شبكة قحطان - مجالس قحطان - منتديات قحطان - قصة ابن شافي مع راكان بن حثلين أرجوا الدخول

- مجلس فرسان قحطان (https://www.qahtaan.com/vb/forumdisplay.php?f=5)

- - قصة ابن شافي مع راكان بن حثلين أرجوا الدخول (https://www.qahtaan.com/vb/showthread.php?t=43721)

رد : قصة ابن شافي مع راكان بن حثلين أرجوا الدخول

يأأ رياجيل .. انا رديت عليهم .. بس المشررف قااام ومسح ردي . ..

قام العجمي يهايط وكتب ذا الكلام .. وانا والله مانيب رااعي منتديات .. علشان كذا مالي الا الله وانتوا يا ربعي يا عيال عمي ..

والموضوع اصلن كان للشدادين .. وانا راد على العجمي بخصوص الشدادين .. ولا ذكرت من الاساس اني هــاجري .. ليه دخل الهواجر في القصه مدري ؟!؟!؟

ركــــزوا على الاحمر ..

اقتباس:

مرحبا مره اخرى يا ابن مهرس
لاحظ يا ابن مهرس اني قاعد اجاوب على جميع اسئلتك وانت الى الان لم تجب على تساؤلاتي وهذي يا ابن مهرس تحسب لي في النقاش معك والى الان سوف اجاوب على جميع استفساراتك والاسئلة التي تطرحها وليعلم القاريء والمتمعن في التاريخ انني ابين الحدث والقصة بكل تفاصيلها.
قلت اني غلطت عليك او بمعنى اصح غلطت على الشدادين في قولي :
(( فهل فعلكم يا ابن مهرس مثل فعل العجمان في يوم كنزان))!!!
في هذه العباره قلت الصحيح ولكن ماهوب اللي في بالك لانك رحت تفسر الكلام على غير معناه.
انا يوم قلت لك هذا الكلام احسبنك تعرف وتفرق بين الكون والمناخ والهيه ولا اعتقدت ان مشرف القسم التاريخي اطوف عليه مثل هذي الامور.
نعم فعل العجمان في مناخ اكبر من الكون اللي ذكرته في الموضوع نفسه لان المناخ كان فيه ابن سعود وذبح الامير سعد بن عبد الرحمن وجرح أخوه الملك عبد العزيز وانا ذكرت تفاصيل هذا الحدث في المشاركه السابقه فهل هذا الحدث والفعل مقارن للكون الذي ذكرت؟
فلو تبصرت في اسئلتي السابقة لا وجدت انني أود الارتقاء باحداث هذا الكون حتى لو انه ماهوب مناخ والسبب انني لم أجد شيء معروف في هذا الكون الا سالفة العجمية اللي احبسوها الشدادين عندهم؟
لو انك ذكرت لي انكم ذبحتم شيخ من شيوخ العجمان ولا فارس من الفرسان المعروفين كان افضل من ذا السالفه اللي ذكرتها وهذا اللي خلاني اطرح عليك الاسئلة واقول لك ان هذا منقود لان القبيلة تفتخر في ذبح شيخ قوم أو فارس من فرسان الجزيرة المعدودين ماهوب سلب حرمه وتزويجها؟!
هذا اذا سلمنا بأن احداث القصة صحيحه.
ويوم قلت ان فعلنا في كنزان ماهوب مثل فعلكم فانا صادق جونا جميع القبائل مع ابن سعود مطير ويقودهم فيصل الدويش وعتيبه يقودهم سلطان بن حميد وقحطان يقودهم ابن حشر وبني هاجر يقودهم ابن شافي وسبيع يقودهم ابو اثنين والسهول واهل العارض وحضر نجد وذبحناهم ذاك اليوم وحرب ثلاثة شهور<<< وحن ذبحناهم هههههههههه ؟؟؟ نااسي من الي يدسم شواربهم بالسلاح وياتي جيش ابن صباح لمساعدة ابن سعود ونكسره وتخلص ذخيرتنا وننسحب وعبد العزيز بن سعود مصاب ذاك اليوم من العجمان وعقب ما انسحبنا ياتي احد صعاليك بني هاجر يعرض مستانس بنصر ابن سعود ويقول:

