شبكة قحطان - مجالس قحطان - منتديات قحطان - الفارس داهم ابو نكيفين النطعان الفهر

اقتباس:

المشاركة الأصلية كتبت بواسطة أبا الذموم (المشاركة 295738)

أررررررحب يا حسين تراحيب المطر
الله لا يهينك على هذه السيره الرائعة لواحد من أشهر فرسان قبيلة الفهر في عصره هذه القبيلة التي انجبت الكثير من الشيوخ والفرسان ومنهم على سبيل المثال:
1) الشيخ الفارس زيد بن سالم بن شفلوت شيخ عبيده في وقته.
2) الشيخ الفارس سالم بن زيد بن سالم بن شفلوت اللي ذبح الفارس شليويح العطاوي.
3) الشيخ الفارس عشق بن زيد بن سالم بن شفلوت شيخ عبيده في وقته وتولى المشيخه بعد وفاة والده.
4) الفارس شلوان بن جليغم آل سالم .
5) الفارس داهم بن راشد ابو نكيفين النطعان.
6) الفارس تركي بن سعد بن جليغم آل سالم
وغيرهم من الفرسان الشجعان.

سأورد لك أخي العزيز سالفة تدل على شهرة داهم ابونكيفين وارتباطة بالكرم:
[ في وقت داهم ابو نكيفين كانت عجوز من عبيده عند محلات اهلها
آخر الليل وسمعت صوت الذيابة تعوي والكلاب تنبح من الجوع فقالت لها كلمات تخاطب بها الذيابه وقالت : روحوا لداهم ابو نكيفين وإلا شينان بن مبارك بن سعيدان وبتعينون العشاء ]

[ داهم ابو نكيفين ] هو الفارس داهم بن راشد ابو نكيفين النطعان الفهر.
[ شينان بن مبارك بن سعيدان ] هو الشيخ الفارس شينان بن مبارك بن سعيدان من شيوخ آل عاطف في زمنه مشهور بالشجاعة والكرم يقال إنه في الصفري ومدته عشرين يوم في عريقيه وهي جبال وشعابة في الرين حالياً إنه ذبح لضيفانه أكثر من خمسه وثلاثين قعود وأكثر من سبعين خروف في الصفري فقط رغم الظروف الصعبة والفقر ذاك الوقت.

نرجع للفارس داهم ابو نكيفين يقول الشاعر عبدالهادي بن شعواء آل سبعان الخنافر وهذه القصيدة موجهه للشيخ الفارس زيد بن سالم بن شفلوت يقول ابن شعواء:

[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياجر قلبي من وراء عوج الاضلاع = من قامة والبدو شدوا شمالي
لا احد يلوم القلب لامنه ارتاع = يوم شاف منزلهم من الجو خالي
جنبية ٍ بارودهم يوم ينزاع = مثل الغثير اللي تغشوا الجبالي
يتلون ابو رثعاء حما قاصر الباع = في يوم عج للزرايق ظلالي
عشق عشير اللي دليقه يجي باع = شوق الطموح اللي تعاف الرجالي
كم راعي في دقلهم ذب الارواع = شربوه الماء عقب دافي الوشالي
ياللي تسوقون الفناجيل جزاع= لبو حزام عد قبل العيالي
له حربة ٍ تفضى صليبات الادراع = لا كبد راع الدرع مثل النثالي
صفرا الخضاري بينهم مثل فراع= اقفت يباريها سوات العزالي
حجاب عذاب الخيل في كل مقطاع = لا جالها في صحصح ٍ اجتوالي
واوهيط زبن اللي من القين مشكاع= مرذي الردوم اللي زواها الحيالي
ابو نكيفين منى كل من جاع = لاقصرت الاسعار والزاد غالي
عنده عبيل العرب فيه شراع = وصحون بر ٍ تحت حيل ٍ ثقالي
كم شاوي ٍ لا شاف زوله بيرتاع= من ذلة ٍ لا يبعج ام الطفالي
كم سربة ٍ من عزوته راحت انواع = قد هو مضريها بدز الموالي
رفق ٍ مع جال ٍ وقرم ٍ وصعصاع= وعدم ٍ ليا شاف الخطاما يمالي [/poem]

## في القصيدة ذكر العديد من فرسان عبيده ومنهم :
[ ابو رثعاء ] الشيخ الفارس زيد بن سالم بن شفلوت شيخ عبيده.
[عشق ] هو الشيخ الفارس عشق بن زيد بن سالم بن شفوت شيخ عبيده بعد وفاة والده.
[ ابو حزام ، حجاب ، اوهيط ] من فرسان عبيده .
[ ابو نكيفين ] الفارس داهم بن راشد ابو نكيفين .

هذا وتقبل مني فائق الاحترام.

ابا الذموم

صاحب القلم المتميز
والحضور المتألق

إضافة شافية كافية
وتعريف جميل بشينان بن سعيدان

والحقيقة
قبيلة مثل قحطان لا يخلوا كل فرع منها وكل فخذ
من وجود رجال على شاكلة داهم وشينان

لك الشكر الوافي
على الرد الضافي

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود