رد : هذا حصل امامي في شارع الأمير بندر بالرياض
 

ماله عذر بالسرقه اسال الله الرحمه والعافيه والستر

رد : هذا حصل امامي في شارع الأمير بندر بالرياض
 

رد : هذا حصل امامي في شارع الأمير بندر بالرياض
 

خلهم يسرقون مهب أطيب من ذا الي يلطشون ملايين

عيني عينك هههههههههههههههههههههه..

وتقبل تحيتي ..

رد : هذا حصل امامي في شارع الأمير بندر بالرياض
 

لا حول ولا قوة إلا بالله العلي العظيم

يالله أنك تهدي السارقين وتصلحهم ..... لأن اللي حده على السرقه هو الفقر ... بس تبغون الصدق ما فيه أحد في السعودية فقير إلا اللي مستسلم للفقر وإلا فيه في المملكة ألف شغله منها المتاجره بالخضار ........... إلخ.

ولكن ما نقول إلا حسبنا الله ونعم الوكيل


ودك أن السارق يقصون أيديه عشان غيره يتعظ ولكن لا حياة لمن تنادي




.

رد : هذا حصل امامي في شارع الأمير بندر بالرياض
 

قامت الفرقة الفلانية ..

بقيادة فلان...

وتحت اشراف فلان ...

وبتوجيه من فلان ...

وبمتابعة فلان ...

انفاذا لتوجيهات فلان ...

وبمتابعة ميدانية من فلان ...

كلام فاضي ...
...حلوه منك يابو عصام الفرقه مكونه من 7 مدراء ضباط (واحيانا صف الضباط يسووون فيها)) وجندي واحد في دورية مصدومه وبويتها مقشره ومافيها ونان ولا اشارات ولمبة البنزين مولعه واذا بغى يستعجل شرقت السياره الكربريتر وسخ مليان تراب المهم ان الجندي ادى مهمته بعد ما اشر وركب مع سنافي من المواتنين او سحب سيارته الدورية الى اقرب مركز شرطه واكيد راح يستخدم جوال المسعف لان ماعنده رصيد او شريحته مقطوعه
:::: صدقوني هذا هو ابسط تصوير واقعي لما يحدث:::::


زين خلونا نرجع ريوس واللي عنده الريوس مفصول يسوي يو تيرن U Turn
مثل راعي الموضوع ويرجع لنا عند الصيديله
ليش سرقوا؟
شباب؟
سعودي؟
برميل النفط=110دولار؟
انتاج الدولة 10ملايين برميل هذا الرقم الرسمي المعلن وهو الانتاج اللي ترجع قيمته خزينة الدولة من غير الشرهات والسوق السوداء؟؟
انا ماحطيت الارقام على شان تحسبون لا لا لاتفهمون غلط
تابعوا معي......
كم انتاج سابك اليومي او االسنوي من البتروكماويات؟؟
كم انتاج ارامكو من الغاز الطبيعي والمكثفات والغاز المسال Hydrocarbon Condensate And NGL
اذا علمنا ان سعر الطن الواحد من ال NGL هو 600دولار وسعر برميل المكثفات مقارب وملاصق بل اعلى من سعر البترول الخام
كم انتاج ارامكو من الكبريت السائل Sulphur اذا علمنا ان سعر الطن وصل 600دولار واللي مايعرف ايش السلفر اقول لا تعرف ولااقول مر على معمل غاز حرض تراه عندهم واجد وخذ لك كسرتين وافحس بها ناقتكم الجرباء وبكره تشوفها منقهه ومتعافيه ............... يستخدم السلفر في انتاج السماد الكيميائي وعلاج للجرب عند البدو(هم اللي رافعين اسعاره)
كم عائدات شركة الكهرباء
كم عائدات ضرائب البلدية
كم عائدات ضرائب الجوازات ومكاتب العمل
كم عائدات المرووووووووور
كم عائدات الاستثمارات الخارجية ...................
كم
وكم
وكم

عرفتوا ليش قلت لكم لاتحسبون لاني اتحدى اي كالكولاتر(اله حاسبه) تقدر تطلع الرقم من كبره يعني بمعنى عامي بتعنص بالرقم وينشب في حلقها وتطلع لك مسج يقول الرقم خيالي باقي الحاسبه تحسبه اذا خلصت اعطيناك نتيجه تقريبيه ؟؟؟؟؟؟؟