ديار جدك لا توليهـا الكفـر
حتى عجم كسرى تقول انها لها

فقال الملك عبد العزيز بن سعود للهاجري اقطع واخس يا الرخمه <<< ههههه معقوله يقولها للي وقفوا معه في حربهم مع العجمان ...هذي ماهيب عرضة رجاجيل العرضه عندي وانا اخو نوره ويقول ابيات يمدح فيها العجمان مع انه مصوب منهم وذابحين اخيه سعد يقول:

حنا أهل العوجا مضيقت النسم
تركد بنا أرض بأهلها مايلـة
وحنا ولينا دار رزنين القـدم
أهل القنازع والعلوم الطايلـة

اهل القنازع: هم العجمان
فرد على الملك عبد العزيز الشاعر نغيمش العجمي فقال:

جمع العوارض يـوم جينـاه انهـزم
راحـت عليهـم والجمـوع تخايلـه
عقـب التزنجـر مايفكـون القـدم
وارقابهم من ضرب الايـدى مايلـه
ليل(ن) على ابن سعود ياليل النـدم
راحـت الاصايـل والعمـار الغاليـه
واخيك من ضرب المخابيـط انكتـم
وطقيت يا شـردان وانـت اتخايلـه
صابك وصاب اخيك من الموت السهم
فـي الليـل الاظلـم ليتنـا فالقايلـه
ثوبه جديـد وانصفـق قـد فيـه دم
من كف شغوف(ن) قد مضت فعايلـه

وقصيده لحويدي العاصمي القحطاني قالها عندما وجد أصدقاءه من قبيلة العجمان راحلين بإتجاه الشمال بعد معركة كنزان 1915م فحزن حزنا شديد و قال هذي الأبيات يمدحهم ويتوجد على فراقهم:

ياعين هلى الدمع من فوق الأوجان
على حماة الـدار يـوم الحرايـب
وجدى عليهم وجد من كان غرقان
فى غبته والموج فوقـه سكايـب
الاد مرزوق صعاصيـع عجمـان
أهل الجموع اللى لها الضد هايـب
شدو من الصمان ذربين الأيمـان
كنهـم ركيـب راكبيـن ركايـب
حطوا لهم سوق على جال كنـزان
يدون مفهـوق ويوفـون غايـب

يقول الشاعر منوخ بن بجاد المتلقم من ال هادي في كنزان :

ياهجمتن في جو كنـزان معقلـهمن دونهـا سـو المنايـا حـام
الشيـخ جانـا بالقبايـل كلـهـمجانا بحضـر الكـوت والخـدام
جمع لنا سبع القبايـل و جاونـاوفينـا نـووا بالقطـع والعـدام
مشى سبيع والدويش مـن قبلـهوجموعهـم كنهـا جـراد تهـام
ومشى علينـا شافـي وجنـودهمن شرق كنهـم دولـة النظـام
يكذب عليهم شيخهـم و يقولهـمذولا كفـر ماعادهـم بـاسـلام
جانا هجاد وهجاده على آل حبيشواركوا جموعه ليـن كلـن قـام
من قام منـا قـال لاالـه الا اللهيا الله ان تعاونـا علـى الظـلام
قمنـا و قـام الله عليهـم معنـاوراحت شرايدهـم بليـل ظـلام
آلاد مـرزوق وصبيـان مذكـرباعـوا عليهـم بيعتـن باصـرام
باعوا عليهم بيعتـن يحكـى بهـاو يفـرح بهـا متنبـي العـلام
لكن قطيط السيـف فـي تاليهـمقطيط حضرن في حلول صـرام
كله لعينـا شايـب فـي الحلـهقادهو كبيـرن و يكـوده المقـام
ولا لعينـا بنـت كـل مجـربصافي الجبين ومردعـن بوشـام

وقال منوخ:

ياالله ياللي لا الهن غيـركبيوم اللقا تاتي لنـا رفيـق
العارضي جا يثاري بجودهوقدهو على ذهابنـا شفيـق
والهاجري جا يثاري بالغضا.و يقول خلونا وذا الفريـق
الكل منهم جا بيوفي دينـهوزدنا الدين القديـم بلحيـق

وشهد لنا ابن صباح شهادة حق وذكر جميع الاحداث السابقه في لقاء اجراه الشيخ فهد الاحمد الصباح مع الشيخ عبد الله الجابر الصباح:
مقطع الفيديو:

