المشاركة الأصلية كتبت بواسطة مشاري بن نملان الحبابي (المشاركة 503503)

أرحب ملايين يا بو علي ...


الله يبقيك وانت اللي ارررحب

ونشكر الأخ العزيز أبو جابر البشري على إعادة مثل هذي المواضيع ...

يستاهل الشكر بعد الله


الله جابك يا عبدالوهاب ...

ندور لك من أول ...

ههههههههههههههههههه

ههههههههههه


س/ ماذا تعني لك شبكة قحطان ؟

بيتي الثاني على الشبكه العنكبوتيه


س/ كم تقضي ساعة في اليوم على الانترنت ؟

في اي وقت فضاوه


س/ ما هي خطتك المعتمدة لقضاء الصيفية ؟

في ذي الجامعه وفي رمضان ان شالله في رجال مواعدنا برحلة طيبه :cool:


س/ هل تفضل قضاء إجازة الصيف في الجنوب أم في الشرقية ؟

الجنوب زين لاقد به فضاوه


وازين من الشرقيه


س / بعد التخرج بإذن الله .. ما هي الوظيفة التي ترغب بالعمل فيها ؟

اي وظيفه احس اني بعد ذا التعب اثمر معي شي


هذا والسلام

المشاركة الأصلية كتبت بواسطة عبدالرحمن المشجري (المشاركة 503845)

اذا اين تذهب اذا انت تبغض الاسواق؟؟


يا مرحبا

والله يا طويل العمر في اوقات الجو الزين للبر

ان كان به اجازه طويله صوب الشمال ولا الصمان


اما لاقد ما به اجازه حولنا على خط الرياض ولا على خط ابو حدريه

اما في الجو اللي زي الحين

ابد من البيت لي الجامعه ولا نسير على رجال شرواك

اما في الإجازات على حسب الدراهم :) :)


وش هو بيتك الاول على الشبكه العنكبوتيه؟؟


انا اقصد ان لي بيتين الأول بيتي اللي انا ساكن فيه اللي انا قاعد اكلمك منه اللي في الدمام هههههههههههه


والثاني في النت وهو مجالس قحطان

ــــــــــــــــــــــــــــــــــــــــ

اسئلتي:

س1/ اختار عضو يكون مشرف؟<<اذا بتجاملني وتقول انت اختار واحد ثاني معي

س2/ هل زياده الوزن سبب لمشاكل صحيه لديك؟<<الله يعطيك العافيه


جـ1 والله اشوف ابو راكان تركي السنحاني


جـ2 الا الآن لا ولله الحمد

لاكن الله يستر

وهو معروف ان لم يكون هناك حميه وتخفيف وزن سيكون هناك امراض الله لا يقدر


تحياتي لك<<ارجو اني لم احرجك بالاسئله
اخوكـ/ عبدالرحمن بن عادل

المشاركة الأصلية كتبت بواسطة العبدي (المشاركة 504392)

:) هلا يا بو علي

ونبدأ الأسئلة وان شاء الله ما فيها تكرار


ارحب ارحب والله يحييك

****

وش رايك في خروج القرقاح من مسابقة شاعر المعنى ذا الليل ؟؟وويش شعروك اوّل ما شفت النتيجة ؟؟:mad:


رايي قد قاله خالي حسين اول ما شارك القرقاح


لاكن وش نسويي


وقحطان عليهم نسبه من الذنب


لانهم كا ن بيديهم انهم يخلووونه اعلى نسبة تصويت ولا وش القبايل اللي تأهلت قدام قحطان ولا شي


لاكن نلقي اللوم على البرنامج


والبرنامج اصلاً حنا دارين انه مااادي بحت


لاكن لا طلع القرقاح قلنا انه مااادي وانهم كذابين وحراميه

عقب ايش

لاكن ان شالله ان هناك من يمثل قحطان خير تمثيل ولاهم بمقصرين

وهمتكم يا قحطان معهم

خلنا نقبعها بين الادارة وبينك :)

وش رايك في هذا الغياب من الاخو وليد القويفل (( فارس قحطان )) ؟؟


غيابه ان شالله انه مؤقت لضروفه الخاصه


اون شالله انه بيرجع

وهو فقيده على المنتدى

لاكن الربع اللي موجودين يسدون اللزوم وفيهم البركه


وهل أنت مطّلع على مجلس الاقتراحات والشكاوي ؟؟

نعم, لاكن ما أرد الا على اللي انا على درايه بمشكلته او اقدر اساعده


وبصراحة من اكثر الاعضاء مشاركات في مجلس الشكاوي والاقتراحات ؟؟ (( لا تقول انا تكفى ))


ما فيه احد محدد


ركّز معي الحين

نفترض انّك زاير للشّبكة وغير مسجّل

لو كان هناك مجلس بيجذبك للتسجيل في الشبكة وش هو ؟

مجلس الإتصالات هع هع هع

والله ياخوك المجالس كلها منتازه


لاكن كطبيعتي انا الشخصيه


اللي بيجذبني المجالس الأدبيه


شفنا المواضيع المكرّرة قلّت في المنتدى فمن برأيك له الفضل ؟؟


بفضل المشرفين والمراقبين والأعضاء اللي فهمو كيفية وضع المواضيع


هل أنت مسجّل في خدمة جوّال قحطان ؟؟ وان كنت مسجّل فــ كيف تشوفها ؟؟

انا من اعاد اقتراحها للإداره


لاكن فجأه طلعت والحمدلله

ولانيب مسجل فيها لأأن جوالي من شركة موبايلي للأسف


*******
وش رايك في المقهى ؟؟ ما تشوف ان الدّعوى سلام ورديّة ؟؟ ولو توافقني الراي فـ ايش يمكن تكون مقترحاتك ؟؟

الله يديم السلام ان شالله


وش بغيته يالعبدي هع هع هع


من من الاعضاء تحس انّه قل في مشاركاته وتواجده ومواضيعه ؟؟

كثير ,,, منهم انت و محمد آل غانم ,,, ومنهم من لم يحضرني اسمه الأن


ومن يعجبك من الاعضاء في المواضيع ؟؟

ماجد الخليفي

وناشر آل مخثله و ابو جابر


والردوود ؟؟


الكثير تقريباً كل الأعضاء

والاسم (( النّك نيم )) ؟؟

ما أتذكر نيك نيم مسجل معنا


والتّصميم ؟؟


تركي السنحاني


******

خلنا ندخل في الأمور الشخصيّة شوي ,

ما هو أفضل مطعم في الشّارع التجاري اللي بمخطّط واحد وتسعين ( الكاتم , السانية وووو)؟؟


مانيب راعي مطاعم لاكن افضلها شواية الخليج هع هع هع


من هو اكثر الاعضاء تشوفه في المعارض :) ؟ (( لا تقول تركي )) ؟:confused:


ياخوي وش يالفة المعارض

يالربع تراني ما اروح المعارض الا في السنه حسنه


تركي يمكن لأنه يبيع ويشتري لاكن انا وش دخلني :017: :017:


طموحك في الحياة وشهو ؟؟

سبق وان تم الذكر


وويش رايك في الواجهة الجديدة بالخبر ؟؟ وويش رايك بالتجمّعات الشبابيّة هناك؟؟


الجديده قصدك بالدمام

وجاك اللي قد راح لها


عبدالوهاب , وش رايك في محطّة العابسي اللي في طريب ؟؟:) >>>شدخّل


والله من الطمير لاكن نجاوبك

المحطه اول ما فتحت هي والثلاجه التابعه لها وبنك الراجحي فادت هل طريب وخاصة الشيبان من المسناد كل شوي للخميس


