شبكة قحطان - مجالس قحطان - منتديات قحطان

ابداع سعد بن شفلوت المناديه

http://www.qahtaan.com/works/up/uplo...1178375857.jpg
[poem=font="Traditional Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
تبون الحقيقه والله ان مـا علـي اخـلاف=مع الهاجري سلطـان ولا مـع ضيـدان
اذا هي بنظم القاف يا ما نظمـت القـاف=وخليتـه ينافـس قوافـي سعـد جـدلان
صرفته مثل صرف الدراهم من الصراف=وصنعته مثل مايصنع الجيب فـي اليابـان
ربيع القلوب وصيفهـا ساعـة المصيـاف=خليط من الياقـوت واللـول والمرجـان
عطيته ثقه واعطاني الـوزن والمحـراف=وفجرت به بركان واخمـدت بـه بركـان
تجاريـب ومعانـاه وابـداع واستكشـاف=سياسة بدو وتميـل لسياسـة الحضـران
اخوف به الشاجع واشجـع بـه الخـواف=واعالج به كبار القضايا حسـب الامكـان
واذا جات للميقـاف حنـا هـل الميقـاف=سلايل بني مندي هـل الخيـل والميـدان
لنا شيخة ابنا طلق من ماضـي الاسـلاف=وهم كلهم من ماضـي اسلافهـم شيخـان
تحت بيرق ابن جلاله الفـارس العسـاف=ولد خال ابوي مهيـد الخصـم فالميـدان
لنا مربط للخيـل عـاد السنيـن عجـاف=ولنا وسم تعرف به عطايـا الله الرحمـن
تعبنـا وتعبنـا ظهـر كاملـة الاوصـاف=ورحنـا وجينـا ماعلينـا مـن العـدوان
ردعنا العدو بالسيف يوم السيوف ارهـاف=وعطناه ماجوبـه علـى مفـرق الحجـان
كسبنا النعم غصب ورقينا على المشـراف=وقمنـا بـدور بـارز يذهـل الشجعـان
لمنا وردنـا مـا نشدنـا متـى المنكـاف=قبل مانسيّـل مـن دم خصومنـا وديـان
مواريدنـا مسموعـه وفعلنـا ينـشـاف=يشوفه بصيـر العيـن ويشوفـه العميـان
ايدينا نضيفـه والنيـا والقلـوب نضـاف=يسابـق بعضنـا الاخـر لذبّـة الريعـان

للاقراب طيب وفزعه وملتجى واسعـاف=وللاعدا سيوف تقطع الروس من الامتـان
زبون الدخيل اللي عيونـه قـدم وخـلاف=ودرع الخوي لا كشّـر الوقـت بالنيبـان
يجينا على حب المراجل سطر واشعـاف=ولا هـو بمنـا واحـد مايجيـه جـنـان
سواة البحر لا هاج يصفق على الاطراف=واذا انه ركد شفت الجواهر على الجيلان
ولا نخضـع الا لله الـواحـد الــرواف=وهبنـا تعالـى هيبـة ماوهبهـا انـسـان
تواريخنا تشهـد وتشهـد لنـا الاعـراف=وتشهد قبايـل يـام والحجـر وشهـران
صحيح ان عددنا مـا تعـدى ثـلاث الآف=لكن شرنا من ساحـل عمـان لا نجـران
فمن غطت النعمه على قلبـه والانجـاف=يجيني وانا اكتب له عـن فعولنـا ديـوان
ولا صار زله من خفيـف ٍ وراه خفـاف=تركنـاه لنـه مايهـدّف مـن المـرحـان
لزوم ان تنـزه ونترفـع عـن السـواف=ماحن بنتلفت في حكى العجـز والنسـوان
واذا جا الغلط من حاسـد حاقـد حـلاف=شنقناه لين يقـول انـا مخطـي وغلطـان
واذا جات للضيفه وللضيـف والمضيـاف=فحنا الكرام وخير مـن يكـرم الضيفـان
نقوم بمواجيب الضيافـه بـدون اسـراف=نقلّـط علـى قعـدان ونقلِّـط القـعـدان
واذا جـات للجيـره وللجـار مايكتـاف=معـزز مكـرم لا يـواذى ولا ينـهـان
واذا هي بختم الدوله فختم ابوي مضـاف=مع اهل الختوم اللي تورث مـن الشيبـان

