المشاركة الأصلية كتبت بواسطة سحمي الهاجري

بسم الله الرحمن الرحيم

أخوانــي أهــل شبكة قحطان الأعــزاء

أطرح إليكم هذه القصيده عسى أن تحوز على إعجابكم




إليــــــــكم الأبيـــــــات
[poem=font="Arial,6,blue,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسم الولي سبحانه القاف باديه=لاخاب عبداً ذكر مولاه مبداه
الواحد اللي كل ماوحيت داعيه=يامرحباً ياداعي الله والله
أبديّ له الترحيب وأقوم ألبيه=وأدعي عساني دايماً كاسب أرضاه
يالله ياعالم بصدري وخافيه=يامعرجاً عبدك وعالم بمسراه
يامرسلاً رسلك وجبريل موحيه=يامفضل أبراهيم والميت أحياه
يالله حسن الخاتمه منك راجيه=وأسئلك عفوك والعفو والمعافاه
الوقت يمضي والعمر فات ماضيه=والقلب عاش وشاف فالوقت ممضاه
ياعيالي الوقت أن غدى فيه مافيه=القلب مايعطى على كيف مشهاه
القلب لو يعطى على كيفه يتيه=ون تاه ماتنفع حسايف وويلاه
القلب حراً معتلي كفّ راعيه=يطلق أسبوقه في هداده ومدعاه
والحر شرواكم لشاره أتكفيه=والذيب لامنه قنب يرفع أعواه
يقنب ويرهب كل منهم حواليه=قنيب ذيباً والذيابه توحّاه
والذيب ماهرول عبث منه ويليه=أماحداً موذيه ولا لمغزاه
والذيب مايلدغ بجحره وياتيه=حتى ولوهو كان بيته وماواه
والذيب لمعشاه يبعد حراويه=يبطي الثعل مايوم سوى سواياه
يعيال في لمثال حكمه وتوجيه=كم غافلاً ذرب التماثيل صحّاه
هذا كلام القلب يعيال ناقيه=وأخذو كلام القلب وأدرو وش أحكاه
الكفّ وحده صفقها ماتسويه=والعود برى حزمته قد كسرناه
وأليا غديتو كل منكم بواديه=متفرقين وكل واحد بدنياه
يلقى معاديكم فرص في مغازيه=من بينكم يلقى مغازي معشّاه
وأليا غديتو كل منكم معآ خيه=متماسكاً بيده يمينه بيمناه
يبطي معاديكم يقلب بياديه=ويموت غلاًّ مالقى ماتمناه
والرايّ دايم شاورو بعضكم فيه=لايفرض أحداً راي لوهو تشاواه
ياعيالي أخذو من قصيدي معانيه=لاتحفضون القاف من دون معناه
والكل منكم يعتبرني موصيه=من دون ماخصّ القصيده موصّاه
أول وصيه طاعت العبد وآليه=ياويل عبداً كاسباً بغض مولاه
والعبد محداً غير ربه أمسويه=من نطفتاً أمشاج مولاه سواه
والروح من رابع شهر تنفّخّفيه=بأمر الله اللي حدد أجله وسمّاه
ثاني وصيه طاعت العبد أهآليه=بعد الرسول اللي بهاليه وصّاه
أمه ثم أمه ثماً أمه ثم آبيه=حديث من مبعوثنا اللي تبعناه
والثالثه يالعبد شف من تماشيه=وأختر صحيباً يرفع الراس ممشاه
وليا بغيت أفلان شف من يخاويه=ناضر جليسه وتعرف من تمناه
لاتصحب اللي فرض ربي مخليه=خله ولوهو من أقرب القوم وأدناه
وختر صحيباً فرض ربي مصليه=حتى ولوهو من أبعد القوم وأقصاه
والرابعه ربعه حزامه عزاويه=همّ لابته عزه همّ الصيت والجاه
والخامسه أصلاب سلسه عوانيه=سيفاً ودرعاً من قسى الوقت يحماه
والسادسه للسدّ ناساً تداريه= ماكل من بييح له السدّ داراه
أحداً كتوماً سدّ الجواد مخفيه=وأحداً هذوراً لو قضب سدّ فشّاه
ون جاك منهو يسبق اللسانه أذنيه=لاتستمع هرجه وتنشد وش أدراه
أليا نشدته شهدك في حكاويه=يشهدك في علمه اللي لك أنشاه
والسابعه سبه أنطباعات تشويه=سبعاً مخّلآتاً وسبعاً مخلاه
سبع الفواسق وارداً فيه تنبيه=والموبقات السبع فالدين منهاه
والثامنه ثمنّ كلاماً تجي فيه=من لا يثمّن هرجه الناس تجفاه
الهرج مايرمى سوآ في مراميه=مثل النصع نيشان للهرج مرماه
والتاسعه لاتستمع نمّّ منميه=هرج النميمه والقفى عيب مقناه
والعاشره في عشرتك من تصافيه=لابدلك من يوم تبلآ بفرقاه
والغالي اللي بالغالى حيل تغليه=أطلب له الله بعد فرقاه رحماه
أما خذاه الوقت ولا يوديه=ولآ خذاه الموت عنك مفاجاه
والعمر بيد اللي لك العمر معطيه=والله ماتدري متى الموت تلقاه
يالله حسن الخاتمه منك راجيه=وأسئلك عفوك والعفو والمعافاه[/poem]

المشاركة الأصلية كتبت بواسطة عامر الكدادي (المشاركة 208700)

سحمي الهاجري


صح لسانكــ وقلبكــ وكلكـــ


جزله من شاعر جزل


بيض الله وجهك على الرائعه