اما كتاب ابن النعيرية الهاجري فحمد الله انك ما لم تقرأه لكي لا يأتيك الصداع من الكذب الذي سوف تجده في محتواه.
واصلا هو ماهوب موجود فالمكتبات لكذب مؤلفه وتزييفه في الحقائق.
اما سالفة العوامي فلو سلمنا ان ما تقول صحيحا حتى لو ذكرها منديل الفهيد في كتابه فان الفهيد يجمع الغث والسمين في كتابه المسمى آدابنا الشعبية دون التحقق من روايات تلك الاحداث.
ذكرت في كذا مشاركة سالفة العوامي ولا ذكرت وش هي السالفه؟
على حسب ما قيل ان العوامي والامير راكان بن حثلين رحمه الله كانوا في مجلس ابن خليفه حاكم البحرين وطلب ابن خليفه ان يتشري حصان العوامي فرفض العوامي بيعه فعاب الحصان بعض الحاضرين فقال العوامي يا طويل العمر انشد الامير راكان عنه هو اللي شافني عليه فقال بيته:

و أنشدوا راكان يـوم التقانـى
يوم التقينا واقفت الخيل عرجود

يوم التقاني هو يقصد به يوم الطبعة ولاهوب يوم لبني هاجر على العجمان بل لابن سعود ومعه القبائل العارض ومطير وقحطان وبني هاجروكانت القبائل تقريبا ثمانية<<< لاحظو اهم شي ما تكون لبني هاجر .. تقول لا سعود ولا لبني هاجر على العجمان ههههههه مشكلة ذا العجميفاعتذر راكان عن نكسة الطبعة بقصيدته المعروقة التي يقول فيها:

العذر يا غضّ النّهد ظَبْي الافجـاج
يا ابو قرون مثل وصف الدبابيس
جانا بأهل نجد إليـا حـد الافـلاج
وما حدر الوادي على مقطع الخيس
يشدون هيضات الدبا حين ما فـاج
ركنٍ كسب والركن الآخر مفاليـس
وعيناش يا الصفرا ذبحت بن فراج
كله لعينا وقفتش فـي المناييـس
ولعيناك يا عودٍ غدى ذيك الامواج
دوك الدويش وكب عنك الدنافيـس
خليت دمه بين الاضـلاع زعـاج
بشلفا حَدَتها كف سبر العراميـس
والله لو لش مـع الجـو منهـاج
إن قد نوقف موقفٍ ما بعد قيـس
غير انهم جونا مع الحـزم دفـلاج
والكثر يكسب كاسبين النواميـس
من كف ولدك يوم ولد الردي ماج
يروغ عقله من لميـع العبابيـس

وكان سبب معركة الطبعة ان الامام عبد الله بن فيصل طلب الحمراء فرس الامير راكان فرفض وقال :

يا حيف يا ولد الامام
يبغي من الحمراء قود
أبي الى جت خيل يام
ليني على مثل الفهد
والله لخرب هالكمـام
والا لا شيخ بهالبلـد

يقصد الامير راكان بالكمام نخيل الاحساء.

يا سابقي طالبك ولد الامامـي
لا سامع قوله ولاني بمهديـك
لو سام بمية بكـرةٍ بالتمامـي
حلفت أنا بالبيع ما أهفي مثانيك
ان زانت الدنيا وهب الولامـي
تاتي معي حمر الطرابيش تتليك
وأقوم لك بالبر عجلٍ شمامـي
باكر على خيلٍ الفداوية اصغيك

الفداوية: أتباع ابن سعود.
ومن عقبها توالت انتصارات العجمان بعد الطبعة بداية من الوجاج وجودة يقول الامير راكان :

يا يام سقـم الحريـب
ردوا لعبد الله قضـاه
من كان له حق مصيب
يوم اسعفت ياخذ وفاه

فالبيت اللي قاله العوامي يقصد يوم الطبعه وليس معركة بين العجمان وبين بني هاجر ولكن العجمان وجيش ابن سعود والبعض يفسر هذا البيت بعيدا عن مقصده ويقول ان العوامي عقر فرس الامير راكان واصابه فهذا غير صحيح ولو كان هذا صحيح كان قتل الامير راكان في الطبعة والدليل على عدم صحة هذا الكلام قول الامير راكان عند انسحابه من المعركة:

