أخوي السندباد..

أولاً أشكرك على ردك اللطيف وتجاوبك..


ولكن.. إذا بن ناجي أو بن فردان لعبوا الخطوه او الشهري أو غيره في زواجاتهم فهل نجزم بأنها من لعب قحطان؟

ماهو بشرط.. أنا حضرت زواجات قحاطين بعضهم جايبين السامري..

بعدين لاتنسى بن درجان ذلحين صار تحت الطلب لو تقوله عطني دسكو جابه لك.

وأنا أقصد بكلامي في ردي الأول بأننا ماعمرنا جبنا الطقطقه والبلحطه في زواجاتنا ( أقاربنا )ولا شفتها في زواج أي واحد فينا لأن القزوعي أساساً هو لعبنا.

ومن ناحية القلطه تقول ماقد شفتها في السراه.. فأقولك سلامتك

لعبوا القلطه عند آل معمر قبل كم سنه وخاصة في الغلقه وبحضور الشاعر الكبير على بن حمري وعندي شريط فيديو مسجل.

وعند آل بسام لعبوا القلطه بحضور الشاعر الكبير عبدالله بن شايق ومسفر الحبابي وشاعر عتيبي يقاله الذيابي وفيه شاعر ثاني ناسي اسمه.

ولكن إن جيت للأساس القلطه أساساً مانلعبها خاصة حن يآل معمر وإنت عارف أكثر اللي منتشر عندنا القزوعي.


وتقبل تحياتي.