|
رد : مواجهه بين القرقاح والشعراء
هذا موال موجه لصياف الحربي
ياقربك ويابعدك يازينك ياشينك ويامطول لسانك ومقصريمينك وانا ماودي الحق بالغثى والدينك سر الليل والبارق جنوبي جنوبي |
رد : مواجهه بين القرقاح والشعراء
مرعي بن دواس الحبابي
هذي موجهه لسلطان الهاجري في الخبر انا اقدر الهاجري واعتزي به عسى مايجي تحت حيد النصيبه وفي اللعب كل يحصل نصيبه وما قدر الله على العبد جاري[/size][/center][/size][/QUOTE] لا هنت يا مرعي هذه قصيدة أخرى لفلاح موجهه لتركي 2000 المسلم أمنصر على النصراني *** وأنت تهرج والحق شي ثاني لا تفتري يا تركي الميزاني *** ما ضاع حقي من وراه مطالب من قرب حد ديرتنا لعنا ثواه /// أنشد ألي تدف الضلع بقرونها |
رد : مواجهه بين القرقاح والشعراء
اقتباس:
لاهنت يابو تركي القرقاح وابن شايق ضد ابن سلمي وتركي 2000 ابن سلمي يقول ياعبيد الله لابن شايق والقرقاح الي ضد ابن سلمي قال له القرقاح لاتصغر حجم رجال يكبر عنه وانت مثل الجمل وهوه يقود ارسنه ان خذيت احسنه بالله رد حسنه دايم الذاهبه تتعب مداويرها صح اللسان ابو محمد |
رد : مواجهه بين القرقاح والشعراء
اقتباس:
لاهنت يابن مزهر رباعيه بين القرقاح وابن شايق ضد سلطان الهاجري وشايع العيافي بداها القرقاح رباعيه اللعب على المزاجي انا وابن شايق هجوم مفاجي وشايع سلطان فوق المحاجي وماقدر الله على العبد جاري |
رد : مواجهه بين القرقاح والشعراء
اقتباس:
لاهنت يادكتور لاتتعب على الفحص والتشخيص ...................... انا حالتي نظرة عيوني تشخصها لو انك بحاسيس القلوب النظاف بخيص ........................ صرفتالدواء لجروحها قبل تفحصها |
رد : مواجهه بين القرقاح والشعراء
هذا البيت موجه للسناني
عمك القرقاح لمن شاف اخوه وزانه * يبتهج ويلبس الوافي ثياب الوافي . |
رد : مواجهه بين القرقاح والشعراء
اقتباس:
ارحب لاهنت يابو محمد قصيده البيعه وحنا معروف ولانا ولا فينا شكوك .........................مير من قصر تساوى وجوده وعدمه والحديث يقول من مات مابايع الامام .........................مات موتة جاهلي(ن) من اهل المشئمه صح اللسان ابو محمد |
رد : مواجهه بين القرقاح والشعراء
موجهه لشاعر عتيبي
انت يوم (ن) في غزه ويوم بحلب ولا انا اصول واجول وسط بلدي ********** درع للمملكه تحت راية فهد درع للمملكه تحت راية فهد |
رد : مواجهه بين القرقاح والشعراء
لا هنتوا على الموضوع المميز
وابو محمد جميع ابياته جزله ورائعه ولا فيه شك لكن هذا من أفضل الموالات عندي موجه للشاعر/سلطان الجلاوي تراء الشيابين ماتوافقك الراي ياصبي من لا يعرق في عيال العود ما يسوى ولا شيء ذبحة الشيخ منكم في سلمنا ذبحة طلي والخير له بيبان والخيره على بيبانها وبالنسبه للموال اللي ذكروه الربع كلبوهم غدوا ضدي وانا ابو محمد كن كلن000000الخ هذا الموال موجه للشاعر/زيد العضيله وليس تركي2000 تقبلوا تحياتي |
رد : مواجهه بين القرقاح والشعراء
اقتباس:
لاهنت يابو تركي مع محمد بن مشيط في حفل الجهيمي بجو طلب ابن امشيط من القرقاح ان يرخصه يبي يسري عنده سفر بارك الله فيك واسلم وسلم ياغلام ولا غريب الطيب منك مدامك نسل يام .................................................. والثناء والشكر لله رب للعالمين بالعشر اوقع واقول انك خدين الهنوف ......................... ولا يعز البلاد الا سلاطينها صح اللسان ابومحمد |
رد : مواجهه بين القرقاح والشعراء
اقتباس:
لاهنت يابو تركي ........هذي مع الشاعر الكبير رشيد الزلامي طبعا امامه شاعر كبير فلاح القرقاح قام الزلامي من حمـاس الله يرحـم والديـه ......................... والشايب اليـا قـام غيرنـا نظـام الملعبـه ذكرتني يوم الشجاع يشال رزقه مـن يديـه ....................... والوقـت الأول راح لكـن المراجـل متعبـه |
رد : مواجهه بين القرقاح والشعراء
هذي مع الرياحي
يابكر ريح وارتحاي ماقدامي غير رياحي *********** وانا طبيب الاجراحي واللي يزعل يطلع برى |
رد : مواجهه بين القرقاح والشعراء
هذا موال موجه لبكر الحضرمي
قحطان ساس العرب والطيب ما امله ولا انت زعزوع لامذهب ولامله والقرص ذا الليل بنمله على مله وانته تدور لها دايم وتلقاها |
رد : مواجهه بين القرقاح والشعراء
اقتباس:
لاهنت يامحمد هذي من محاوره بين الشاعر الكبير رشيد الزلامي والشاعر الكبير فلاح القرقاح فلاح القرقاح بسبابنا كم واحد وقـف هنـا ينعـى ذويـه ................. ........والجزيه الجزيه ترى ما هي بحبـة حبحبـه سيف ابن هادي كان في هالارض ذخر نقتنيه ........................ عد رقبـه وآعـد يازلامـي ثلاثيـن رقبـه ... ...... |
رد : مواجهه بين القرقاح والشعراء
اقتباس:
لاهنت يابو تركي وهذي في نفس الحفله والمحاوره ياصياف طال الوقت والناس يرجون وقليل الوفق متعلق في الدركسون واناشوف الاوضاع تمشي على الهون سرى الليل والبارق جنوبي جنوبي ... |
رد : مواجهه بين القرقاح والشعراء
يا صياف انا في البحر لاتعب ولا ادوخ اوقف لبوها واتحدى ولدها
وتوقيعي يكفي وبيض الله وجه ابومحمد |
رد : مواجهه بين القرقاح والشعراء
لا خذبك الهاجوس غبشه ومسرا
وجا للحظ من عقب التيامن تياسر ترا الرجال اثنيـــــن يمنا ويسرا وللطيب في عيال الحمايل مكاسر البعد عن غبر الوجيه المقاريد سود القلوب مظيعين العقيدة الذ من طرد القوانيص للصيد واقرب طريق للحياة السعيدة:) |
رد : مواجهه بين القرقاح والشعراء
اقتباس:
هذه قصيدة أخرى لفلاح موجهه لتركي 2000 المسلم أمنصر على النصراني *** وأنت تهرج والحق شي ثاني لا تفتري يا تركي الميزاني *** ما ضاع حقي من وراه مطالب من قرب حد ديرتنا لعنا ثواه /// أنشد ألي تدف الضلع بقرونها[/QUOTE] ابن مترك لاهنت هذي مع المورقي يابعيري انقل الحمله وروح وامترح بين مزحم والطلوح ............................ ............................... نسيت الباقي نعوضكم لاحقا |
رد : مواجهه بين القرقاح والشعراء
اقتباس:
لاهنت ياسعد بيت كبير ومن شاعر كبير هذي البيتين من محاوره مع ملفي المورقي انته صحيبك خزن الارقام في بطن الحاسوب ..............................اثره يحاول يقهر العالم عسى الله يقهره الحمد لله هيبتي في كل فج وكل صوب ...........................وانته تحاول تقلب الدنيا على قرن بقره . |
رد : مواجهه بين القرقاح والشعراء
هذا موال على تركي 2000 في رباعيه
ياتركي 2000 تطربني مواويلك وانا اشهد انك ترا الاول على جيلك لاكن لاجاك ابن قرقاح ياويلك والراس مرفوع والرايات مرفوعه في نفس الرباعيه انا ابن قرقاح راع الطيب والرجله كم شاعر قد ضربته ضربه عجله وافتر ثم طاح قد راسه تحت رجله والراس مرفوع والرايات مرفوعه ابك انا شيخ ولد شيخ واسد اللزوم ... البيت الاخير في الرباعيه انا راع المدح وانت مطيري خارب اتويق واتهج مثل المجرم الهارب وتروح محلوق لا لحيه ولا شارب والراس مرفوع والرايات مرفوعه وتسلمون ويسلم ابو محمد ولاهان |
رد : مواجهه بين القرقاح والشعراء
.. لي عودة
|
رد : مواجهه بين القرقاح والشعراء
اقتباس:
لاهنت يابو تركي هذي مع المورقي ملفي المورقي ليا مني دخلت الملعبه طقيت عود بعود وهذي وهبةٍ من ربنا المعبود سبحانه فلاح القرقاح ليا منك حضرت الملعبه عمك هنا موجود يدور ابك الزمان وكل فارس يسرج حصانه .. |
رد : مواجهه بين القرقاح والشعراء
اقتباس:
هذي مع الشاعر محمد الشمالي المري افلان سباق واصله من هل الطايله وافلان محاق مثل الحمله المايله وافلان نهاق مثل حمارة القايله ....... ........ |
رد : مواجهه بين القرقاح والشعراء
هذا موال للقرقاح ضد عبدالله العلاوة الحارثي
انا مسلم ن طايع مجود شداده مافكرت في بوسي وليلى حماده وجهزت لك براد سكر زياده سرى الليل والبارق جنوبي جنوبي وايضا انا ماني بمتحدي ن واحد صغير بتنقدني الصفين قبل الجماهير وانا شاعر السامر ولا العب على الزير سرى الليل والبارق جنوبي جنوبي وسلامتكم وابشرو بالمزيد |
رد : مواجهه بين القرقاح والشعراء
لاهنت يابن دواس ولاهانو الربع كلهم وهذي مشاركتي معكم لبعض مايحضرني من روائع شاعرنا الكبير / فلاح القرقاح:) موال ورد على مستور في حفلة الجبيل اللي تلاقط فيها هو وحبيب;) أنا لزينات العلوم اتحرى ... ومن العلوم الهينات اتبرى... لو العدد واحد وخمسين برا ... ماباقي الا بنط ذاليل وتقووووم:D أبشر بنقد السوالف مثل نقد الفلوس *** العلم ما مال والنار من شبابها..!! ********** وهذا موال ردبه على المورقي ونسيت الشيله ..! عندما قال له المورقي انه يعرف شراسة القرقاح لكن بيلقنه في حفلة العتبان درس يقول القرحاح: الطريق اللي نبي نمشيه بالورد انفرش..!! وانت لاهالحين ماسمعتك الحكي الحرش..!! وان كرشتك منت باول من تلقف وانكرش ..!! ولعي يانار في راس العتيبي ولعي..!! وعندما رد المورقي بتوصيف آخر للقرقاح يشير لتناقض تدينه وطيبه مع شراسته..!! رد عليه اقرقاح قائلا: لاتوصفني وانا تعرف وصوفي من زمان..!! لاحتمى الميدان والميقاف والمذخور بان..!! تفتخربي ياولد مزيد شغاميم قحطان ...!! ولعوها نار والنار من شبابها. ************ وهنا يرد على الرياحي في حفل ابن قضعان والله يالبيت اللي قاله القرقااااح مليااااااااااااااااااااااااان بقوة أنا خشمي عليه العود الازرق يثـّنى... يوم بعض العرب مثل البعير المثـّنى... اسأل أهل الظفر منهو زبون المجنـّى... مايروس النجوووم إلا سهيل اليماني..! خلـّها مثل الذهب :) والا النسب:) والا الذخيرة:) ... لاتلفت لليسار ولاتلفت لليمينا:untitled: وفي نفس المحاورة يحضرني بيت جميل رد به على الرياحي عندما قال له أنك تمشط اللحية ولاتعرف سلوم المسلمينا: يقول القرقاح: لحيتي ماهي بعار وسمعتي ماهي بعيرة *** وانت لاتخطي على كرام اللحى يابن اللذينا:D ****** وعلى طاري اللحية توني مضبط السكسوكة:D واذكر محاورة جرت بين القرقاح وحبيب في الكويت قبل عشر سنوات تقريبا شبّ حبيب على اللحى وهل اللحى اذكر مما قاله : .................................................. . موضة(ن) في وقتها للمسلمين وللكفر..!! كم وكم من لحية(ن) كبرت على الموت الحمر..!! تاصل القاضي ولاندري تجي والا تروح..!! رد عليه القرقاح قائلا: لاتمثل حضر يالاجرب ولاتمثل بدو ..!! لاتكلم فاللحى واهل اللحى جعلك فدو..!! لاسطرته كف بالله ياجماهير اشهدو..!! تاصل القاضي ولاندري تجي والا تروح.. رد حبيب متهورا والظاهر أن مديّها نوع قوي ذيك الليلة وابو محمد فككها :D : كل ماجا واحد(ن) دقنه سواة (......................).!! قال أنا مختص في علم الرسالة وادرسه..!! مدّ كفك فوق كفك صب سمنك والحسه..!! تاصل القاضي ولاندري تجي والا تروح.. رد القرقاح : تكرم اللحية ويكرم من عطاها حقّها..!! ياغشيم اللي عيونه من يدينه طقها..!! يكرمون الحاضرين ارجع وقرّ بحقها..!! تاصل القاضي ولاندري تجي والا تروح.. ....................................*** وسيارتك عاين توايرها..!! رد حبيب: والله اني مانويت آلد نص العين فيك..!! مير ابلعب لي معك قافين قدم لي يديك..!! ................................................!! تاصل القاضي ولاندري تجي والا تروح.. عساك تروينا وتشبعنا*** ونراقب النجمة ونسبرها..!! رد القرقاح متحديا ومشيرا الى أن حبيب زرف شاعر قبله في رده السابق: ان بغيت العلم يابن الناس يطلع فوق فوق..!! شد حيلك والشريعة تقطع اليمنى السروق..!! وغيرها بدري عليك تسوق ابن قرقاح سوق..! تاصل القاضي ولاندري تجي والا تروح.. حنّـا على الجزلة روابعنا *** والا العوازم ضاع شاعرها..!! ********* في أول محاورة بين القرقاح وحبيب في الدمام طلب القرقاح حبيب فقام حبيب وقال: أنا خوفي على الرجال لو يمسي ولا يصبح.. وانا شوري عليه يردها مزحه وانا بمزح.. .................................................. ...! عسى ربي يديم الستر يالله سترك الضافي. ياصغر راس الطلي:) .. ياكبر راس الجمل *** والذنب ذنب البهيمة .. صح والا خطا..! رد القرقاح: تبي تمزح فانا بمزح تبي تزعل فانا زعلان..! وعنديلك لمنها شانت اخلاقك عنان حصان..! ولاني بنسحب لاعودت رمي(ن) على الذرعان..! عسى ربي يديم الستر يالله سترك الضافي.! ياكبر راس الحصان .. وصغر راس الرخل:) *** ياحاضرين العزيمة .. صح ماهو خطأ..! ******** في مليجة يقول حبيب للقرقاح : اسألك عن غبة بحر مدفونة .. سكانها كتبية مجنونة .. صف ورى القايد وصفّ دونه.. يفوز باللذات كل مغامر.. اهل منى نمتحنهم كلنا *** بالحذفة اللي تسد نحورها..! رد القرقاح: سؤالك اللي تسأله ياسايل ... هذي فمك :D لكن ويشك قايل..؟! ماتذبح الحايل ماتلطم عايل ;) يفوز باللذات كل مغامر.. من قبلكم ياحبيب حذفنا *** بالحذفة اللي تقص ظهورها..! والعذر والسموحة على الإطالة بس الموضوع جازلي<----- بدري يابو الشباب:D |
رد : مواجهه بين القرقاح والشعراء
اقتباس:
الاخ ابو تركي لاهنت من قصيده المزاين البل عطايا مـن الرحمـن في محكم القـول ذاكرهـا اهي القضا العجـل للديـان كم مـن كسـور تجبرهـا |
رد : مواجهه بين القرقاح والشعراء
هذا موال القرقاح مع الجلاوي في مزاين قــــــــــحــــــــــطـــــــان
والله انكم كفو وقروم يابرقا وروق مير حنا بالفعايل بعد منكم وفوق ذقها ذقها يالجلاوي وعطاه من يذوق والصراحة كل لحيه لها مقدراها مع محمد بن مشيط المري الشعر حكمه وادب ماهوب طمر ونقيز وانا على اللي تقوله يامحمد عزيز حنا قحطان اتعرفنا العرب والانكليز الحيا يحيك والميت يزيدك غبن |
رد : مواجهه بين القرقاح والشعراء
اقتباس:
الاخ ابو تركي بيض الله وجهك لاهنت ابو محمد شاعر كبير سوى في القلطه ولا النظم هذي من قصيده الابل في المزاين ماشاء الله العظيم من يخلي من البل المرحان ................... خــص لياصارقـادرهـا اماالروابع ماهـي بسمـان ..................والا مايـقـدر يـدبـرهـا ... |
رد : مواجهه بين القرقاح والشعراء
اقتباس:
الاخ ابن هتلان لاهنت مع تركي 2000 انا مطوع بتهليله وتسبيحه وانته مدخن عليك من العرب صيحه لاكن لاتقرب المسجد يابو ريحه وان كان مالله رحمنى يالله الخيره |
رد : مواجهه بين القرقاح والشعراء
هذي الابيا ت موجه لتركي الفين
