه من خلال تخصصي لغه عربيه , قصايد فصيحه ماهي مثل قصايد ياسر التويجري قصايد تجمد على الشارب ,,,, ولا تصدق عاد , لكن اوعدك ان ترى النور قريبا من خلال الشبكه ومن خلال منتديات اخرى . |
اقتباس:
الغالي : النايب الله لا يهينك على مرورك اللي هو رأس المال عاد ويش نسوي الغالي شرواك ما عنه صده مشكووور على تواصلك تحياتـــــــــــــــــــــــــــــــــــــــــــــ ي |
اقتباس:
الغالي بن حرمله ارررحب الله يحييك ولا يهينك على هذا الاسلوب الراقي في الطرح الاجــــــــــأبه ** مثل ما اسلفت كل القصايد عندي سواسيه كاسنان انشط . والمتابع له حق الاختيار حسب الذوق والموقف . . |
اقتباس:
الغالي جبل زيد ارررحب يا سنايدي والله يحييك على كل حال , ومشكووور على تواصل الدايم معنا الاجابه ** سبب قصيدة قحطاني ؟؟ اخوي على ما ورد في القصيده السبب رسالة جوال هاضت القريحه للرد على ما تكرر من كلام لا يمكن ان يمثل افراد قبيلة قحطان . **حالياً.. يا بعد راسي , انا مرتاح في النظم ولعبت محاوره في فتره معينه , ويمكن ترجعنا الظروف الماديه للمحاوره في يوم من الايام ما دام السوق ماشي اليومين هذي ,, ولا توهقنا مع شعراء المحاوره الغاليين , وسلااااااامتك |
| الساعة الآن 07:28 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com