يا ربعنا ما مـن مطيـر
جمعين والثالـث بحـر
نضرب على الخيل الامير
لعيـون بـراق النحـر

اما عن سالفة امير قحطان محمد بن هادي بن قرمله السحيمي فان ربعه السحمه اخذلوه وقالوا ماحنا محولين على العجمان علشان ابن شافي امير بني هاجر فعودوا نجد وقال كلمته المشهوره:
( ليت ربي ما خلقني سحيمي<<<< العجمي حاطه بالعريض هههههههههه والله مشكلة ... شوف الهياط لوين بس )ملاحظة: قبل مشاركتي هذه هناك بعض المشاركات الصبيانه اترفع اني اذكر صاحب هذه المشاركات واترفع اني ألتفت اليها لانني اكبر وارقى من أن اعير لها اهتماما ولتموت بغيضها بضحكاتها الغاضبه

رد : قصة ابن شافي مع راكان بن حثلين أرجوا الدخول

آبا آلذمـــــــــــــــــوم ماعليكم زود يالجــحــادر ....
وهذا اقل شي نسويه ............

.................................................. ...................

الهاجري القحطاني .......

( مؤرخ السلاطين ) كلامه كله كذب في كذب ........

من يوم ما قال ثمان قبايل ( بني هاجر و قحطان و ال سعود و مطير و عتيبه ووووو ) على العجمان و انا غاسل يدي منه ....... ما بقا الى يقول جات امريكا و ايران و بريطانيا و المانيا ضدنــــــا ..... و الله عجيب .......

ياخي الرسول صلى الله عليه وسلم هزم في معركه امام الكفار .......
ماتبي العجمان ينهزمون ....... و الله لو انه معهم الصاروخ النووي الي مع ايــران .........

اما وقعه ( .. الطبعه .. ) فقد اشار لها ابن النعيريه الهاجري و منديل الفهيد ......
و الفهيد كافي لانه عتيبي مهوب هاجري و لا عجمي ..........
و حتى لو كذبو ابن النعيريه و الفهيد ...... على الاقل انها ذكرت ....... اما هم ماقد ذكر عن تزويرهم لهاذه المعركه
اي شي ....... ما سمعنابها الا في المنتديات حقتهم و قامو ينقلونها في كل منتدى .......

و سالفته بن هادي و بن شبعان و بن حثلين .......

ياخي و ثيقه الصلح بين بن لبده و بن حثلين موجوده في متحف الملك عبدالعزيز ........ وش عاد يبغى ......

و بعدين ابن هادي حكم نـــــجــــــــد من بد كل القبايل تبغيه يخاف من حبيشي و عمره خمس تعش سنه .....

اخوكـــــــــــــــــم

دندن ..دندن

بن ناشر الـــــ&ـــــاجري

رد : قصة ابن شافي مع راكان بن حثلين أرجوا الدخول

ههههههههههههههههههههههههههههههههههه

ياخي والله انا ماعاد لحقت ارد على اي هلس في اي منتدى

ماالحق ارد على شخص بمنتدى يظهر لي شخص اخر بمنتدى اخر ويهلس علينا بعد:)

ياخوك العجمي هذا حطهم اقوى القبايل <<<شكله يحسب انهم قحطان المعاصره ههههههههههههههه

ياخوك اتركه هذا جاهل ولا يحق النقاش معه

لو هي على التاليف كان كل القبايل ظهرت فوق قحطان لكن والله ان يبطون وانا اخوك ماحد جاء ولا حد بيجي مثل فعول قحطان :)

هذا الف عشرين الف قصه في صفحه وحده ودمجها مع بعض هههههههههههههههههههه

ماهو بقادر يكذب عليك الا بيقدر :)

اتركوه والله مايتنازل عن كذبه الهلاس ذا واتركوا الجدال معه :)

رد : قصة ابن شافي مع راكان بن حثلين أرجوا الدخول

اقتباس:

من يوم ما قال ثمان قبايل ( بني هاجر و قحطان و ال سعود و مطير و عتيبه ووووو ) على العجمان و انا غاسل يدي منه

اصلا فخذين من بني هاجر كانوا يرضخون خشوم العجمان كلهم مجتمعين فكيف كل القبايل اللي قالها

