|
رد : الاد ابـــن سلمـــــــان كاليــــــــــــم لاطـــــــــاش
بديــــت راس القــرن والراس شواش *** والخبـــــت بكــــاني بشيفة هضــابه
يــالله عسى البــراق لا هــــل برشاش *** يـرخي أمزونـــه لين يسقي شعـــابه يكسى ديار الخبت ببســــاط وفــراش *** يروى الشجر والعد يصفى شرابه فيه الخــزامى والنفــل نبت وأعتاش *** غشــــا وشكّله على شكــل غــــابه سج النفس يــــا صاحبي ينعش إنعاش *** في وسط روضٍ يسعد اللي مشـابه ديـــــرة بني عمي عمى عين الاوباش *** أهل القنا والسيف يعرف نصـــــابه لاجــــــــا نهــــــــار فيه تفريع وهواش *** كم احرموا بعض العرب من شبابه الاد ابن سلمـــــــــان ويا لعنبوا اللاش *** ضدى المعـــــــادي لانوى بالحرابه أربع بـــدودٍ تعطي الكــــــاش بالكاش *** صبيهم في الحرب يضرب حســــابه عمـــــــــارنا للخبت تنبـــــــاع ببلاش *** من دون حده مارضينا الغـــــلابه واللي نواه بشر لا عــــــاش لا عاش *** يمــــوت قلبه غل مهمــــا نـــــوابه ذا قول ابن شبله علي عقب ما شاش *** والــذيب يعــــوي لا عوتله ذيـــــابه صح الله لسانك يا ابن شبله واعتلى شانك عز الله انها قصيدة تشوش الراس ولقد احسنت التصوير والتركيب في هذه القصيدة ولايستغرب هذا الابداع من واحد مثلك والنعم والله بك وبصبيان ال سلمان و انا انتظر جديد مثايلك |
| الساعة الآن 06:22 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com