رد : سجل حضورك اليومي بقصيده أو حكمه أو خاطره
 

الفكره حلوه بس عندي فكره بضيفها عليها


نبي الكلام اللي يطلع منكم مخلوق وليس منقول


يعني بدل ماتنقل بيتين من قصيده لا خلوه يساوي بيتين من عنده


وبدل ماينقل خاطره لا يكتب هو خاطره


خلونا نخلق شيء جديد وحتى لو كان مو مره مضبوط بس مره مع مره وتضبط ويطلع الإبداع من الشباب


كل واحد عنده طاقات كامنه عطوها فرصه ترى النور


هذا إقتراح والرأي يرجع لكاتب الفكره وصاحب الموضوع الرائع والمتألق الأخ مفرح بن محمد

رد : سجل حضورك اليومي بقصيده أو حكمه أو خاطره
 

لا تنسون من أعماركم لي قدكم تصحون <<<<<< حكمه

سمعت يامنصور

رد : سجل حضورك اليومي بقصيده أو حكمه أو خاطره
 

هذه خاطره من عندي هديه لك يابو جابر


الحب شيء جميل تعيش به النفس في أجمل حله


العشق يحمل بين يديه حب في سله حب


الغرام يفتح عندما تغلق سماء العشاق


الهيام يصبح واقعا عند غياب عقول أصحابه ...بالمناسبه هو أرفع درجات الحب منزله


الهائم يراه الناس مجنونا ويرى الناس مجانيين وكليما بعين العقل يرى


الوفاء واجب ضميري لمن يحمل بين جنبيه ضمير إنسان


الشكر واجب أخلاقي لمن عرف للأدب معنى


التسامح واجب إنساني يصنع للصداقه برج عاجي

الرجوله غابت معنا وبقيت لفظا في زمن أصبح إسم رجل قولا رجعيا


الأنوثه ضرب من الجمال الفاخر لاتحسنه سوى الأنثى من النساء


الدلال صوره طفل يطلب لعبه في جسد أنثى يطلب حنانا



وش رايك يابو جابر عسى اعجبتك تراها على مايقولون من بنات أفكاري ودورت على أولاد أفكاري ما حصلتهم تقول أمهم طلعوا الكلاب في الشارع يلعبون

رد : سجل حضورك اليومي بقصيده أو حكمه أو خاطره
 

صلاتي على النبي صلاة تاصله

ما أستغرب عليك الابداع يابو نواف

بس أنصحك ذليل براس حجر سندي وبراد شاهي وسط

شفطه من هنا وجغمه ومن هنا وشفطه من هنا وجغمه من هنا ألين تحس أن قد لسانك بيندر من راسك

أذا شعرت بذا الشعور فهاذا يعني أن المخ بدا يتوسع وصار يدف اللسان ألى الخارج


أنت أستغل الفرصه وأنتق بالفورد ألى أقرب منطقه صحراويه

ويستحب لو تاخذ لك كم من زقاره هناك

وعلى اللمبه السقفيه

أكتب في دفتر الذكريات أجمل القصائد

وأطرق بأجمل الالحان




لازم الواحد يستثمر موهبته يا منصور

رد : سجل حضورك اليومي بقصيده أو حكمه أو خاطره
 

هههههههههههههه الله يسعدك يابو جابر وتراني عدلت عليها شوي ارجع وشوف التعديل


قدام مر علي ولا بمر عليك


تراني فاضي عزوبي وماعندي شيء


ولو بعد نطرق ابو ريان تراه يحب الإبداع


وخلنا نروح ذليل واتناطح انا وياك يابو جابر لين تفجر روسنا وتقول انحن نمشي على الديزل


من الدخان اللي طالع من أذانا


وش رايك انت حولي ولا حولي

رد : سجل حضورك اليومي بقصيده أو حكمه أو خاطره
 

خخخخخخخخخخخخخخهه

وش ذا التعديل يابو نواف

سو ألي قلت لك وتشوف التعديل الصح

يفرق 180 درجه عن الموضوع الاصل

تزبيط ترتيب كلمات مؤثره



أنا ألحين في الدمام يا منصور البارح كنت في الديوانيه

عندهم حجر يفت الراس

والله ولا أبن أمه في الرياض يشتغل زيهم

بعدها رحت أتمدد على الشاطي

وسواليف وضحوك لين السحور

لكن مدري وش صحاني ذلحين صلاة الصبح

كن من علم لي أنك لحالك قلنا نجي نسولف معك

ون شاء الله حن متلاحقين في الرياض صوب بعد بكره



شوكرن

رد : سجل حضورك اليومي بقصيده أو حكمه أو خاطره
 

أخاف بعد بكره تجي وانا بطلع الدمام


عيالي هناك وبروح اعيد هناك بس نشوف ممكن أكون موجود


اجل رحت للديوانيه


شوف لو تلف السعوديه مافيه زي الديوانيه ولاتجلس في الجلسات الخاصه


خل مع عامه الناس والله يضبط جوك


ياخوي مدري وش خلطاتهم ذي لايكون فيها شيء الله يستر

بس عز الله لو راح لها نمر بن عدوان ماعاد قال شيء في وضحاء وقلب على هيفاء وهبي


المهم يابو جابر الليله خذ نخبي ونخبك سوا ولاتنسى تحييني في غيابي

رد : سجل حضورك اليومي بقصيده أو حكمه أو خاطره
 

أذا بتروح عليك والامزون

أخبره السنه ألي راحت والله لا الديوانيه ولا حولها

وأنصحك أذا بتروح الشرقيه لا تنسى تروحه

تره في العزيزيه الخبر

وكل شي فيه من أفضل شي

وأنا في أعتقادي أن الامزون أفضل بكثير أذا عاد شغلهم زي أول

دمت

رد : سجل حضورك اليومي بقصيده أو حكمه أو خاطره
 

الأمازون في البحرين يابو جابر


هذا اللي اعرفه


ومتأكد الأمازون في البحرين بس اذا فيه واحد ثاني في العزيزيه ما اعرفه

رد : سجل حضورك اليومي بقصيده أو حكمه أو خاطره
 

لا والله ألا فيه

وأسأل الشباب ألي في الشرقيه يعلمونك به

أنا ذلحين قبل دقيقه

دخل واحد معي على المسن من أهل الشرقيه وبنتقابل ذليل فيه

أن كان يمديك تنتق لنا فالله يحييك