|
اقتباس:
اررررررررررررحب يا ذيب العبيدي من ابطى من جاء يا الغالي وكل ابن غفره بركه اللي جمعنا , وتواصلك يا ذيب عز . بالنسبه للسؤال اللي طرحته ؟؟ والله ما ادري ويش اقول, في الخلا ودي ان كل النشاما معي , ودام اغني على كل طاروق ومن ضمنها يا علي يا خوي الجنب قلبي شقاوي ***** يا خويي ليا كل تذكر خويه هقوتي فيك تبقى فوق كل الهقاوي ***** قرب الطرس وكتب لي بيوت طريه وسلامتك يا ذيب |
اقتباس:
الغالي فتى الخليج اررررررحب حياك الله , ولاهنت على تواصلك الجميل وعيال عمي اللي ذكرتهم شعار من الطراز الاول لو ان شهادتي فيهم مجروحه ولي معهم بعض المحاورات الخاصه اللي ما يتسع المجال لذكرها لكن في المستقبل ان شاء الله ترونها قريبا وسلامتك |
اقتباس:
اررررررررحب انت يا بن مانع الرفيدي لاهنت على تواصلك ومروك العذب على الموضوع , وهذا هو رأس المال , واعجابك محل تقديري والله يجملنا من الرجال اللي شرواك مشكووووور يا سنايدي |
اقتباس:
سديد الرأي اررررحب يا الغالي ولاهنت على تواصلك العذب , ولاهوب غريب على النشاما امثالك العلم الغانم الاجابه على اسئلتك *** مثلي الاعلى في الشعر ؟؟؟ كل شاعر يقدم الشعر الابداعي الجميل , ويقدم للجمهور ما يليق بالشعر الجميل , ولا احدد اسماء بعينها ***انا لا ادافع عن قضيه معينه , انما لا اتحرج في مناقشة موضوع ارى من وجهة نظري انني لا ابد ان ابدي رأيي فيه وناقشت كذا موضوع والانسان اي ( انسان ) توجد بداخله افكار وثوابت يرا الاشياء من خلالها , فكيف بالشاعر ذو الكلمة المسموعه , وسال الله تعالى ان يقدينا لطريق الصواب **** نزلت قصيدة قحطان , في البلوتوث وفي كاسيت من خلال الامسيات اللي القيتها فيها , اما المجلات فلا اعتقد ان هناك مجله سوف تجازف بنشرها وذلك بداعي نبذ العنصريه , عموما ارى انها اخذت حقها في الانتشار المنقطع النظير وسلامتك يا سديد الراي |
الاخ عوض قبل احيك ابقول الله يعين اصابعك من الكيبورد لكثرة الاسئلة التي تدل على شعبيتك وما شاء الله تبارك الرحمن, الحقيقه انك من الشعراء المتميزين الذين احب ان اسمع لهم.
وانا والله كان معي الكثيرمن الاسئلة لكن الجماعه الله يخليهم ذخر ما قصروا تقبل تحيات اخوك المغترب بامريكا والسلام عليكم ورحمة الله وبركاته |
اقتباس:
المغترب الزهيري تحياتي لشخصك الكريمارررررررحب نيابة عن كل السعوديين هنيا تواصلك معنا شرف وعز وهو رأس المال , و الله لايهتنك يا الغالي على متابعتك اللي تسعدني وتشرفني .. لاعدمتك سلم على قحطان اللي في امريكا كلهم ما شاء الله اجتاحوا الربع حتى امريكا .. جعلكم ذخر ويوفقكم على طاعته |
اخي ابن ظفره
بيض الله وجهك اللي جعتنا با الشاعر الكبير عوض بن شفلوت القحطاني وانا ما تاخرت الا متعمد لكي اتوخى الجديد في طرح الاسئله الشاعر عوض س1 لاحظت تواجد كبار شعراء قحطان وقت الموجهة ولكن لم نرا احد منهم طرح عليك اي سؤال او تسجيل المرور والسلام على الاقل وعلى راسهم بن حمري السؤال هل هناك حساسيات بين شعراء قحطان ام هي الغيره من النجاح س2هل سنراك الصيف القادم في مهرجان صيف ابها وسلامتك والمعذره يا بو عبدالرحمن على التاخير مره ثانيه |
اقتباس:
الغالي ذيب المناديه اررررحب , ولاهنت على تواصلك الجميل اللي يدل على طيبك . وللاجـــــــــــــــابه على اسئلتك ** الحقيقه , ان كل شعراء قحطان كلهم ربع واخوان , والعلاقه معهم اكثر من علاقة شعر , وهم عيني اليمين وتواجدهم يزيدني شرف , لكن ظروف الوقت لها احكام , والله يوفقهم ويزيدهم من فضل .... ** امسيات ابها لازالت ولم تحدد الاسماء الى الان , وان شاء الله ما يصير الا اللي فيه خير ولك خالص تحياتي |
السلام عليكم
اخوي بن غفره ..بيض الله وجهك على المواجهه الجميله هذي وما ادري اذا فاتني الدور ولا لا احب احيك اخوي عوض وشاعريتك مافيها واحد ثنين انت شاعر وتستحق لقب( سنام الشعر ) الي كسبته ســــــــؤال ما شفت احد سئاله / كم بلغت عدد قصائد عوض بن شفلوت السؤال الثاني/ حزن....غزل....فكاهه...رثاء...هجاء...اي مجال منها تجد نفسك عند كتابتك القصيده السؤال الثالث/ وجوابه عباره عن كلمه لكل كلمه الحياه..؟ الشعر..؟ الدمعه..؟ قحطان..؟ انت..؟ الامل..؟ الجرح..؟ اعجابي ومتابعتي لك يا عوض والله يوفقك اخوك علي بن طراد |
اقتباس:
الغالي : علي بن طراد اررررررحب تراحيب المطر لاهنت على تواصلك الاكثر من رائع , ولاهنت على اطراءك العذب اللي يدل على طيبك , تواجدك وتواجد اللي شرواك تزيد المنتدى عز على عز .. ولك مني خالص الشكر والتقدير الاجابه ** عدد القصايد ... ؟ والله ما اقدر احصيها يا علي ماهو من كثرها , لكن الذاكره تخون في بعض الاحيان لدرجة ان بعض الاخوان يذكرني بقصايد ناسيها تماما ** كل الاغراض اكتب فيها بدون تحديد , والشاعر المتكامل ما يقتصر على غرض واحد , ربما يبدع في غرض لكن يقف على غرض واحد ما اتوقع , وانا ما يفرق عندي الغررض ما دام الموقف هو الحكم ** الحياة :: سعادة ومراره ورحلة للاخره ** الشعر :: متنفس لاحاسيس العامه , ووجاهه للطبقة الارستقراطيه ** الدمعه :: ضعفا احيانا وقوة احيانا ** قحطان :: لو لم انتسب اليها لانتسبت اليها ** انا :: عبد فقير الى ربه ** الامل :: اجمل شي في الدنيا ** الجرح :: معلم لا يرحم وسلامتك يا علي تحياتي للجميع |
| الساعة الآن 03:32 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com