|
رد : قبيلة سنحان في الرياض تكرم الشيخ عبدالله السلاطين
الحمدلله اللي شرفني بان احظر هذا الحفل الكريم ... موقف كبير ورائع ولاهو مستغرب من سنحان .. شرفونا اي والله ياقحطان كافه .. من صغيرها لكبيرها يانعم فيهم كافه ياسنحان والسلاطين خاصة على راسهم الشيخ عبدالله السلاطين موقف رائع ونبيل ويوقف شعر الراس لمن سمع بموقفه الكبير ذا 1- يتنازل عن دم ذابح ولده 2- يشترط ان يرجع لوظيفته اللي ذبح ولده 3- وان يستلم جميع رواتبه يوم كان مسجون 4- يسقط عنه الحق العام اعقبوا ياعرب عقب ذا العمل فيه فيه وراه عمل ؟؟ صدق المقدم اللي قال ... مهوب تنازل لوجه الله اللي يقول انا بعتق رقبة خصمي لوجه الله وعطوني معها 7 شاصات ومليون ريال :) رفع بيرق للسلاطين خاصه ولقحطان كافة في السما طول العمر .... واحب اشكر في هذة المناسبة كل القائمين على الحفل وخاصة شاعر سنحان عبدالرحمن بن قربع على هذا التنظيم الرائع , والذي زانه وجود خيرت ابناء قحطان .. وشرفنا عند الاجناب جعله يحيا ... واحب ان اشكر اخواني محمد القويفل واخوي الغالي مبارك ابو فيصل على التصوير الاكثر من رايع نفداه ساعه وهو واقف :) وشهادتي مجروحه فيه بالتحديد .. وفي انتظار الشاعر الكبير بينا :) |
رد : قبيلة سنحان في الرياض تكرم الشيخ عبدالله السلاطين
بيض الله وجهك
يابو مسفر ويستاهل السلاطين هالتكريم وتقبل تحياتي اخ وك |
رد : قبيلة سنحان في الرياض تكرم الشيخ عبدالله السلاطين
الاخوة الافاضل مبارك بن حاضر ، فهيد النهاري ، محمد القويفل اشكركم جميعا على التغطية الموفقة ونقول بيض الله وجيهكم وتشريفكم حفلنا شرف لنا اما بالنسبة لتكريم ابو عبدالعظيم فهو يستحق أكثر من ذلك وفعله لا يجزا بحفل تكريم او غيره فهو اختار ان يكرم من قبل ربه ان شاء الله تعالى واسأل الله العلي العظيم ان يجعلها في موازين حسناته وان يكون عظة لغيرة والحقيقة انه يستاهل اكثر من التكريم هذا ونشكركم على هذا الثناء ووفقكم الله تعالى الى كل خير |
رد : قبيلة سنحان في الرياض تكرم الشيخ عبدالله السلاطين
بيض اللة وجة عبداللة بن شيحة لاهنتوا يالربع على الموضوع
|
رد : قبيلة سنحان في الرياض تكرم الشيخ عبدالله السلاطين
ونعم ياوجيه عامر ونعم ياسنحان بن عامر ونعم كفيتو قحطان وأكرمتم ابن السلاطين بيض الله وجهه وجه من حظر ومن شارك في هذا الحفل و السلام عليكم ورحمة الله وبركاته
|
رد : قبيلة سنحان في الرياض تكرم الشيخ عبدالله السلاطين
الله يجزاه خير الجزاء ومشكورين ياشباب على التغطيه الطيبه
|
رد : قبيلة سنحان في الرياض تكرم الشيخ عبدالله السلاطين
الله يجزاه الخير ويبيض وجه ولاهي غريبه على سنحان
الله لا يهينك يالقويفل |
رد : قبيلة سنحان في الرياض تكرم الشيخ عبدالله السلاطين
هذه القصيدة مشاركة في حفل قبيلة سنحان لتكريم الشيخ عبدالله بن سالم السنحاني القحطاني بعد أن عفا عن قاتل ابنه في مدينة الرياض [poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] مـن هواجــيس بصــدري هيجت بركاني = حــرّكت بحـــر القصـيد وفجـــرت بـركـانه قمت اعبر يوم طــاروق القــوافي جاني = البحــــر بحــر غـــزيرٍ وان طنخ رُبـــــانه اتخيــر مـن جـــزيل الهـرج في القيفاني = دام طــــاروق القصــــايد فــاتـــح ٍ بيـبانـه ياســــلام الله ســلام يــروي العطشــاني = المحبـــة فـــي قــدومــــه