لاكن الحين صار فيها تجمعات للشباب غير طبيعيه

واكثر مشاكل طريب من رمي وخبط ومخباط يتم في تلك البقعه


هل بتسافر السنة هذي ؟؟ وين ؟؟

ان شالله بعد الصيفي برى المملكه


وش الشريط اللي تتسمعه وانت في الخط ؟؟

اي شي طبعاً قصيد وخاصة المحاوره


******

الأعضاء



وش رايك بالعضو التالي

ابو عصام ؟؟

ابو عصام اسعد الله اني خويه في رحلاته ههههههههه


عضو نشيط واستاذ لنا جميعاً


هبشان ؟؟

الله يعطيه العافيه عضو خلوق

ويحب النفعه


مشاري ؟؟

ما شالله تبارك الله عضو نشيط

ومميز في مواضيعه وردوده


حمد القحطاني ؟؟

عضو خلوق ومميز


حسين ال حمدان ؟؟


تاج على راسي

ولا لي كلام على خالي

المراقبين >>>>>>>>>>>>>>>>>الظاهر انك تخلط بين المراقبين والمشرفين


وش رايك بالمراقب التالي

ابن عياف ؟؟


سعد القحطاني ؟؟



شامان العاطفي ؟؟

ابن خضير ؟؟

عبدالله بن غفرة ؟؟

ابو جابر ؟؟


اخوي العبدي اللي ذكرتهم كلهم اكبر مني سن وقدر

وصعبه وانا اخوك اعطي رأيي فيهم

لاكن كلهم من الأخوان اللي اعتز بمعرفتهم





هل هناك توتّر بين عبدالوهاب واحد الاعضاء في العلاقة ؟؟ ومنهو هذا العضو ؟؟


لا ولله الحمد



*****

في الختام , لا يسعني الا ان اشكرك

واتمنّى لك التوفيق

و

تحيّاتي

المشاركة الأصلية كتبت بواسطة عبدالرحمن المشجري (المشاركة 504661)

والله يا ابوعلي اني مدري

المهم كيف حـــــــــــــــــالكـ؟؟



تــ ح ـــياتيـ

المشاركة الأصلية كتبت بواسطة العريفي الخالدي (المشاركة 504780)

هلاااااااااااا والله وغلااااااااااااا بمشرفنا الغالي والعزيز علي شخصياأبو علي


المهلي ما يولي وارررررحب تيريليووون


يعطيك ربي ألف عافية ياأبو جابر

وعرفت من تختار

يستاهل ابو جابر

وأبو علي مشرف يخليك غصب تتابع ردوده الرايقة

الله يطول عمرك ولا نجي الا من بعدك

نبدا نخرفك

هههههههههههههههه

س1 / تشجع أي فريق (سعودي - أجنبي)؟

اجنبي وهو برشلونه الكاتلوني

س2 / لو اخوك أو صديقك يبي يشتري سيارة أي سياره تنصحه فيها؟

تيوتا بشكل عام

س3 /شبكة قحطان الشبكة الأولى في النشاط من بين شبكات القبائل الأخرى ..أين السر ؟وماذا يعني لك ازدياد تواجد

الأعضاء من القبائل الاخرى ؟

الحمدلله هذا والله شي يزيد في الرووح

وكل القبايل لهم مواقعهم الزاهره

لاكن الحمدلله شبكة قحطان مميزه بأعضاها والإداريين اللي كلهم على خلق رجل واااحد

وكل منهم يريد اي شي لتطوير الشبكه

سواءً من ردود او مواضيع او اقتراحات


وبالنسبه لضيوفنا من القبائل الأخرى اللي منهم انت

هذا والله شي يرفع الراااس وانتو تزيدونا تشريف

ولا نعتبركم الا اخووان لنا


وهذي محلاتكم تمونون فيها وتدعون اللي تبووون

س4 / بما انك من هواه البر هل أنت من أكلي لحوم الأرانب - الضبان - الجرابيع ؟؟

الحمدلله قد كليتها كلها لاكن اكثرها الجرابيع والأرانب


اما الضباان خليناها للحادي

والله ما هيب شينه

س5 / الرجال شخصياتهم مختلفة .. أي الشخصيات تجذبك؟؟

الدندون

وآآآآآآآسف دبلنا تسبدك بالأسئلة لكن نستغل تواجدك ونبغى نسفيد منك ياأبو علي

المشاركة الأصلية كتبت بواسطة ابن مبارك البشري (المشاركة 505414)

