|
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
هذه هي القصيدة
ولدت ساطي ومتغطرس وأحب الخصام ============ ولا أعترف في إدارة طبع والا مدير أوجدت نفسي من اللاشي والانعدام ============ نبذت فالمجتمع لاني صريح وفقير ماكان تفكيري الا كيف أخطف السنام ============ والحمد لله خطفت اليوم كل البعير إن لم يكن مركزي بالصف الاول أمام ============ ماعاد تفرق معي لو كنت قبل الاخير الله أكبر ولله البقاء والداوم ============ وهو الاله الاحدوهو السميع البصير أخذت من مدرسة أحمد عليه السلام ============ مالاخذيته من مخاوى وزير وامير وأخذت من تجربة عبدالعزيز الامام ============ وش يصنع العلم لاخاواه سيف شطير واخذت من فلسفة هتلرعدم اللالتزام ============ وكسبت نفسي وريحت القلق والضمير وابشرك حالتي دايم على مايرام ============ من ركعتين الفجر الين بعد الاخير صحيح عندي تحفظ على بعض الانام ============ مثل معمر وابو مازن وتوني بلير لكن انا مااحب اقلل الاحترام ============ واذهب ضحية طموح الغرب وانا صغير قومية المسلمين اللي عليها الكلام ============ راحت معا خالد وعمرو وعلي والزبير الله ولا ذل والتخوين والانهزام ============ ياعابدين العروش الوضع جدا خطير يابو خلف كيف حالك عل حالك تمام ============ انسى القصيدة وهات علوم اخوي الكبير شيخ عرفته وتقريبا لي اربع اعوام ============ يومني اجيه لا جاير ولا مستجير يشوقني له نشوق الوسم عقب الحيام ============ في صفرة جوها ماهو بفية هدير الشيخ ابو خالد محمد عداه الملام ============ اللي يصير من الاصرارمالايصير حد الثماله اعزه لاعلي الحرام ============ اني احبه وحبٍ لودرابه يطير يطير مثل الوحش لاضف ريشه وحام ============ وحول على الذايره بالجو مثل المغير ان الملوك اذا اعطوك حب وغرام ============ خلوك من سائر الخدام يعني خفير الا انت ياراعي التقدير والاهتمام ============ ياللي رحمت الصغير وشلت هم الكسير اذا البلاط الامير والكنب والرخام ============ له شاعر يدهله في صبح والا عصير فانادهلت الثرياوالقمر والغمام ============ وحولت اداهم طرف مشلحك مالي خشير كفرت بالناقصه والغدر والانتقام ============ وامنت باانك حزامي بالنهار العسير من لايقدر ثباتك مع عكاك الزحام ============ ماهوبوالله مقدر ويش معاني جرير يارا س عيطا يمسك البدء قبل الختام ============ يالنادر اللي على صيد المكارم شهير يالمهدي المنتظر بالحاجتين الجسام ============ المدة المسكته والاخذ بيد الضرير ياسيدي ودي افهق لك ضلوع العظام ============ واعطيك شي بصدري وانت رجل خبير اناتراني اعاني نوب من انفصام ============ يوثرعلى البرمجة في راسي المستدير واصير احس اني البارود والا الحسام ============ في ساحة الشعر من تبوك لاقصى عسير ممايسبب لبعض اعدائي الاحتدام ============ اللي يحسبون قرض الشعر مثل الشعير والشعر وان كانه المقصودباول مقام ============ فالله يرحم ابو الطيب ويرحم زهير روح التنافس وحب الشيخ والانضمام ============ ماهي بتعني لدى الكثرة نهاية مصير والشاعر اللي معه عزوة خوال وعمام ============ تفداه وايل وترقب مستعدة مطير