|
رد : مزاين قحطان
يا جماعة غيرو المكان والموعد
لأن شهر 1محرم يمكن يصادف أختبارات النهائية لترم لأول وأكثر هم بيربطهم لأختبارات من ناحية الدراسة ألي يدرس من الشباب ولا تنسون أن المزاين لأبدمايجي الواحد قبلها بيوم أو يومين أقل شيء على كذا الواحد يبغاله اسبوع يستعد وارجو يا جماعة تقدير الوضع لامكان مناسب ولاشهر مناسب وشلون بيسير لها طعم وسامحونا على لأطالة............ |
رد : مزاين قحطان
مرحبا بالجميع اخوانكم المنظمين اتفقوا وسووا اللي عليهم الباقي على الظفران شرواكم اما من ناحية الامتحانات فاعتقد ان بيضان الوجيه ما نسيوه لان اجازة الربيع تبدا في 19 /1 يعني الحفل الختامي واسبوع في الاجازه يعني كلش مدروس
اما سعة المكان وضيقه فالضيق في القبر لاصحاب الردى وانتوا ربع ورفاقه والاجناب والضيوف معمول حسابهم والحفل مرتب المطلوب الحضور والتعاون وشبة الضو في عالي المناره |
رد : مزاين قحطان
مساكم الله بالخير يا صبيان قحطان جميعا وبخصوص المزاين احب اضيف معلومه وهي ان المزاين بعد العيد باسبوعين والجوائز وصلت الي 8000000 مليون اريال سعودي وتكفون ياعيال عمي بيضوا الوجه قدام القبايل كلها ونا كبدي اتقطع من الحسره لاني بامريكا ولا اقدر احضر والبركه فيكم
|
رد : مزاين قحطان
يا اخوان وصلني خبر متاكد منه 100 %
المزاين راح يكون في شهر 3 \ 1428 في مدينة الجلة 100 كيلو غرب الرياض |
رد : مزاين قحطان
ابشر بسعدك .................
وأنا وربعي ال قريش أول الحاضررين....................... مع تحيات: القريشي |
رد : مزاين قحطان
العلم الأكيد إن المزاين في أخر شهر واحد أو أول إثنين وفي محافظة القويعية بناءً على توجيه صاحب السمو الملكي أمير الرياض يعني في ديار قحطان .. والعلم إن هنالك إرتياح كبير من قحطان على المكان الجديد لإنه قريب منهم واجد وبتصير المشاركة من ملاك الأبل واجد . وبيض الله وجه الأمير سلمان على تدخله وتغيير المكان.
|
رد : مزاين قحطان
انا والله وصلني خبر من مصدر موثوق بس لالحين ماني متاكد منه ميه بالميه ان المزاين احتمال كبير جدا انه راح يتكنسل او يتاجل لوقت غير معلوم وانشالله ان هالخبر يكون غلط او غير صحيح بس لازال مكان اقامة المزاين محل خلاف والقرار النهائي الالحين ماتوصلوله اللجنه لان اكثر اهل الدبش في الصمان والدبادب وفي شمال الدهنا والمكان الاول كان يناسب اغلب المشاركين وكان مثل السنتر للجميع والحين فيه اخذ ورد في الموضوع
|
رد : مزاين قحطان
عاده في قحطان كثر الاشاوير
سبقني عليها بيت لشيخ شالح بن هدلان وانا لكثرة لشاوير مااشيير ****ولا ابرز معا داعيآ مادعاني |
رد : مزاين قحطان
الله يبيّض وجيهكم
بوقفتكم وتكاتفكم وحن معكم ان شاء الله |
| الساعة الآن 12:23 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com