ياتركي الجمهور جاء في قاعة ليالي العرب يبغون طاروقن منقش بالجواهر والذهـــــــب واحنا نبي قافه يجي معنى ومواله طـــــرب فوق البسيطه ضاع قبر ادم على ذريته .......... والثاني في نفس المحاوره سفينة الشعار راحت والهبوب تسوقها لولا فلاح وملفي وفيصل ما شفتك فوقها لكن ترى من يرفس النعمه معاد يذوقها فوق........................................ |
رد : مواجهه بين القرقاح والشعراء
اقتباس:
الاخ ابن هتلان الله يبيض وجهك لاهنت هذي مع الشاعر الكبير رشيد الزلامي العبيدي تعين له فـي كـل اتجـاه .................. واطلب الله يجي مره يجي مرتيـن لعنة الله على اللي يمنعون الزكـاه ...................... والله ماتثبت الحجه بـلا شاهديـن ... |
رد : مواجهه بين القرقاح والشعراء
بسم الله الرحمن الرحيم
أنا حولك يابو وافي لو اني لو اني,,, بعض الاحيان اشوووف الناس تبكي وغني ,,, أنا رجال قل لذيب ماني بجني جعل في الامر خير وجعل في الامر خيره سموك هامووووووووور الشعر وانت تمساح ,,,,,,,,,,,,,,,,,,,, وأنا أكره التمساااااااااااح راسه وذيله هذي المحاووووووووووره مع الشاعر الكبيرررررررر شاعر عتيبه : ملفي بن مزيد المورقي |
رد : مواجهه بين القرقاح والشعراء
موال موجه لملفي المورقي في شقراء:-
نجد فيها قبل يرتفع راسها @@@ اخو نورة سعدها ونبراسها نقهر عتيبه ونكتم انفاسها ميلي ياغصون الشجر ميلي تشتري وتبع في دفع الظريبه @@@ ماوردنا العد بقصور الحبالي غيبه الفاسق ترى ماهي بغيبه @@@ انشد اصحاب الفضيله والمعالي وفي نفس المحاورة:- القحاطين تاريخهم ينعرف @@@ وسالفتهم مراجل وعز وشرف ولا منهم نزيعه بدود وطرف ميلي ياغصون الشجر ميلي شيخنا اللي في المعارك يندعيبه @@@ صدر الايتام منكم ياحلالي مشكلتهم نعنبه مدري زبيبه @@@ لاوجد منها نمونه مايمالي وفي نفس المحاورة بعد:- القبايل بفعل الجميل خشراء @@@ مير قحطان قدام وانتم وراء انت تدري ياملفي وغيرك دراء ميلي ياغصون الشجر ميلي منهو اللي كان يدفعها غصيبه @@@ يوم درجات الرشاء فوق المحالي |
رد : مواجهه بين القرقاح والشعراء
مع ناصر العجمي في زواج ضيدان بن قضعان
بحضور صاحب السمو الملكي الامير سعود بن عبدالله بن عبدالعزيز بعد معروض في ناصر عليه الكلام ............................... ثم اشتكي لين اوصلها ولي العهد ........ |
رد : مواجهه بين القرقاح والشعراء
هذي محاروره بين فلاح وتركي في حفل يا ميه على ما اظن وكان موجود مع الشعار علي بن قحصان اليامي وطلب تركي شاعر م شعار امحلف وقام فلاح دون قصور في بن قحصان وقال فلاح:
إن قام بن قرقاح ولا ابن قحصان الي وقف من دون يام(ن) وقحطان ترى عشانا تالي اليل مطران وما يرتكي للحمل الى جملها وبيض الله وجهك يا ابو محمد ولاهنت دايم منومسنا في كل مكان ونسئل الله عز وجل ان يعطي ابن شايق العافيه ويعيده الى ساحة المحاوره ويرجع الثنأئي القوي امين يارب ودون اقصور في شعار اقحطان الي موجودين. |
رد : مواجهه بين القرقاح والشعراء
هذي محاوره بين القرقاح وبن شايق على العتبان سلطان الجلاوي وملفي المورقي قال القرقاح للجلاوي :
العاطفي جنبي وانا جنبه وجنبي من حديد قم يالعطاوي واحتزم للحرب الاول من جديد الليله الليله مصارع روس ومصارع قصيد والخير له بيبان والخيره لها بيبانها مابه مسرا يلين تجاوز الساعه ثلاث ونص @ بعدها نتجه يم الصلاة اللي نصليها |
رد : مواجهه بين القرقاح والشعراء
لاهنت على الموضوع
|
| الساعة الآن 03:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com