والله فلا ينقهروالا يضيق ويضام ============ لاجاء اللززوالملاقى والقبس والنذير وجمع الدراهم ماهي باكبر طموح الغلام ============ اللي جمع من قلوب الناس شي كثير من حبني رغم تفويتي له الانخدام ============ واللي كرهني فهذا شخص ملعون صير دام المعارك صغيره ماعلينا لزام ============ ينوب عن سيفي البتار اصغرجفير قرات فيماقراته من بلوغ المرام ============ اللي ترك شي لله عاضه الله بخير أرعص هنا صوت فقط |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
القصيـــــــــــــــــــــــــــــــــــــــــدة الراحلة الموصوفة بقصيدة الطرارة
من خلال معرفتي بالشعر جيداً ومعرفتي بكثير من الشعراء ساتحدث قليلاً عن شعر ياسر التويجر الذي كثر الحديث عنه في الساحة هذه الايام بعد المشاركة في شاعر المليون ..... ياسر شاعر له قصائدكثيرة بها ركاكه واضحه وفي الحقيقة هو يجيد رفع اليد والحماس في اسلوب الالقاء ويهتم بالوزن والقافية .. ويغفل عن المعنى .. فالبناء والتسلسل في القصيده معدوم وبعض القصائد متناقضه في ابياتها........ عند سماعك لأي قصيده له بصوته في المره الاولى قد تنشد لها ولكن عند التكرار والتدقيق تجدها متفككه ضعيفه الاركان ... ولو قرأت قصيده له قراءه دون ان تسمعها لوجدت انها لا تستحق حتى التصفيق ... .. هو في انسحابه كان ذكي جداً لانه لا يريد ان يقلل من الجماهيرية التي حصل عليها لان اللجنه سوف تقول الرأي الحقيقي وقد لا يفوز بالمركز الاول او قد لا يتجاوز المرحله ويخرج من المجموعه التي هو فيها فيصبح موقفه مخجل او قد تفند اللجنه قصيدته وتبين الخلل فيها و ويظهر للجميع ظعف القصيده لن اطيل الحديث وسأستشهد بقصيدته في شاعر المليون لتكون هي المثل للمتناقضات .. يقول ياسر في مطلع قصيدته ولدت ساطي ومتغطرس وأحب الخصام ============ ولا أعترف في إدارة طبع والا مدير أوجدت نفسي من اللاشي والانعدام ============ نبذت فالمجتمع لاني صريح وفقير لا اعرف كيف ولد ساطي و متغطرس ثم اوجد نفسه في الشطر الثاني من من اللاشي فالذي يولد ساطي يكون شي قبل اللاشي .. ولن اقف عند حديثه عن نبذه من المجتمع . ويقول أخذت من مدرسة أحمد عليه السلام ============ ما لا خذيته م ن مخاوى وزير وأمير وأخذت من تجربة عبدالعزيز الامام ============ وش يصنع العلم لا خاواه سيف شطير واخذت من فلسفة هتلرعدم اللالتزام ============ وكسبت نفسي وريحت القلق والضمير وهذا شتم للوزراء والامراء بما فيهم الشيخ الجالس امامه معنى ان الوزير والامير لا يحلا بأخلاق احمد عليه السلام .. ثم ينتقل الى الملك عبد العزيز ويليه هتلر .. فكيف يصف الني عليه السلام وبعد الملك عبدالعزيز وبعدهم هتلر ..... اذا اخذت من هتلر عدم الالتزام و هو اكيد عدم التزام بوعد ونظام وغيره فماذا اخذت من مدرسة احمد عليه السلام .. وهذا تناقض يكسر جزالة القصيدة يقول ايضاً صحيح عندي تحفظ على بعض الأنام ============ مثل معمر وابو مازن وتوني بلير لكن انا ما احب اقلل الاحترام ============ واذ هب ضحية طموح الغرب وانا صغير قومية المسلمين اللي عليها الكلام ============ راحت معا خالد وعمرو وعلي والزبير الله ولا ذل والتخوين والانهزام ============ ياعابدين العروش الوضع جدا خطير عنده تحفظ ولا يحب تقليل الاحترام ويخاف يكون ضحية لطموح الغرب .. ولا شك ان شتم الامير وهو ا مامه بقوله ان قوميه المسلمين راحت وهذا الامير ولي العهد يسمع .. ولا اعرف من يقصد بعابدين العروش .. من اي حكام .. حد الثماله اعزه لا علي الحرام ============ اني احبه وحبٍ لودرابه يطير عليه الحرام من ايش وهو يقول اسمحو لي بتزوج اي انه غير متزوج ...... وعندما يقول لامير مثل محمد بن زايد فهو قلل من حجمه وشتمه ولم يمدحه .. واستدرك معتقداً المديح يطير مثل الوحش لاضف ريشه وحام ============ وحول على الذايره بالجو مثل المغير كيف يحول في الجو والذايرة هل هي خصم قوي ام هي عصفور صغير او حمامه خال الفيصل يقول .. :: ثم جاب صقوركم مثل الحمام << وهنا يكون فرق بين الجزالة نعود للمدح شتم العرب والعروبة والامير عربي ويمثل منصب قيادي في دولته وهو الامير الممدوح في القصيدة .. ثم يقول ياسر شيخ عرفته وتقريبا لي اربع اعوام ============ يومني اجيه لا جاير ولا مستجير الى من لايقدر ثباتك مع عكاك الزحام ============ ماهوب والله مقدر ويش معاني جرير تقريبا عرفته من اربع اعوام وياتيه لا جاير ولا مستجير ليش تجي وهل هذا مدح ام كنت تأتي مسير يعني صداقة فهنا يكون الامر مختلف قبل اربع اعوام لا تعرفه اذا اتيت لحاجه هنا تناقض .. ثم ثبات مع عكاك الزحام هل يقصد عند موت والده او ماذا يعني بالزحام الذي ثبت فيه الامير وما معنى ماهو مقدر وش معاني جرير الحقيقة بيت للقافية فقط وليس له معنى .. جرير شاعر ولكن معانية وش علاقتها .. يقول ياراس عيطا يمسك البدء قبل الختام ============ يالنادر اللي على صيد المكارم شهير مسك البدء قبل الختام ....... وما هو الجديد :: لو قال .. يا مسك البدء ويا الختام .. لكنت افضل اي مسك الوقت كله.. اما البدء قبل فهذا شي طبيعي كل شي بدأ وختام .. لماذا يكون مسك ختام او مسك بدأ والشعر وان كانه المقصود باول مقام ============ فالله يرحم ابو الطيب ويرحم زهير روح التنافس وحب الشيخ والانضمام ============ ماهي بتع ني لدى الكثرة نهاية مصير هذا تقليل من حجم البرنامج وحجم الشيخ وانها لا تعني نهاية العالم وانه نهاية مصير الانسان و ماذا يعني اعتقد انه كان يعني شي آخر لكن لم يوفق في الوصف او انها جت كذا على قوله بعض الشعار .. من حبني رغم تفويتي له الانخدام ============ واللي كرهني فهذا شخص ملعون صير وشو ... الانخدام ......و هل حمد السعيد هو المقصود في كرهني ا و يجب على كل الناس ان تحبك او سيصبحون ملعونين ... . وختم بقوله قرات فيما قراته من بلوغ المرام ============ اللي ترك شي لله عاضه الله بخير هل يقال من بلوغ المرام او في بلوغ المرام .. فيقول : قرأت م ما قرأته في بلوغ المرام . بكذا تكون اصح .. في الشطر الثاني ليس واضح ما يقصد في هذه الخاتمه هل يقصد ان تركه للبرنامج لله او ما هو الشي المقصود .. و بقول اني سأتزوج .. اسمحو لي فقد كتبت هذا الموضوع على عجل ولو لدي وقت في التدقيق لوجدنا كل بيت يفسد بيت آخر ويلغيه منقوـــــــــــــــــــــــــــــــل مع اطيب تحياتي |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