كم عداد سكان السعودية ((مواتنين))
قسم ربع الرقم اللي ظهر في الاله الحاسبه على عدد المواتنين وشوف كم يطلع عندك الحساب هذ للي يفكر ان الدولة ملكه وملك ابوه بس انت يامواتن فكر معي بفكر ثاني
كم عدد موظفي الدولة ......................
اسوأ رواتب على الاطلاق في منطقة الخليج وفي الدول المحيطه طيب ليش مايصير تعديل رواتب حقيقي موازي لانخفاظ قيمة الدولار والريال وغلا الاسعار حتى يعوض الريال قيمته الكيفيه بالكميه يعني ريال قبل خمس سنوات يساوي خمس ريالات حاليا في القيمة الشرائية والراتب محلك راوح
وغلاء معيشه خلى المواتنين اللي يطلبون بالاصلاح السياسي يلعنون ابليس بصراحه ضربة من الخلف بس هذي المره مباشرة على البطن وياحليلك يابطن
الحين الناس كلها نسيت الاصلاح السياسي لابو السياسه لابو اللي جابها ردوا لنا الاسعار مثل ماكانت وحياتكم وحياة اللي خلفوكم مش حنتكلم تاني في السياسه اعملوا اللي انتوا عاوزين في السياسه والرياضه والرقاصه والعالم الخارجي والداخلي ياعمي ان شاء الله تجيبون اسرائيل المهم خلونا ناكل نعيش الجوع مالوا امان (الجوع كاااااااااااااااااااااااااافر)) واليهودي كتابي ....؟؟؟

زين هذا المقال المتناثر حاول تجمعه عزيزي القاريء وتفهم منه شيء
يمكن توصل لسبب سرقة الشباب لحليب نيدو
يمكن تفهم سبب تخاذل رجال الامن
يمكن تفهم لا مبالاة موظفيالدولة
يمكن تفهم نقمة المواطن على كل ماهو حكومي ويمت للحكومه بصله
يمكن تفهم كره المواطن وحنقه وحقده على كثير من الوزراء واعضاء مجلس الشورى ولجان الاصلاح الاقتصادي والخرابيط واللي مثلها
يمكن تفهم الفرق بين السعودي زمان وبين السعودي اليوم ...؟؟؟......

مشكور ياراعي الموضوع الاصلي
مشكورين ياللي حسبتوا المصاريف ................ولا تعبتوا

تحياتي

ملاحضه:
مواتن=مواطن بس حبيت احسسكم برغد العيش والنعمه اللي تخلينا نقلب الططططاء تاء

رد : هذا حصل امامي في شارع الأمير بندر بالرياض
 

يا حبيبي يا بن حابي

نهن المواتنين ماكلين هوى

زين ما يشفطون الاوكسجين ... ويصر له وكيل وحيد بالمملكة

رد : هذا حصل امامي في شارع الأمير بندر بالرياض
 

عليه من الله ما يستحق هو وغيره من السرقان


لكن عندي سؤال ليش سرقوا ؟؟؟؟


ما عينوا وش ياكلون وش يصرفون به اعمارهم


لا هنت يا يعلي

رد : هذا حصل امامي في شارع الأمير بندر بالرياض
 

أنتشرت السرقات في الاونه الاخيره وبشكل ملحوض

الله يصلح الشان

رد : هذا حصل امامي في شارع الأمير بندر بالرياض
 

:0201046_

em :040104_em

:0201043_em

:0201042_em

:04010432_em

:1108277366:

:1108276363:
الشرطة نائمة

السارق يمكن جائع

السارق يمكن ارسلوه اهله يشتري حليب لاخوه الصغير وصرف المبلغ واضطر يسرق

الاسعار نار والغرف التجارية في كل انحا المملكة نائمين

الشعب تعبان والغلاء مستمر والحالة يعلمها الله

النفاق في كل شيء

كلام ماجد الخليفي صحيح والله يوفقك يا ابو عصام

رد : هذا حصل امامي في شارع الأمير بندر بالرياض
 

الأخوة الكرام اشكركم جميعا على التفاعل والردود المتزنة ومحاولة اجاد مبرر للسرقة

لكنها للأسف مبررات غير منطقية ابدا شفت ان حوالي 90% من ردود الأخوة الأعزاء بان الجوع هو سبب سرقات الشباب

هذا مع احترامي الشديد مستبعد تماما ... الشباب في سن المراهقة يعني عايشين مع ابائهم محمولين مكفولين لا وعندهم ددسن يتنقلون بين المحلات للسرقة اما لتغير جوال او تضليل قزاز او تغيير جنوط او شراء بعض الحبات البيضاء التي تأتي من الخارج عابرة نقاط التفتيش ....

خلونا واقعيين اكثر لو سرق من بيت احدنا او بقالته او اي محل كان ولو بقيمة ريال لتأثر ليس على القيمة وانما على الجرأة على السرقة ولن يجد اي مبرر لتلك السرقة الا عدم تربية او قلة الأمن للأسف ( فمن امن العقوبة اساء الأدب )

كم نسمع ونقرأ يوميا القبض على السارق فلان وعلى المجرم فلان وعلى وعلى ولكن لم نسمع او نقرأ للأسف اي عقاب وقد يكون هذا هو مربط الفرس