هههههههههههههههههههههههههههههه

هلس واضح مايبيله اي شي

رد : قصة ابن شافي مع راكان بن حثلين أرجوا الدخول

ماعلى الذيب من ........... النعجه

رد : قصة ابن شافي مع راكان بن حثلين أرجوا الدخول

اقتباس:

المشاركة الأصلية كتبت بواسطة ناصر بن ناشر الهاجري (المشاركة 501620)

سبحان الله العظيم والله يا هالعجمي أنه مايفهم وشكله تربية الكويت نقول له العلم ولكن الظاهر أنه فاهيه

أن كان العوامي سالفته خرطي وانه ما عقر فرس الشيخ راكان الله يرحمه فتوجد سالفة جمل ابن لبده
يوم طرحه امام الامام وجيش الامام *****
ويوم يقول ان العجمان صدت قحطان فليعلم ان شيخهم فلاح بن حثلين يوم ذبحوه المطران ما خذا ثأره الا قحطان
وقد ذبح جمل ابن لبده الشيخ والفارس ابن بصيص من شيوخ مطير ومعه فرسان اخرين **وين العجمان من ثار شيخهم فلاح بن حثلين أليس هم الأبداء **
وايضا يقول ردينا قحطان وقد ردهم ورع من ورعان العجمان **** أقول ابن هادي لعزم على امر نفذه لا ورع من العجمان ولا اكبر شنب بيرد ابن قرمله والا ما كان العجمان انطلقواء لا بن سعود يستفزعون به ويقولون الجحادر حولت
على الشرقيه وترى الخطر على الجميع فقام الامام واصلحهم ومن ثم قام الفارس والشيخ جمل بن لبده
وراكان بن حثلين يحدون على خيولهم فقال جمل بن لبده
والله لولا امر الامام المطاع ********* ان ننشد وننزل بين الحساء ونطاع
فرد عليه راكان وقال لا تصدقه يالامام ماهو لك بمطواع نتاف لحية مرشد والشيخ الاخر ضاع
فقام جمل من فرسه وقمز على راكان بن حثلين وطرحه من فرسه وقرط في خشمه لين قام دمه يسيل فقال راكان امنعني منه يالامام ***** فكيف تقول انكم صديتواء قحطان ****قحطان لو حولتواء كان ما عاد بالشرقيه غيرها أحد
فليعلم العجمي من غير قصور في العجمان وهم كفو انه ماهو بقد قحطان والزين يدور قبيله على قده ويفتخر بحربها
لان قحطان اعجزت جيوش جراره وقبائل أقوى من العجمان وأكثر عددا وعده **
وترى ما بدينا بالحكي لين شفنا ورعان العجمان يطلقون ألسنتهم في كل منتدى بالكذب والحكي **
واتحدى ان تجدواء قحطاني واحد داخل على منتدى قبيله اخرى ويقول سوينا بالعجمان وفعلنا **لا ننا نقدر حلف
بينا ونقدر علوم شيبان حصلت على النقا والبرهان والا الحين راحت سوالف من جهال تريد تغيير التاريخ ولكن ما هو على كيفها لان كل شي موثق **

ويوم يقول

رد : قصة ابن شافي مع راكان بن حثلين أرجوا الدخول

ولاتنسى هية المسماه خمسة ارجال من قبيلة الحرقان فقط ذبحو قوم اسلوم من يام

رد : قصة ابن شافي مع راكان بن حثلين أرجوا الدخول

يا أخــــوان خلوهم يهايطون على اعمارهم

اجل تبغونهم يسوون منتدى ويقول قحطان كسرونا وهزمونا واخذوا الجزية علينا

اكيييييد لازم يغيرون من الاحداث لكن على مستواهم ومستوى عقولهم الصبيانيه

والا العلم اللي يجمد على الشارب اذا جاك شايب من العجمان يمدح قحطان وفعولهم ويذكر الحق اللي لنا وعلينا
فهذا خذ منه علم اما البزارين فعقولهم في اس؟؟؟

أكـــــــــتــــفـــــــــي بـــا الرد :

الله يرحمك يا ابـــن هـــــــــــــــــــادي ويرحم آل هــــدلان والميتين من قحطان

ولا هنتوا جميع

والطارف منكم يا عصابة راسي ســــــــــديــــــــد

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود