[poet font="Arial,5,black,normal,normal" bkcolor="transparent" bkimage="backgrounds/8.gif" border="groove,5,gray" type=2 line=200% align=center use=ex length=0 char="" num="0,black" filter=""]
مل قلب هزه الهم والهــــــــاجوس هـــــز
-
مل قلب هزه الهم والهــــــــاجوس هـــــز = وارتجف عرشه وزلزل وجا فيه اهتزاز
عقب ثلثين من الليل فز القــــــلب فـــــــز = مثل فزة واحد واطي كسرة قزاز
كن بأقصى ضامري ياجمـــاعه نار قـــز = والضلوع يلوعها مثل ضو البوتقاز
وكن فــوادي من عـراويه بأمواس يحـــز = من همومي والهواجيس في صدري حزاز
عقب ذا يـــاراكب اللي على الغـــايه برز = جمس شكمانين توه جديد آخر طراز
يعجب الســـواق لي ما عطـــا حزم الجرز = وأن تحرك يقرب البعد ويشق الغراز
من ديار البــعد قلب العــنا صـــابه قـلـــز = ومن ديار البعد عز الله ان القلب جاز
الغدا لي ســـــــــهل الله بدايات المــــلـــز = ثم يشيك من محطات موقفة الحجاز
وغادر الديره مع العصر يوم انه جهــــــز = وأنتله مرفوع بالوصف كنه أريل جهاز
والعشا حول الســليل مع المغرب نجــــز = حايفه غمر شقردي وعادته النجاز
ثم تحرك والدريول يــلــز الرجــــل لـــــز = طول ليله راح كله مساقط واجتياز
والونيت يشـجــع اللـــــي يحبـــون اللزز = لو يقحص ويل طلع من القاع ارتواز
كنه السكران لي غزه الشــــيطان غــــز = عقب ماأفلا غرشتين وطاب له الخناز
ينطنخ ويشوش ومن المخــاطر ما يكــــز = شايف بعض العرب كنهم عنده عفاز
لا أشرقت شمس الضحى لي الونيت بكل عز = واقف في وسط ديرة بني عم عزاز
-
حمد هادي المسردي رحمه الله
-
[/poet]

بيض الله وجهك يالجربووووووووووووووووعي
والله يعطيك العافيه

ومني لكم هذه القصيده


مل عين (ن) عافت النوم عيت ماغـفت
عيت من النوم واختارت الســهر بدله
عيت الدنيا وســــود الليــالي ماصـفت
لين بين كاضم الغيض غيضه وازعله
وش بلا الاخبار من صوب ذولاك اوقفت
كــن مــاعـدبه عـلاقه ولا عـدبه صله

شكرا بيض الله وجيهكم كلكم
ياليت تعطوننا قصيدة الجمس التي يقول فيها:
ومن بعد ذا ياركبي لا مشى لو لا الفرامل يمسكنه طار جمس...
ماطوره ثمان سرندلات...مضمنينه من حفيزات الوكالة جهاز حسب الطلب ما مونه من التغريس كفرات بيلون...
ومنها شبل لا هوب يتعقد ناظره نسل اسود غاب ضاريات

.

لا هنت يالجـــــــــــربوعي الحقيقة موضوع مميز ورائع واكثر من رائع
حمد هادي شاعر الشعر بالنسبة له كل هواء الذي يستنشقة وهو غني عن التعريف

الله يرحمة رحمة واسعة

تقبل تحياتي

------------------ اخووووووووووك هاوي نجد ---------------

انتظر يالحادي . خل الربع يتذكرون القصيدة (:

الله يرحمه عزالله انه شاعر فحل

الأخ محمـــــــد الجربوعي ... موضوعك 100%
وبيض الله وجهك .. ولاعندي أكثر مما قال الأخوان .. و الشكر

الشاعر حمد هادي من فحول الشعراء في وقتة واظن ان حتى خلف العتيبي ماوقف بوجهه لاهو ولا الزلامي

وكثير من الشعار يتحاشونة واالاصتدام معة في محاورات قوية

وله ايضا عده قصايد قالها في الدواسر على اثر هيت ال اسويدان وهيت جرير وهي معروفة