والغلاء عنوانـه للرجـــال اللــي لهــم يوم الملاقى شـاني = هم مقابيـــس الوغــــى لمــا ارتفع دخانه قوم ســنحان العظيـمة ترهـــق القيماني = سعد منهم لأبتــــه لمـــا عصــــوا الـديانـه لابة مـن لابتـي واصــل العـرب قحطاني = كل فعــــلٍ طيــــب حنــــا هلــــه وأركــانـه العبيــدي يفتخر من موقــف الســنحاني = موقـــف صـــعــب ثقيـــل راجــــح ميـزانه والله انه موقــف تـــزمل به الشــجعاني = غيـــر ابن سـالم حسـبها واحتمى ميدانـه يوم جابوا لــه خصيــمه مـا معه عواني = في الصفـــاة امبـــرك معصــــوبةٍ اعيـانـه موقف لو شـافه الصاحي يجــيه أجناني = ســــــاعة يقتـــص راع الــدين مــن ديانه هلل وكبر وجـــازى ســـيته بإحســــاني = واعتـــقه عتـــق تشـــع حـــروفه الرنـانـه أذهل اللي حاضـــر فـي سـاحة الميداني = من عيــــاله ومن بنــي عمـه وكل إخوانه ما أعتقه لجل الريال وجمـــع شـي فاني = اعتـــقه يبـغى الجـــزى مــن ربنا سبحانه ألهـمه ربي الإيمان وطــاعـة الرحـماني = واســتمد العفــو مــن طيـــبه وقـوا إيمانه اشـــهد انه رمز عــز وللكــرم عنــواني = واشـــهد انـه يستـحق من القصيد اسمانه مثل هـــذا ظنتـــي ما جــابوا النســواني = جـــعل يفـــدونه رجـــال للــردى عــــوانـه ما تلعثـم يــوم قــابــل ســيدي ســلماني = في الثــــلاث إلي طلبـــها قــــالها بلسـانـه الوظيــــفة والـــرواتب مــابها نقصــاني = للعســـيري و طـــالبك خـله يــراء شيبانـه أربع أسنين قضـاها من وراء القضباني = لو بقاء عقـــب العفـــو مـاله مكان وخانـه واستجاب اللــي على عِلم العفو شفقاني = الأمير اللــي لـــدرب الخيـــر ربـــي عـانه اشـــهد إن المـدح في عبدالله السـنحاني = واجــــب عنــد الرجــال اللــي لهــم مكانـه والله إن فعــله ينــومس لابتـي قحـطاني = نوم عيني يافتـــى فــي الطيب عــلاّ شانـه أن بغيته في الشجاعه فأطيب الشجعاني = وان بغيـــته فـي المروة يروي الضميانـه كــل بيت ما معه يأهــل الوفـاء سيساني = مســتحيل انــه يقــــوم ويــــرتفع بنيــــانه وكـل رجل ما يرحب لا اقبـلوا الضيفاني = عــزتي له مـــن حيــــاته كـــلها خســرانه من يحــب المــرجله يفتـــح لها البيباني = مثـــل أبو عبـــد العظيم مشــّرع ٍ بيـــبانـه ما نمَــل المــــدح فيـــه ولا يكلْ اللساني = كـــل بيــت للســـنافي زغـــــردت قيـفــانه الصعيبــة للرجــــال اللــي تسـد الشـاني = والــوفي ما ينقصــر دون الهــدف نيشانه دام لي قوم عزيزة وعــزوتي مهــــداني = فبيـــض الله وجــــهه رجـال حمــى ميدانه واختم أبيــات القصيــدة واطلب المنـاني = انــه يجــــنب بلـــــدنا عـــــالم فســــقــانه ويا صلاة الله علــى المبعــوث بالقـرآني = الرسول اللــي دعــى الأمـــة لخير أديـانه[/poem] الشاعر سعيد بن فالح المهداني 7/5/1428هـ |
رد : قبيلة سنحان في الرياض تكرم الشيخ عبدالله السلاطين
بيض الله وجهك يالقويفل
وننتظر المزيد |
رد : قبيلة سنحان في الرياض تكرم الشيخ عبدالله السلاطين
«®°·.¸.•°°·.¸¸.•°°·.¸.•°®»بيض الله وجهك يابو فالح ولاهنت وانت وافي والقصيدة وافية وتشريفك حفلنا شرف لنا ويستاهل ابو عبدالعظيم«®°·.¸.•°°·.¸¸.•°°·.¸.•°®» |
| الساعة الآن 11:49 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com