|
اقتباس:
اخوي وابن عمي بني هاجر ترا هذي الطريقه مراح تنفعك صدقني وطريقة تهربك واضحه جدا ً اما عن الملم والي غير ملم قريب بتعرف :) |
السلام عليكم عموم المتصفحين شهوان ماشالله عليك الظاهر تحب الشعر كثير ومركز عليه انت قلت ابي كتاب او مصدر لكلامكـ ابشر وانا اخوكـ وش رايكـ بالكاتب محمد الهاجري صاحب كتاب شعراء وفرسان من الصحراء مادام سعود الهاجري انتقدت كتابه اسمع وانا اخوكـ محمد الهاجري يقول :-الى عبيده تنسب قبائل جنب وولدت عبيد طبعا من معاويه بن الحارث ضيغم ومن بني ضيغم عبده من شمر , ولد لضيغم سلطان العبيدي الملقب بالمهاجر والذي تنسب اليه قبائل بني هاجر وولد لسلطان المذور منيف ومحمد جد ال محمد وحسن جد المخضبه هذا كلامه في كتابه صفحة 104 و105 نرجع لقصيد ابن عفيشه الله يرحمه وهو على فكره الوحيد على مااعتقد اللي ذكر الضياغم وله اسباب ذكره للضياغم وراح اقولها لانه في يوم من الايام نشب نقاش بين ابن عفيشه وبين رجل اسمه سعيد وكان سعيد هذا شاكـ في اصل ال شهوان وعندها قال ابن عفيشه : حنا الذي يضرب بنا الوصف ياسعيد 00ضياغم من روس جنب وقحطان هواجر يوثق بنا في المعاهيد 000 وقحطان ابونا حافظين رصيده علشان كذا وانا اخوك قصيد شعراء وفريس ال محمد والمخضبه مايجون على ذكر الضياغم للتعريف باصلهم لا وانا اخوك فعلهم وفخرهم بقيبلتهم بني هاجر هو زبدة القصيد ومثل ماقلت لك قبل الشعراء مايذكرون حتى قحطان وهو مرجع الكل بقصيدهم الا وقت الفزعه يعني الشيء لايذكر الا لسبب وبعدين وانا اخوك انا ما اكتب هنا علشان ارد فقط لا 000انا اكتب علشان كل واحد يعرف طريقه اللي ماشي فيه انت وابوسعيد والاخوان اللي يساندونكم ببينه ومن غير بينه حنا هنا علشان نعرف الصحيح مو علشان الفاهم وغير الفاهم يتكلم بقيبلتنا وياليت نقلل الكلام في الموضوع هذا ونقفله اذا استمر النقاش على هالمنوال لان معظم اسئلتكم مكرره وهي يابني هاجر عطنا قصيدة حرفاش في عبيده 000 يعني لو قال القصيده كنتم بتصدقونه اذا كان على القصيد وانا اخوك ابشر باللي يدسم شاربك يومين وانا اكتب لك قصيده اني من الاشراف لو تبي 00منو اللي يبي يرد لساني ياجماعه كلكم 000عمر القصيد ماكان دليلنا في الاصول حكموا عقولكم ولاتنجرفون ورى كلام اللي يدري واللي مايدري لانه من غير المعقول يجي واحد بالمنتدى ويقول اول مره اسمع ان الهواجر ضياغم وانا لي اصدقاء بالهند ومدري ايش ولا قد سمعت فيها 00 لانه انت منت من بني هاجر والمعروف ان ربعنا من النادر يتكلمون في الاصول وبالمجالس هذا حكر على عيالهم وبالنهايه اختلاف الراي لايفسد للود قضيه |
اقتباس:
تحياتي لك |
اقتباس:
اخي الكريم بني هاجر :) ذكرتني با لمثل اللي يقول (( كلن يرى الناس بعين طبعه )) وطبعك هو انك امضيع اصلك !!! وفي ظنك باقي العرب مثلك ,,, عجل اول مره تعرف ان الحرقان من الضياغم عزتي لك في ذمتي !!!!!!!!!!!!!!!!!!!!!!!!!! انا سليل حرق بن طلق من قبائل الحارث الضيغمي العبيدي يا صبي شريف ياوجه جنب ,, وانت امضيع جدانك وحنا عطيناك العلم اما اقنع با لصدق او اصمت واحفظ ماء وجهك !!! لأنك تتهرب من قول الحقيقه وقد بدا تهربك واضح امام الجميع ارفق بحالك وبأسمك (( بني هاجر )) التوقيع الحرقي الضيغمي العبيدي ,, صدق ماهوب ادعاء :52_asmilies-com: |
اقتباس:
بن حضرم رحمه الله لم يكتب القصيده من خمسين سنه ؟؟ هل كتبها وهو ابن الــ العاشره او الخامسة عشره نعرف انه مات وهو في الستينات من عمره ورجل كفو وسمعته طيبه وعليه توصف الرجاجيل ولكن ما توصل انك (( تكذب )) يابني هاجر وتدعي على شخص ميت انه كتب قصيده عمرها خمسين سنه والصحيح انها حديثه وتسجيلها حديث لا تتعدى الــ العشرين سنه او اقل !!!!!!!!!!!!!!!!!!!!!!! هل افلست لهذه الدرجه ؟؟ لا عــزاء لك احفظ ماء وجهك يابن الكرام وارجوا منك ان لا تنوب عن بني هاجر في هذا الجدال واتمنى كل الاماني من الاداره وضع حد لكل هذا ,, والله لا يرضينا ما يحدث هنا امنعونا من المناقيد يا ادارتنا الكريمه |
صباح الخير اخوي شهوان
