|
رد: تغطية خاصة بأبناء قبيلة قحطان في مزاين ام رقيبة (1433هـ)
يا الربع عز الله فقدنا هيف وعمير من دون قصور في صبيان اقحطان الباقين لكن وش السبب اللي يخليهم ما يشاركون ؟
|
رد: تغطية خاصة بأبناء قبيلة قحطان في مزاين ام رقيبة (1433هـ)
المشاركين من قبائل قحطان على متابعتي هم سلمكم الله قليل:
1-سعد بن سحمي بن زومان الهاجري 2-ناصر بن سعيد بن مرسان الهاجري 3-مبارك بن مفلح الكيرعاني 4-عبدالهادي بن شجاع بن خضير الفهري 5-عبدالله بن فهد بن ظبية ال سعد 6-حسين بن جارالله بن مرزوق الحبابي 7-عايض بن رفعان بن سويد العاطفي 8-عايض بن سحمي العذب الهاجري 9-صليهم بن سعيد المظفري الهاجري 10-بداح بن سعد بن جدعان الكليبي الهاجري 11-راشد بن محمد بن ناصر المحمدي الهاجري هذا اللي بعلمي واللي عنده اضافة يتفضل ونلاحظ تغيب نجوم قحطان المميزين هذي السنة امثال : هيف بن عبود الرفيدي عمير بن فهد ال روق محمد بن زايد الهاجري جمل بن ناصر بن شري فلاح بن ظريان الهاجري منيف بن عبدالهادي الخنفري حمد بن غديف ال سعد محمد بن حمد بن صوال الجروي والكثير من ملاك الابل من قبائل قحطان تغيبو والكثير الكثير لم يشارك وانا الاحظ ان القبائل الاخرى يشاركون ب50 -60 رعية بينما قحطان لا يتجاوزون 15رعية مع امتلاكهم لنوادر الابل وكثرة ملاك الابل والدليل ع ذلك مزاين قحطان ولكن لا اعلم ماهي الاسباب عموما نتمنى لجميع المشاركين التوفيق والله يبيض وجيههم ع تمثيل قبائل قحطان وفالهم الناموس |
رد: تغطية خاصة بأبناء قبيلة قحطان في مزاين ام رقيبة (1433هـ)
تسلم على الايضاح يابو عقاب
بس ترا محمد بن زايد الخيارين مشارك نفداك ذالسنه . وبالنسبه لهيف وعمير مشاركتهم السنه الجايه اكيده 100% لأنهم بيشاركون بأنتاجهم ما شروا شيء لأن انتاجهم على حسب ما سمعت راح يتصدر النخبه وأزيدك من الشعر بيت لو شاركوا هذي السنه يمكن ما يحصلون على المراكز الاوله . ايضاً ودي اوضح لك ان القبائل الثانيه تشارك بعدد كبير من الملاك بس نلاحظ اللي يفوزون فقط اقل من خمسه بينما ابناء قبيلتنا يشاركون كلهم ويفوزون كلهم بمختلف المراكز والدليل هيف يوم فاز بالنخبه في جميع الالوان وعمير فاز العام قبل الماضي بالنخبه وبن شري فاز بالمركز الثالث العام والكيرعاني كل سنه يشارك ويحتل المراكز الخمسه المتقدمه والخيارين فاز قبل 3 سنوات بالنخبه وكذلك ابن زومان وابن مرسان كلهم فازوا بالنخبه يعني ما شاء الله المشاركين من قحطان كلهم في الصداره ما فيه قبيلة فازت بالمراكز الاوله بكل الالوان الا اقحطان وآسف على الاطاله |
رد: تغطية خاصة بأبناء قبيلة قحطان في مزاين ام رقيبة (1433هـ)
لاهنت وبا رك ا لله فيك
|
رد: تغطية خاصة بأبناء قبيلة قحطان في مزاين ام رقيبة (1433هـ)
اقتباس:
ارحب يابن دغيم ولاهنت ع التعليق وانت وافي وربعنا وافين ولكن نفداك فيه ملاك ابل من قبائل قحطان يمتلكون ابل مزايين وحصلو ع مراكز متقدمة في مزاين قحطان ولم نراهم في ام رقيبة واذكر لك على سبيل المثال محمد بن ناصر بن مرعي الكدادي فيحان فهيد البلاع ال مريتع عبدالله مطحس الفعر السويداني علي بن فرج السمين الخنفري حمود فاهد بن خريع العلياني ماجد عبدالله الزقر العلياني حضينان حزام الجروي مبارك كشيم الكيرعاني مشعل مسفر الجروي فهاد جخدب ال سعد وكذلك مالك الوضح المعروف/محمد بن سعد بن فلاح الحمالي يمتلك مغاتير من سلالة الفحل طياحان من فحول الملك خالد فهناك الكثير جدا من ابناء القبيلة واكد لك لو شاركو اللي ذكرتهم الحين صدقني مايخرجون من المزاين بدون مايرقمون يعني فايزين فايزين وسلامتك |
رد: تغطية خاصة بأبناء قبيلة قحطان في مزاين ام رقيبة (1433هـ)
من المشاركين :
الدكتور ظافر بن عوض الزهيري |
رد: تغطية خاصة بأبناء قبيلة قحطان في مزاين ام رقيبة (1433هـ)
أقول من القلب..
بيّض الله وجهك يا عوض العبيدي بيض الله وجهك.. كنت أريد الذهاب لحضور الحفل الختامي ولم أكن أعلم تاريخه.. بل أن عزمت أن لا أحضر..ظنّاً منّي أنني سوف أشتغل ألا بعد الحفل.. ولكن من يوم شفت موضوعك لا عذر لي في السفر من الجنوب.. لاهنت.. تحاتي.. |
رد: تغطية خاصة بأبناء قبيلة قحطان في مزاين ام رقيبة (1433هـ)
البقاء ياخوي ابو عقاب
بس على ما أعتقد التجار ما خلوا احد في حاله فمثلاً سعر البكره اوصلت 8 ملايين ريال فما عنده اي مانع او تردد في البيع يعني اعتقد والله أعلم ان فكرة البيع والشراء صارت لدى البعض أفضل من المشاركه ودمت بود |
رد: تغطية خاصة بأبناء قبيلة قحطان في مزاين ام رقيبة (1433هـ)
اقتباس:
|
رد: تغطية خاصة بأبناء قبيلة قحطان في مزاين ام رقيبة (1433هـ)
ووجهك نفداك ياعوض
وأود التوضيح لابن دغيم بأن محمد بن زايد الخيارين لم يشارك السنة ذي وانا متابع عرض المجاهيم 100ولم تعرض منقيته واتمنى التوفيق لجميع صبيان اقحطان والحصول ع النخبة والمراكز المتقدمة باذن الله |
| الساعة الآن 06:53 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com