واذا جات للداعي خذفنـا الغتـر حـذاف=وصلنا وجلنا في عجـب ربعنـا قحطـان
بعضنا معه سيـف فتـق حـده السيـاف=وباقـي القبيلـه خنجـر ومحـزم مليـان
واذا هي بضرب الخشم ومداحمة الاكتاف=علكنا المصايب تحت الانياب علك البـان
هذا سلمنا في حاضر الوقت واللي طـاف=واعدل على ماقول واحلف علـى القـرآن
وكـل لـه ايـده يـوم دم العـرب ذراف=يقول المثل ذكـر الحيـا والرجـال يبـان
اقوله وانا من راس عود سعـى واطـاف=وصل قمة تصعب على الشيـب والشبـان
مقدم بني عمه هوى الضيـف والميـلاف=عدو البخـل والشـح والقـل والنقصـان
ولا عـدو العـراف عـد اول العـراف=يفك النشـب بالوجـه والجـاه والميـلان
وليقيل ابن شفلوت قالـوا ذرى وانصـاف=يذري الدخيل وينصـف الحـق بالبرهـان
والاسما تشابه والفعايـل تجيـك اصنـاف=وكـل علـى مـا ورثـه بـوه والجـدان
والاشراف بتقوم القيامه وهـم الاشـراف=هدفهم شريـف وطيبهـم يقلـب الميـزان
حداني على بدع القصيده بعض الاهـداف=امـور تغـث الكبـد وتضيـق الشريـان
دوى الشاعر الموهوب ماهوب فالسقـاف=دواه القصيد الـذرب والهاجـس المليـان
لو ان القصيد اصبح تهاويـل واستلطـاف=تبـلـوه نــاس مايعـرفـون للقيـفـان
يبون السفينه تبحـر بهـم بـلا مجـداف=يحسبون شعر النظـم للمرجلـه عنـوان
احدهم على ميله واحدهم علـى قرقـاف=سواليف ورعان تسولـف علـى ورعـان
هـذا كنـه معمـر وذا كنـه الصحـاف=يمينه قصيـره لكـن انـه طويـل لسـان
بدينا نعاف الشعـر والشعـر مـا ينعـاف=غدت ساحته غرفـه كبيـره بـلا بيبـان
عسى الله يعوض بخير فالشعر يا نـواف=ويجبر مصيبتنـا ويحسـن عـزا حسـان
توفى الجبرتـي والثبيتـي قبـل صيـاف=وبعد ماتوفى المسردي مات ابن جـروان
ولا زال شعر النظم شـاره لهـا هـداف=ولا زال شعـر الـرد متعلـق بالاذهـان
على قول راعين الملاييـن هـاف هـاف=بعد ماحصل في سوق الاسهم عمى الالوان
وانا والله اني شاعـر مـا علـي خـلاف=اوقف مع سلطـان واضـد بـن قضعـان [/poem]