بيض الله وجيهكم على هذا النقل
والشاعر انا اشهد ان امه جابت ولد شاعر كبير صحيح ان فيه بعض الغطرسه ولكنها طبعه |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
يا شباب
الله يهديكم وش فيكم شابين على التويجري بصراحة هو شاعر ومتمكن ليش تتضايقون من هذا الأمر خلوونا حياديين ولا عشانه قال ان الجنوب ما فيه شعار يا أخوان التويجري شاعر طبعه كذا وكلن وطبعه تفاعل معه اللي تفاعل وتضايق منه اللي تضايق وفي النهاية الناس ما هم سوى كلن وله ذووقه ولكم تحياتي وتقديري |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
اقتباس:
لومقياس الشعر عندك يامخاوي الذيب بالصياح فثلاثة أرباع حريم الجزيرة شعار هذا شاعر وزن وقافية أما قصيدته ذي مادرينا هو يسب وإلا يمدح رااااااااااااااااااااااااااااااااااااااااااااااااا ااااااااااااااااااااااااااااجع قراااااااااااااااااااااااااااااااااااااااااااااااا اااارك وأنت مخاوي ذيب ماإإإإإإإإإإإإإإإإإإإإإإإإإإإإإإإنت بذيــــــــــــــــــــــــــــــــب |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
الأخ / حرقي العرين بيض الله وجهك أنا أشهدأنك صدقت
الأخ / مخاوي الذيب والله ما أحد متضايق منه وكلامه أن ما في الجنوب شعار مردود عليه والساحه الشعريه تشهد على ذلك أما من ناحية شاعريته راجع رد حرقي العرين وانت تتأكد |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
اقتباس:
|
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
انا اشوف ان الجميع يجهل طبيعة بدو القصيم او اهل قرى القصيم بالأصح وطبيعتهم وعاداتهم واللي احتك فيهم من قبل مايستغرب من الشاعر التويجري طبيعته ومواقفه وتصرفاته ومع احترامي الشديد جدا لأخوانا في كل شبر من ارض المملكة والخليج لكن لطل شخص طبع وابو طبيع مايخلي طبعه
اللي يتعاطف مع الشاعر انا اشوف انه مايفهم في الشعر وانا ماشفت المواقف في المسرح بس والله خجلنا وفشلنا بتصرفاته اولا كسعوديين وكعرب ومهما بلغ الموقف فهو يقول انه يعرف الشيخ محمد ليش مايطلبه او يشحت عنده بطريقة الخاصه مافهمت كيف يكذب وتصدقونه ليش يحرج الشيخ بهذه الطريقة وهو يعرف انه على الهواء مباشرة تحياتي خاصة للي يحترم نفسه ويعز هله مهما كان تحياتي لكم جميع |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
نسيت اقول لكم زمان يوم ماكنت اعرف بريدة وعنيزة والله كنت احسب ان فيها ناطحات سحاب وكنت احسب ان نادي الرائد ريال مدريد والتعاون برشلونه والنجمه مانشستر من سوالف زملائنا في الجامعه عن بريدة وعنيزة واللي يسمع ضرابهم وصراخهم وقت مباريات التعاون والرائد يتمنى بس متى تسمح ظروفه ويزور هذه المنطقه الاوروبية وسط السعودية بس تفجأت بعد زيارتها وعرفت ايش السالفه ....................احترم بشدة جدا اهل العقول الراكدة في اي مكان واحبهم
ونقول للتويجري واللي على شكله المهايط من لاشيء ينقلب عكسه تماما تحياتي ثالث مرة |
رد : فيــديـو لمفاجاة ياسر التويجري في قصيدته ببرنامج شاعر المليون حصريا لمنتدانا الغالي
بيض الله وجهك وياسر مافيه كلام
|
| الساعة الآن 05:18 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com