السلام عليكم ورحمة الله

وعليكم السلام اررررررحب يا رجال

وشحالك يالمشجري اوه آسف اقصد ياعبدالوهاب من كثر ردودك يالمشجري ظيعت ههههههه

هههههههههههههههههه



عبدالوهاب

هلا



س/ كم مره تروح المعارض ومعا من من الاعضاء ؟

ههههههههههههههههههههههههههههههه


بعد انت مانيب راااد عليك لأني قد رديت


واكثر من رحت معه المعاارض انت يووم تشتري الكــ



ترا ماهو بذا السؤال


السؤال وش بلا الشباب يقولون انك تروح المعارض




وانا اكثر الاعضاء ملازمة لك


ماخبرت انك تروح المعارض

فااهمين غلط خخخخخخخخخخخ



س2/ ايش اسواء قرار اتخذته في حياتك؟

اني ما نزلت ما دة الخرسانه في الصيف اللي راااح


هههههههههههههه

بيني وبينك وااااااااجد



س3/ايش احسن قرار اتخذته في حياتك؟

كثير يابو محمد


س4/ماهي السلبيات الي تراها في نفسك؟

والله يابو محمد موهب انا اللي احكم على عمري

الناس اللي يعرفون سلبيااتي


ولابه حد الا وفيه سلبيااات


س5/مارقم جوالك لكي تسمح للاعضاء الاتصال بك وتعارف اكثر؟

0555878664

وانا سعيد بمن يتصل علي من اخواااني


س6/ اذا يوجد اعضاء يتواصلون معك عن طريق المسنجر؟كم واحد معطيه بلوك؟ ولماذ ان وجد؟

الحمدلله كثير

ما فهمت بلووك وش تقصد تراني غشيم بالمسنجر



س7/ ايش رايك في الاسئله؟هههههههههه

الله يعطيك العافيه




الله يسعدك جاوب بكل صدق


كن صادق ولو مره في العمر ههههههههههههههههههه

لاااازم يعني

المشكله اني ما قريت امرك ذا الا في الأخير ولافيني من رااح يعدل



وسلامتك

المشاركة الأصلية كتبت بواسطة عبدالله الوهابي (المشاركة 505477)

المشاركة الأصلية كتبت بواسطة عبدالرحمن المشجري (المشاركة 505628)

خخخخخخخخخخخخخخخخخخ <<< من حبنا للمشرف الرائع عبدالوهاب الراضي

المشاركة الأصلية كتبت بواسطة منصور العبدالله (المشاركة 505863)

السلام عليكم ورحمه الله


اخوي عبدالوهاب


وراك شطفت ابو عساف ولا رديت عليه


والله بحق


( بورطك )

بصراحه اجمل ضيف على هذا الكرسي وهانت يابو علي باقي شهر ونفكك من الكرسي...شد حيلك

المشاركة الأصلية كتبت بواسطة عبدالوهاب آل راضي (المشاركة 505742)

اررررررحب يابو ممد

والله يحييك ملاايين

شرفتني بمرورك العاااطر




اسألك بالله يابو محمد وتجاوبني بصدق


كم جلست تكتب ذا الرد

هههههههههههههههه

المشاركة الأصلية كتبت بواسطة خالد العلياني (المشاركة 505646)

السلام عليكم ورحمة الله وبركاته.

وعليكم السلام ورحمة الله وبركاته

واررررررررحب يا ذيباان اررررحب


الاخ المشرف ..عبدالوهاب ال راضي
اسعد الله مساءك وصباحك بكل خير .. حقيقة سعيد بتواجدي هنا لأطرح عليك مافي جعبتي من سؤال
والحقيقه الاخوان ماقصروا فيك واستمتعت بتلك الصفحات السابقه بما ورد فيها من أسئله وردود

منور الكرسي يابو علي وعليك بالتسلح بالصبر :) \\\

هههههههههههههههه

الله يخارجنا


نبدا معك بالاسئله اذا سمحت :


تفظل <<<<<< مسوي مقابله


][®][^][®][محطة المنتدى][®][^][®][


اذكر الإيجابيات والسلبيات التي رأيتها من وجهة نظرك في المنتدى بشكل عام ؟

والله ياخوك ما فيه منتدى الا وتلقى فيه هذي النوعين

لاكن لعل منتدى قحطان غلبت ايجابياته على سلبياته ولله الحمد

الأخوان تشوهم على قلب وااحد مواضيع مترابطه ردود متزنه وهادفه

لايوجد بيننا حزازيات ولا يوجد بيننا ضعيف نفس

ولو قدر الله ودخل معنا ابو نفس دنيه

ما يطول لأنه موهب معين اللي بيرد عليه الصوت


ما هو موقفك اذا وجدت موضوع في المنتدى ولم يعجبك او لم يتوافق مع افكارك؟؟

اخوي خالد اذا كنت فاهم في مجال الموضوع والله بناقش صاحبه باللي افهمه

واذا كنت متأكد ان مناقشتي له بتأدي الى فائده

اما اذا الدعوى لانيب فاهم فيها بخليها للي أفهم مني


عضو يرسم البسمه على شفاه الجميع ..؟

واااجد

والدليل شف اخر الموضوع

ههههههههههههههه


عضوو ردوده محرجه ..؟

قصدك محرجه لي انا شخصياً


العضو اللي يغلبني بطيب كلامه وزين اسلوبه

اما باقي العرب فكل يحرجه كلام معين


ماهو اكثر تصرف يزعجك من الاعضاء..؟


*الخوض في امور لا علم لهم بها
* تكرار المواضيع




][®][^][®][محطة عامه ][®][^][®][

ما هي احلى كلمة قيلت لك ؟؟؟

باقي استناها هههههههههههه


كيف هو عبدالوهاب في حيااته خاارج المنتدى ؟؟ اذا ماتبي تجااوب على السؤاال على رااحتك ..

يمكن يجاوبونك الربع اللي قابلوني برا المنتدى


ولا اقول موهب لااازم تراكم معفيين يا شباب هههههههههههه


ما هي اعلى المرااتب العلمية في نظر ك ؟؟

العلم لا نهاية له


لو كانت حياتك مجرد قصة فما هوعنوان تلك القصة؟

ابن آدم امله كبير


بيت شعر تردده دائما؟

[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
إن عشت يا راسي كسيتك عمامة = وإن مت يا راسي فدتك العمايم[/poem]
في حياتك العامه . . وش تعني لك المسؤلية ؟

شي من مسؤلية البيت فقط..

كيف ترى نفسك الآن..وقبل سنتين ونصف..؟ايام تسجل بالمنتدى :)..؟


عبدالوهاب هو عبدالوهاب مع زياده في الأخوان والمعرفه

][®][^][®][ محطة عبر :) ][®][^][®][

لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما

هي جملتك لكل واحد فيهم ..
الملك عبدالله بن عبدالعزيز

الله يرزقك بالبطانه الصالحه


علي عبد الله صالح

حاول تزورنا بالسعوديه <<<< ياخوك ما به ميانه هههههههههههه

حسني مبارك

افعل كما تقول او اصمت


أحمدي نجاد

الله يكفينا شرك



][®][^][®][ محطة انت في ورطه ][®][^][®][

لما تكون في مكان عام وتقبل عليك عجوز وتبكي وتقولك وينك ياوليدي يا فلان طبعاً ماهوب انت والعجوز
اشبكت فيك وتمسكت بك وش بسوي بذا الوقت ؟؟:021:
.
ان كان عندها بنات وصلتها ههههههههههههههههههه


والله وانا اخوك يبقا الكبير له احترامه ويجب علينا خدمته


بسوي اللي اقدر عليه وجعل ولدها ما يبطي علي


.
لما تمشي كالعاده في مكان مثل مجمع الواحه :cool: ويتبعك طفل صغير ع باله انت ابوه هههههه وانت ماتدري عنه
بالاخير يكتشف انه غلطان ويبكي وش بيكون تصرفك معه وانت بتعدت مسافه طويله عن اهله هع؟

احسن مافي الوااحه عندهم طال عمرك مكرفوون يسمعه اللي في الراكه

بخلي الورع يغني فيه ومعليك امه بتعرفه من صيااحه<<<<منصور لاحد ينشب ترى كل سووق فيه مكرفون

ههههههههه

.
.
لو عندك ثلاث رصاصات من تقتل بها..؟


بوش ×ورئيس الصهاينه<<<<< ما يعرف اسمه × وعنوك والله على رئيس ايران


][®][^][®][ كلمة][®][^][®][

لك المايك وقل ماتريد


اقول الحمدلله والشكر له

على النعمه اللي حنا عايشين فيها

والله لا يغير علينا


ويحنن قلب التجار على الشعب




اتمنى ان تكوون اسألتي
مافيها اية احراج او لقافه

تحياتي وودي ..

المشاركة الأصلية كتبت بواسطة أبو عساف (المشاركة 505648)

أرحب يابو علي والله يحييك والساعه المباركه اللي جابتك على الكرسي المكهرب

الله يبقيك وانت اللي اررررررررحب تيريليوووون

وأشكر أبو جابر على هذا الأهتمام والعوده لهذي المواضيع الشيقه وأن شاء الله يعوض غياب أبورعد

يستاهل


وأنا آسف جدا على التصفح المتأخر وأنقطاعي عن الموقع وذلك لظروف وأن شاء الله تعذروني ......

لا ابد خذ رااحتك هههههههههه


عاذرك نفداك بس لا عاد تبطي علينا


أولا أنا ماعندي أسئله لأني أكثر واحد يعرف عبدالوهاب وجميع ماعنده أعرفه فلذلك ماعندي أي سؤال

هذا شرف لي طال عمرك


وثانيا أشكرك ياعبدالوهاب على هذا الأطراء ولا يستغرب عليك الطيب ياولد علي

ما قلنا الا الصدق


ثالثا أحب أقول لعبدالوهاب أنك من الأخوان الذي أكن لهم كل تقدير وأحترام وتعجبني في كل شئ

والله يابو عساف ان كلامك ذا تاج على رااسي ولاهي بالشكات نفداك


رابعا عندي رساله ودي توصلها للشايب وتقول أبو عساف يقول ((والله وجه عدوك )) <<<<<<<هذا لغز بيني وبينه

ههههههههههههههههه

الله يسلط على ابليسك واسراركم وااجد والله يخارجنا منكم

وابشر بتوصله ان شالله


خامسا الشكر موصول لك أخي أبو جابر على العمل والجهد وتستاهل الأشراف ياكحيلان من زمان

يستاهل


تحياتي وتقديري للجميع

أخوكم / أبو عساف

المشاركة الأصلية كتبت بواسطة عبدالرحمن المشجري (المشاركة 505844)

وراااااااااكـ ما رديت على اسئله العلياني
<<لأن بعض اسئلته كانت في راسي ب ما حبيت اكثر علشان لا تقوم من الكرسي خخخخخ

ولا تنسى تبلغ رساله ابو عساف للوالد << يمكن بـ يزوجونك خخخخخخخخخخ


تـــــــــــــــ ح ـــــــــــــــياتي

المشاركة الأصلية كتبت بواسطة منصور العبدالله (المشاركة 505863)

السلام عليكم ورحمه الله

وعليكم السلام


ارررررحب يا منصووور


اخوي عبدالوهاب

هلا



وراك شطفت ابو عساف ولا رديت عليه

منصوور انت فيك ذكاء على دهاء على تخبال على لكاعه على فداغه على شوي نشب


وزياده مجامله هههههههههههه الزبد كوكتيل حامض حلو


تبي تشووف عادني اتذكر الموضوع ذاااك ولا لا


لاكن ترى ماله الا كم يووم ما يمديها انسى ههههههههههه


لاكن ترى القلب ما فيه شي



والله بحق

كيف يعني خخخخخخخخخخخخخ


يا رجال صل على النبي ما بينا حقوق <<<<<<<<<<< خاف



( بورطك )

عادتك يا ذيبااان


بصراحه اجمل ضيف على هذا الكرسي وهانت يابو علي باقي شهر ونفكك من الكرسي...شد حيلك

المشاركة الأصلية كتبت بواسطة العبدي (المشاركة 506010)

شهررررررر

ههههههههههههههههههههههه

الله يرج عدوّك يا منصور

:)

هع هع هع

لا لا ابشرك عدلها

****

حلوة النّغزة يا ابن مبارك :cool:


ههههههههههههه

لا ما عليك اللي ما ابيه يحاكيني في المسنجر بقول له في وجهه



الله يعطيك العافية يا عبدالوهّاب

عضو وخلوق وعزيز

وبالتّوفيق