بدر بن هادي الوبري

وقصيده في المناسبة

http://www.qahtaan.com/works/up/uplo...1178384173.jpg

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا الله اني في حماه من المعاصي والخطايا=والشقاوي لا سرى في الليل قلنا ويش سرابه
القوافي في خفوقي كنها نوق ضمايا =والمشاعر مثل عد يروي الظامي شرابه
يا قصيدي والله اني فيك سويت السوايا=لين خليتك على قول العرب يحسب حسابه
اعرفه دم تاكسد في العروق وفي الخلايا=انبسط لحظة حضوره وانعمس لحظه غيابه
ان هويته قمت ادرهم فيه درهام المطايا =وان جفلته كلها يومين واعني ركابه
ابتديت اشعب بيوتي مثل عيصان الحنايا=وانتهيت بموقف بين القبايل يكتفابه
والشعر في وقتنا قاضي يحل من القضايا=ما عجز في حلها بعض المحاكم والنيابه
والرجال اشكال كل له جليس وله سجايا=فيه من جمل بلابه وفيه من نقد بلابه
وفيه من نوقه حيام وفيه من نوقه روايا=وفيه من يدخل ويطلع ساكت ما احدا درابه
وفيه من تعتزي به لا اقبلت خيل الغزايا=كنه ذيب فوق مرقابه يدم الصيد نابه
فيا ابن عمي روح سلم لي على بيض النوايا=الزحول اهل المراجل والكرامه والمهابه
روح سلم لي على وبرية شمخ الهقاايا=لا بتي وعروق راسي لا اقبلت خيل الحرابه
نعتزي في ماهد ونورد على حياض المنايا=من عبيده والعبيدي في المواقف ينغزى به
مزبن المضهود والجالي مسترة العرايا=عاشقين المرجله واقولها عنهم نيابه
من زبنا نحتمي دونه وتلقون الروايا=ينشرون فعول من رجالهم ما صك بابه
عندكم مثل المهادي محتمي جرد السبايا=يوم وقف وقفته مع مفرج واحتفى به
وعندك ابن شري مسعود ما بقى بقايا=ثار في طلحان واوصي في عياله بالطلابه
احتمو للقوم في مية وسبعة والتلايا=روحو مثل النداوي لا برق طلقة عقابه
ومن ذبح خاله حميا في خوي ما تهايا=جرد السيف المهند يوم سله من جرابه
والشفاليت الشيوخ اللي ينجون التلايا=ضدهم يلقى الحسايف والندايم والكابه
حن عبيده والعبايد مروية حد الشبايا=كن ربي ما خلقنا غير لبروق السحابه
نبرق الطالات ويدين الظفر سحم الرفايا=ثم يحير بسيلها روس العجايم والشعابه
من نوى فينا العشاء نسبقة ونحطه غدايا=كم وكم فريس قوم بالقهر شقق ثيابه
وزندنا جمع الجحادر مكسره جيش العدايا=تحت رايات الزعيم اللي تزعم من شبابه
ابن هادي وابن شالح وابن لبده والتحايا=للجحادر كلهم جمع يزحزح من نوابه
وعضدنا كل الحباب اللي تقول انهم شظايا=مافيا في المرجله ما كنها الا عصابه
لابة وقت التلاقي تدبل الكيه كوايا=فوق سا حات الوغى مثل السراحين الذيابه
لابة جراب الحبابي يوم وقف له سرايا=ثم حولها هجوم وكنه الا ليث غابه
والهواجر نسل سلطان العبيدي في اللقايا=تكسر الجمع المغير ومرجلتها ينحكى به
وكل سنحان السباع اللي يسوقون الحمايا=ووادعه ورفيده الحكام اصحاب الذرابه
مع بشر وشريف كعمان العداء كرام اللحايا=والقبايل صف واحد كلها اخوان وقرابه
كلبونا نلتحف قحطان عودا جدنا يا=سائل عنا ومن يسئل نوافيه الاجابه
حدنا حد العراق لنجد لا سبت العلايا=ومن ورى عجمان لا صبحاء على من هضابه
يشهد ابن رشيد فينا والشوارف من مضايا=ويام والسبعان ومطير النواظر مع عتابه
مجدنا سطر به التاريخ في كل النحايا=مثل عد يروي الظامي بماه ويرتوى به
الدخيل نسوق في دمه من كبار العطايا=نعتقه من ضربة الجلاد ونداري صوابه
نكرم الطرقي وننجي كل طلاب النجايا=وديننا دين الرسول ونتبع ما في كتابه
وكل متسلق طموحه في صعود الهملايا=وكم ضعيف عزوم ما عداء ولو راس العدابه
ارسليها يا الهبايب وانطقيها يا الشفايا=القحاطين اعتلو بالطيب من عصر الصحابه
والقبايل ما عليها زود في كسب الثنايا=قلتها والله خلقنا كلبونا من ترابه

[/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود