|
رد : القبائل التي دفعت الجزيه لا بن هادي (سلطان نجد)
اقتباس:
وكلامك فى متمه والامير محمد بن هادى بن قرمله ايضا يسمى بجاد وهذى قصيده مترك ال ناهش الوداعين يالله يامنهـوا علـى النـاس بـادي== يا ناشـع الأرض السنيّـه برعـاّاد أفرج لمنهو عـاف حلـو الرقـادي== والعين ماجاهـا مـن النـوم لـدلاد لـو ان رزق الله يجـي باجتـلادي== ما كان جالك يالـردي فيـه ميـراد ميـر الله الــرزّق رب العـبـادي== يعطي عطايا الجود ماهـوب حسّـاد دنيـا ً تقافـت تاليتهـا النـفـادي== والعمر سيـوّره اليـا طـال ينبـاد فيا راكب ٍ حمـرا ً تبـوج الريـادي== حدبا الظهر لاهيب هزعا ولا سنـاد مرباعها من (الايسري) ل (الثنادي ) ==لين الشحم عدى مناقيش الأبـداد(1) لاروّحـت عجـل غياهـا تـشـادي== هيج اليـا ضـف الجناحيـن حـوّاد تنشر من (الفرعة ) مع الصبح بادي== وفالعصر تمسي يابس الشور بجّـاد (محمد بن هادى بن قرمله) ليـه نيـرة ٍ مثـل الثريـا تنـادي ==بيتـه كمـا عـد ٍ بـه الكـل ورّاد وله ربعـة ٍ يلقـا بهـا كـل زادي ==يذبح سمان الابل مع الحيل الأضمـاد وله سابق تطرى مع هـل الطـرادي== لافرعن البيـض غضـات الأنهـاد كم من قليع ٍ جـات صوبـه تقـادي== سعد ابن عمه يحتمـل منـه ماكـاد سلم عليه اعـداد حـب الحصـادي== واعداد ماتـذري زواعيـج الانـواد وانا ماهمنى كلام بعض الاعضاء ومايستشك يحسين كود الرديين==ولاترى الطيب وسيع بطانه انا تواجدى فى منتدى قحطان للاستفاده من تاريخ الطيبين وتصحيح بعض المعلومات ولعلى استفيد منكم اكثر مما تستفيدون منى ولكن ودى يكون النقاش بأحترام وتقدير ويكون عقلانى وبالأدله سواء التاريخ معنا او ضدنا والرجال من خلقت الدنيا وهى تاخذ وتوخذ وتنتصر وتنهزم ولاضر الرجال هزايمهم وكل فيه حقه من المراجل،،، تحيه وتقدير لشخصك الكريم ياأبا الذموم تحياتى |
رد : القبائل التي دفعت الجزيه لا بن هادي (سلطان نجد)
يابراك العلم لايتعداك
اول الغيث رش ثم ينهمر اول علومك حلوى ثم رجعت وخنزتها ياولد زايد تراك اتكلم عن قحطان مانت اتكلم معا السعدي والله ماودنا تسيرون ياالربع بدون نور بارد عليك بالكلام الي عليه الله مشخر الفرسان قصير شالح وعدا معى قصيره لاكن ماهو ذا الي تدور له اما مسعود بن شري شقيتوا بطن خويه وعلقتوه في مجلس ابن قويد ثم قلطتوا مسعود لاخويه ينازع ويقول تكفا يامسعود غدروني الدواسر فقال مسعود ارقد بنومك والله ان اخذ فيك الميه اما لونكم الحقتوا مسعود خويه كان هانت عليكم لاكن تبون تقهرونه وتفشلونه بين القبايل فخليتوه لاكن ربي يدور لكم استمر مسعود بن شري يغزي الدواسر اربعين سنه حتى ذبح تسعه وتسعين ويوم جاه الموت قال لعياله منو منكم جملي قال جمل بن مسعود انا جملك يابوي قال العود باقي لي عند الدواسر واحد وابر ديني فغزاهم جمل وعين سته فذبح واحد فهجموا الباقين فامتنع وذبحهم العدد----105 يابراك هذا حق الخوي عندنا قبله محمد بن محسن بن سلطان ( الحرقان ) ذبح من ربعه القريبين 11 حاديهم خاله في خويه حنا ذبحنا خالنا في خوينا اما الجيش الي يقوله ابن دحلان انه يخصي العرب وقال انه جيش مولاه فحنا وانتوا مولانا الله فانه جيش الباشا والطريق الي سلكه الجيش الخرمه رنيه تربه فلا هذي بديار قحطان ديار اقحطان كما قلت انت فقار نجد اما وطبان فضربه ابيض المشعاب في جبهته بالمشعاب لاعيونه في القاع اما الجزيه فهاذي القشه التي قصمت ظهر البعير اما انا وانت والمشاركين فديدنا الكلام والفعل الله اعلم به اختم بهذه الابيات قلتها في وقت سابق من عقب ذا ياراكبن فوق مــــــــنتوق ----------------------- لاينتقص زيته ولاينتقــــــــص ماه يموج تمثاله كما عـــــــنق غــــرنوق ----------------------- خل السليل وجــــــــهتله بمـمشاه ينصا القروم الي القوادي لها ســـوق ----------------------- الاد زايد مســــــــرجين المـــحذاه اهل الجهام الي رعت كل زمـــــــلوق ----------------------- ترعى بهيبتهم على كل منحــــاه سود الغوارب دونها الدم مــــــــريوق ----------------------- كم طامعن من دونها كسرت انياه والدواسر متعدين القبايل بكرمهم وشجاعتهم لاتحط عليهم عجه لاعدمتك هم عندنا مثل الشمس الي تشرق علينا من وراهl |
رد : القبائل التي دفعت الجزيه لا بن هادي (سلطان نجد)
لو أن لبدوان في الحكم شده= كان بن هتديا حكم وبن هادي
ويقول ابن هادي : ان كان رمحك في هل الخيل ملحوم=فنا برمحي حامي نجد كله هناك فهم خاطيء في المصطلحات المتداولة وغيرها مثل : الجزية وهذا اللفظ ليس له وجود عند القبائل وإنما الموجود الاخاوة والشبكة . وابن هادي سيطر سيطرة شبه كامله على بادية نجد ويعتبر في زمانه حاكم البادية في تلك النواحي خاصة أبان أختلال الامن المركزي في بعض مراحل الدولة السعودية الأولى والثانية كما هو معروف . ملاحظة هامة : تذكروا إنكم في شهر الخير والبركة فلا تذهبوا حسناتكم في بعض اللغط الغير مجدي . تقبلوا تحياتي . |
رد : القبائل التي دفعت الجزيه لا بن هادي (سلطان نجد)
اقتباس:
مرحبا بك يالمطيري يابن بصيص ونعم فيكم جميع ابن هادي يوم يقول للامام حنا لك اطوع من عنيبر ومسعود قصده ومعناه اي الوفاء وعدم الخيانه لان ابن هادي عاهد الامام على نشر الدعوه والعقيده السنيه وهدم الشرك بجميع انواعه ولكن ارى ان بعض القبائل قامت تستدل بهذا البيت لتقليل مقام ابن هادي وياخو رفعه ابن هادي لم يحالف احدا من اي القبائل ابدا ابدااا بل ابن هادي هو من تعرض للتحالف من الغير وانت تعلم مناخ القرينات عندما تحالفت القبائل ضد ابن هادي والسبب هو ربعك القريبين عندما دخلواء في وجهه وعندما طلب شيخكم الدويش تسليم بريه له رفض ابن هادي فتحالف الدويش مع ابن رشيد وحرب وعتيبه ولكنهم هزمواء فهذا يدل على ان ابن هادي لم يكن عاملا عند احد ولكن كان حاكما ومناصرا للدعوه السعوديه ولعقيده صحيحه وانت تعلم عندما سقطت الدوله السعوديه الثانيه خانت اغلب القبائل وذهبت في صف الباشا ما عدا ابن هادي رفض وشكرا لك يا خو رفعه |
رد : القبائل التي دفعت الجزيه لا بن هادي (سلطان نجد)
اقتباس:
تابعوا ردوده وتشوفون يقول ( الريجيل ) وشغال دق اسفين ) يقول فخذ الجحادر والجحادر قبايل ويقول مانزل لنجد الا ربع ابن شفلوت يعني الفهر وابن شفلوت ربعه عبيده كلهم والي نزل من عبيده الفهر---- وال مهدي------- والعرجان---- وحماله----- وعيال ابن جاري ال الجرو ------- وال عايذ يامتعب خلك من ورا كشب جالس |
رد : القبائل التي دفعت الجزيه لا بن هادي (سلطان نجد)
اقتباس:
وثبت كلامك بالمصادر في الاوله وهي قصه مشخر الفرسان مع ذيب بن هدلان ومشاركته معه في حرب جيش ابن سعود هذا شرطي الاول فان فعلت ووفيت بكلامك سافي بكلامي وقحطان شاهده على في المنتدى وان راوغت فلا ني مجبور اوضح لك المصادر لان النقاش سيكون عقيم للغايه |
رد : القبائل التي دفعت الجزيه لا بن هادي (سلطان نجد)
اقتباس:
لكن لو انك سالم من تفسيرك حنا اطوع لك من عنيبر ومسعود لان تفسيرها مجاز بارك الله فيك وتعبير عن الولاء والطاعه ،، واخيرا ونعم بكم يال بصيص ظهر منكم اشجع العرب تريحيب بن شرى تحياتى |
رد : القبائل التي دفعت الجزيه لا بن هادي (سلطان نجد)
اقتباس:
اظن شهود اثنين كافين ابا الذموم والضور ولا تبى تقول مااقبل شهادتهم مابه اشكال اجيب لك شهاده امير المخاريم ومختومه بختمه وبشرط انك تجيب لى شهاده من امير المسارده يشهد فيها بسالفه مسعود بن شرى،،، وان كان ماجبتها فيعقبونى الفنجال ربعى المخاريم وان كان ماجبت شهادتك فيعقبونك ربعك فناجيلك اللى تدعي شربها!! وهذا اسمى الكامل براك بن عيد بن مسفر بن دريميح الضبان المخاريم وحط اسمك هنيا لجل يعرف القاصى والدانى والوعد قدام والحى بيشوف وراح انزل صوره من صك الامير الهلقمى فى منتداكم ان سمحوا قبيله قحطان الكرام تحياتى |
رد : القبائل التي دفعت الجزيه لا بن هادي (سلطان نجد)
اقتباس:
وانا شرطت عليك بالاول قمت وجيتني بسالفه مسعود بن شري وهذا تهرب واضح وانت من بداء فعطني مصادرك من الكتب الموثقه كما قلت واترك الكلام وطولة الحكي والمدح الذي له قصد ؟؟؟؟؟ واشعال الفتنه بين الاعضاء بالمنتدى فان كنت على دينك ومحاضراتك في بدايه الموضوع فلا تغير مسار الحديث وتفتح مواضيع ليست لها علاقه بالموضوع والموضوع عن الجزيه فعطيتنا رايك ومشكوووور على رايك نتقبله بصدر رحب ولكن ارى انك بحثت امور الدواسر مع قحطان وغيرت الموضوع وفتحت مواضيع انت في غنى عنها والموضوع لا يخص قبيله بعينها ولكنك قمت تحاور الجميع وفي مواضيع مختلفه والحين بتوقع اوراق مختومه من اميرك وبكره شهود عليها وهذه ما حنا في حاجه شهاده شيخكم حنا نبي مصدر محايد والسديري ابن عمكم كما تقولون ليش ما سجلها اليس هو من كتب الملحمه الزايديه امثل هذا الموضوع يخفى عنه عطنا مصادر موثقه يا عزيزي واحترم ردودك ولا تتعدى في الالفاط لانك رجل والرجل لسانه حصانه اشوف بالاوله عطيتنا دين وفي التالي قمت تنهج نهج مدري كيفه مسوي وشكرا |
رد : القبائل التي دفعت الجزيه لا بن هادي (سلطان نجد)
اختموها يالربع وقفلوا المواضيع الشهر فضيل والحذف وصل الركب
انت يابراك استفزتك الجزيه وحولت علينا ياجيرانك بشي مقطع وشي مخلع وتروا ماكل مايكتب يقال هذا مثال دخلت المنتديات من -- 3 --- اشهر لاثري معلوماتي == مجالس قحطان== قحطان نت== بوابه الهيلا== عتيبه الهلا== مجالس العجمان== وكل من هالمجالس يحوش الجمر لقرصه لاكفاهم الجمر ولانجحت القرصه ولاكن ان قلتوا لا فلاتجرحون القبايل احشموها بالكلام وبالفعل وشيوخ القبايل من انقص قيمه شيخ او افترى عليه الله ياهبها بين عيونه اي قبيله تكبر عندما تعد مالها وماعليها |
| الساعة الآن 05:45 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com