ماشالله عليك احسدك على سعة صدرك تقول ابن عفيشه الله يرحمه ذكر عبدالله وعبيد ال رشيد كلامك صح ذكرهم لانهم حكام مثل مايصير الحين مع شعار عنزه الحاكم مخدوم بالقصيد وانت لاتأخذ القصيده بشكلها الخارجي وانا اخوك القصيده خذ اللي ببطنها والهدف لازم تركز على الهدف من ذكرها مثل لو قلت لك انت بخيل وش بيكون ردك بترد لي بالقصيده انك فارس او من القبيله الفلانيه لا انت بترد علي بانك كريم وهذا اللي حصل مع ابن عفيشه هدفه تأكيد اصله قدام اللي شككـ فيه وعلى فكره معك حق في الخطأ اللي في الشطر الثاني من البيت الاول على طاري القصيد الشاعر حويدي العاصمي يقول وتامن من سمح الكعوب ثمانيه 000 يامن به الطياح والملحاق وحنا بني هاجر عريب جدنا 0000 في الكتب لمن فلت الاوراق العاصمي من قحطان لكن هل هو هاجري تعال اخوي شهوان انتم ليه هواجر ليه ماتقول شهوان الضيغمي والا ممنوع تنكتب انتم مو اقرب على قولتك لعبيده من قحطان وليه ماتكتبون العبيدي تدري ليه ماتكتبونها ؟؟؟ ماكنت احب النقاش يوصل لامور ليه وليه لان مالها تبرير الا بشيء واحد اما انكم هواجر وعلى قولتك وقولة ابوسعيد من شريف او ان بني هاجر كلهم ضياغم وان اختلف الجد اللي يوصل لضيغم وانت كل تركيزك على هات شاعر وهات شاعر نحن مانحن بحاجة شاعر يعلم الناس باصلنا ولا احد شككـ فيها حتى اكثر الفريس والشعار مايذكرون قبيلتهم الا لمناسبه وبأي قبيله الكلام هذا فياليت تركز على غير القصيد لانه مو اساس للنقاش او لانك انت ماتملك غير القصيد فهذا شيء ثاني |
عامر الكدادي
لافض فوهك يابن مكدد وافي من وااافين لاعدمنااااااااااك واخونا شهوان اتضح في اخر الامر انه ( يــــــــــــــعاند) انا ما اجامل انا اقول الصدق والله يسامحك ياشهوان وتحيزك واضح و تكذيبك على صايد وحقائق واضح وضوح الشمس عليم الله ياشهوان ورب الكعبه هذا كلام كبارنا وكلام شيبانا ورواتنا ان بني هاجر نسل سلطان العبيدي لكن لاحول ولاقوه اذا صارت الحقائق والمصادر موجوده ومن اهل النسب والعلم يعني من القبيله منها وفيها ذاكرين لك ياشهوان ان بني هاجر نسل سلطان العبيدي الضيغمي وتكذبهم ياكبرها عند الله وابن حضرم الي توفا وعمره تجاوز 65 قبل 15 عام كذبته ياا اخي اتق الله في نفسك واذا كان رايك ان فقط ال شهوان هم ضياغم يا اخي احتفظ في هالكلام لنفسك ولاتفشل ربعك في كلامك واعرف انك تمثل نفسك ماتمثل الشهواين جمــــــــــيع لان والله والي بسط سبع ونزل الارض انا لي صداقات كثيره وقرايب من المخضبه وكلامهم مطابق لكلامي والله شاهد فوقي وهذا نسب وانا خوك ماهو لعب والناس مأتمنه على انسابها يعني بالله عليك الجاسر ولا المغيري اعلم من نسب بني هاجر انفسهم؟؟؟؟ خل عنك الاقدميه بالكتاب يعني لو هالكتاب كاتبين ان بني هاجر من الاشراف الحسنين وجيت وقلت لك لااااااااااااا ياشهوان بني هاجر مرجعم للقحاطين !! تقولي اصدق كلامك وكلام شيبانك ولا اصدق كلام الكتاب الكباااااااار الاقدم منك :) يعني والله ماتدخل العقل مناقشتك وردك علينا ياخي تريث ولايخذك الغرور ثـــم ينزلك في اسفل الدرك ياشهوان اركد وانا خوك لي رجعه انشاء الله |
اقتباس:
حمد العبيدي حنا نتشارك الكلام وماوصلنا للحد هذا وبعدين من قالك ان بني هاجر مضيع اصله تعوذ من ابليس واذا ماودك تناقش اترك الموضوع قول الحقيقه 00وش تقصد فيها وتركه للموضوع لفتره مايعتبر هروب بقدر ماهو تخفيف للتشاحن اللي صاير والدليل ردك انا عارف انه ماراح نوصل لنتيجه من كلامنا لان جميع الاطراف مقتنعين بكلامهم لكن نقول على الاقل نقرب وجهات النظر وناخذ من علوم هذا ومن قصيد الثاني وهي كلها إثراء لمعلوماتنا وسلامتك |
اقتباس:
نعم لك رجعه تقرأ فيها ردي وانا اخوك ,, سلطان العبيدي الضيغمي كيف صارت مدري ؟؟ الضياغم قبيله من قبائل عبيده لا تعكسها وقد تكرر منك هذا الشيء وان دل يدل على ؟؟ !! ولذلك لا غرابه انك ما تدري ان الحرقان من الضياغم ,, عزيزي صباح الخير :confused: |
اقتباس:
وعليه كان ردي عليه مقتضب لكي تصل له المعلومه وهي تشن وترن وانا انسحب من هذا المتصفح وان كان لي من كلمه اخيره ,,,, جميعنا اخوان وبني عم ومثل هذه المواضيع ودنا ما تكون علنيه يقراها الزين والشين !!! اتمنى من الاداره التدخل فورا فورا ومنعونا من المناقيد |
| الساعة الآن 03:46 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com