رد : " أفـــــراح آل نــــمــــلان الــــحــــبـــاب "
 

الف مبروووك

والنعم في الوجيه الطيبه

بيض الله وجهك على التغطيه


تقبل مروووري اخوي...

رد : " أفـــــراح آل نــــمــــلان الــــحــــبـــاب "
 

الله لا يهينك يا اخ مشاري والله يبارك للمعرس

رد : " أفـــــراح آل نــــمــــلان الــــحــــبـــاب "
 

الف مبروك وعقبالك ان شاء الله

رد : خالك عوض بن دشيل اتى من اجلك
 

الله لا يهينك يابو حمد ويبيض وجهك على حضوورك الزواج وتشريفك حفلنا ..وعلى كلامك الروعه .




تحياتي <<حمـــد بـن جــابر ال نملان الحبابــي

رد : " أفـــــراح آل نــــمــــلان الــــحــــبـــاب "
 

بسم الله الرحمن الرحيم
أولا : نقول للمعرس الف مبروك .....
ثانيا : باسم أخي الشيخ / جابر بن محمد آل نملان واخوانه وأبنائه وكافة قبيلة آل نملان نشكر كل من شاركنا حفلنا وكذلك نشكر الأخ العزيز : مشاري بن نملان على حضوره و تألقه وهي عادته ونشكر كل من رد على الموضوع من جميع القبائل و لا عليكم زود والنعم بالجميع .
وهذه القصيدة كانت مشاركة مني في هذ الحفل موجهة لأخي / جابر بن محمد آل نملان ... وأقول فيها وأعمار القراء تطول :

[poem=font="Arabic Transparent,6,black,bold,normal" bkcolor="transparent" bkimage="" border="none,medium,black" type=4 line=0 align=center use=ex num="0,black"]
من هجوس ساقها الشوق والعشق القديم=واقبلت كنها حرارٍ تهد أسبوقها
جات لجبال الجنوب ولذعذاع النسيم=جات من شرق الجزيره تسابق شوقها
جات لخوان وبني عم وانساب ونديم=جات تسعى في جهدها وجيت أسوقها
فيا سلام الله سلامِ من القلب السليم=عد حن رعودها عد لوح بروقها
يا سلام الله على خوي لطام الخصيم=عزوتي في وجه عدواني وهو عوقها
جابر وجابر ليا قلت جابر يا فهيم=الردى وأهل الردى ماتبل حلوقها
يا طويل العمر تسمح لخوك اللي يهيم=في فعايل مثل شرواك قبل خلوقها
طيب خلق ولين جانب وفزعه في الصميم=وان حظر سوق الثمينة يفوز بسوقها
مارده عد الطلاقة وفي العليا مقيم=ونخلة الرجلة له عروقها وعذوقها
مطلق عنان التراحيب لوفي الحال ضيم=موفي صغار العواني كبار حقوقها
من خلقه الله على طبع واحد مستديم=نيته وخطاه وافعال كفه فوقها
مستقيم ما مشى الا الطريق المستقيم=منعوج في وجه عدوانه وزاروقها
إن عصب راسه نهار المداوس والصريم=تبطي عدى بومحمد تداوي فتوقها
له في ألاقوال سين وفي ألافعال جيم=وكلمته يعرف هدفها قبل منطوقها
جعلت أيامه أسنين وسنينه في نعيم=وجعل عيني قبل عينه يغمض موقها
وأنت ياهاجوس صدري ترفق بالحطيم=لاتشب النار وابلش بها وحروقها
صدري من العام الاول وهو ماجاه غيم=كيف تحيا شجرة والظمى بعروقها
من تسمع للكلام العقيم أصبح عقيم=والعرب ما تجهل أوزانها وطروقها
ليت مالي في العرب من عدو الا الغشيم=كان علمته مخاريجه وطروقها
لكن الموت المحنى بكفك يالئيم=كم لك تدور على نفسي ومعلوقها
مادريت أن المكارم مواريث الكريم=و مادريت أن الجواهر وسط صندوقها[/poem]

رد : " أفـــــراح آل نــــمــــلان الــــحــــبـــاب "
 

أرحب يا بو سلطان ..

ما عليك زود يا وجه سنحان ..

والله يبارك فيك ويخليك ..

ووجهك أبيض ..

لاهنت على المرور والمشاركة ..

رد : " أفـــــراح آل نــــمــــلان الــــحــــبـــاب "
 

أرحب يا بو ريان ..

الله يبارك فيك يا الغالي ..

الله يسمع منك إن شاء الله ..

رد : " أفـــــراح آل نــــمــــلان الــــحــــبـــاب "
 

أرحب يا بو صقر ..

الله يبارك فيك ..

لاهنت على المشاركة ..

رد : " أفـــــراح آل نــــمــــلان الــــحــــبـــاب "
 

أرحب يا بو مانع ..

الله يبارك فيك ويخليك ..

اللهم آمين .. إن شاء الله في سنة وحده ..

رد : " أفـــــراح آل نــــمــــلان الــــحــــبـــاب "
 

أرحب يا الغالي ..

ما عليك زود يا وجه قحطان ..

الله يبارك فيك ..

ولاهنت على التهنئة ..