المشاركة الأصلية كتبت بواسطة بن جليد (المشاركة 621497)

ياللي تقول ان الفهر مابهم خير

قصيدة للشاعر وازع بن عبيان بن مجلاد آل سالم تعرض له أحد الأشخاص ولقبيلته الفهر وقال فيما قال إن الفهر ليس لهم افعال فيما مضى مثل بعض القبائل فكانت هذه القصيدة الرائعه

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=1 align=center use=sp num="0,black"]

ياللي تقول إن الفهر مابهم خير *** وش جاك منا يا ردي الشهامه
عطني على كلمتك هذيك تفسير *** من لايعد الحق يفرك عرامه
يومن صكات الليالي مقاشير *** مالك مع العربان فعل و علامه
واليوم تنفض ريشتك تبغي تطير *** الله يعز الحكم لأهل الأمامه
ولا صار ماعندك ميوز و تفاكير *** تجهل شجيع القوم والا خمامه
تعال و أعلمك ورد و مصادير *** واوردك عدن يصدر حيامه
حنا حرار و من خيار المواكير *** والا أنت ظايع يافريخ الحمامه
حنا ليا صكت جموع و طوابير *** نارد حياض الموت مامن سلامه
عدونا من زمته يرجع صغير *** يرجع ومن فعله يعض بهامه
تشهد لنا جرد السيوف البواتير *** و أذكارنا من حايلن لا تهامه
الظيف يبشرله بحشمه وتقدير *** يلقى جنابن زين ويلقى أحترامه
ومن بعد مد العود وصب المباهير *** يذبح له المفرود ويجعل سنامه
فينا الولد يرضع ومن عاده صغير *** مع حليب الام طيب وقرامه
وخيالنا ينطح له جموعن تغير *** ماهاب من موتن تخطف سهامه
منا الشفاليت الدهات المناعير *** هم روس قومن ماتعرف الرخامه
هم مقدم العربان لاصار تنذير *** فعلن يشرف ما يخلف ندامه
خيالهم شيخن يسوق المظاهير *** قد عده الغربي في ماضي كلامه
يومن على يعومه يشيب المصاغير *** لولاه كان الذيب حطه طعامه
و شلوان شلوان الظفر والصعاطير *** لحل يومن مثل يوم الرغامه
ينخونه ربوعه لجا يومن امثير *** اليا تردا كل رجلن هلامه
وداهم النطعان مافيه تقصير *** كم شيخ قومن فززه من منامه
تشهد له ام الخف وام الحوافير *** لركبها ماهي بترقل عظامه
وفراج ابن ريفه زبون المخاسير *** له ماقف مافيه شك و ملامه
راعي طويله مال مكسورها أجبير *** و راعي مثار الذيب حامي الجهامه
و لو أقعد أعدد ربعوي المشاهير *** بقوم أعدد لين يوم القيامه
لكن انا ودي أحذرك تحذير *** من عــال يابن الناس حنا كعامه
أسمع وسمع معك ناس من الغير *** من رادنا بالشر نرخص مقامه
وأن عدت تسلكلك دروبن معاسير *** شرواك ما يلهي و نحكم بلامه
وياسامع الهرجه ليا صار تقصير *** سبحان من لا ينتقد في كلامه
والختم ياربي جليل التدابير *** تقطع عروق اللي ردين مرامه [/poem]

وازع بن عبيان بن مجلاد آل سالم